«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگو ۇلگىسىندەگى وسىزامانداندىرۋ − مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ داڭعىل جولى
2023.08.16 16:23 كەلۋ قاينارى : حالىق تورابى
شينحۋا اگەنتتىگى، 8 ـ ايدىڭ 15 ـ كۇنى، بەيجيڭ. 8 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 16 ـ سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگو ۇلگىسىندەگى وسىزامانداندىرۋ − مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ داڭعىل جولى» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: ءبىر مەملەكەت وسىزاماندانۋعا بەت الۋدا، وسىزاماندانۋدىڭ جالپى زاڭدىلىعىنا بويسۇنۋى ءارى ءوز ەلىنىڭ ءىس جۇزىندىگىنە ۇيلەسۋى، ءوز ەلىنىڭ ەرەكشەلىگىن ازىرلۋى كەرەك. جۇڭگو ۇلگىسىندەگى وسىزامانداندىرۋدا ءار ەلدىڭ وسىزاماندانۋىنىڭ ورتاق ەرەكشەلىگى بولۋمەن بىرگە، ءوز مەملەكەت جاعدايىمىزدى نەگىز ەتكەن ايقىن ەرەكشەلىك تە بار. پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ 5 جاقتاعى جۇڭگوشا ەرەكشەلىگى ايقىن جيناقتالىپ، جۇڭگو ۇلگىسىندەگى وسىزامانداندىرۋدىڭ عىلمي ءمانى تەرەڭ ايگىلەندى. بۇل ءارى نازاريالىق تۇجىرىم، ءارى امالياتتىق تالاپ بولىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا داڭعىل جول كورسەتتى.
ماقالادا مىنالار اتاپ كورسەتىلدى: جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن تابىستى امالياتقا اينالدىرىپ، ايقىن ەرەكشەلىگى بار وزگەشە ابزالدىققا اينالدىرۋ ءۇشىن جاپالى قۇلشىنىستار جاساۋعا تۋرا كەلەدى. ءبىرىنشى، حالىق سانى وراسان زور وسىزامانداندىرۋ. بۇل − جۇڭگو ۇلگىسىندەگى وسىزامانداندىرۋدىڭ كورنەكتى ەرەكشەلىگى. جۇڭگونىڭ ءبىر ميلليارد 400 ميلليوننان استام حالقى وسىزاماندانۋعا قادام تاستادى، كولەمى قازىرگى دامىعان ەلدەردىڭ حالىق سانىنىڭ جيىنتىعىنان اسىپ، وسىزاماندانعان دۇنيە ءجۇزى كارتاسىن بارىنشا وزگەرتەدى. بۇل − ادامزات تاريحىنداعى كولەمى ەڭ زور وسىزامانداندىرۋ، سونداي - اق قيىندىق دارەجەسى ەڭ زور وسىزامانداندىرۋ. ءبىز ماسەلەگە وي جۇگىرتكەندە، شەشىم جاساعاندا، ءىس ىستەگەندە الدىمەن حالىق سانىنىڭ نەگىزدىك سانى ماسەلەسىن، ەلىمىزدىڭ قالا - اۋىل وڭىرلەرىنىڭ دامۋ ورەسى پارقىنىڭ زور بولۋى سياقتى ءىس جۇزىندىك جاعدايدى ويلاستىرۋىمىز كەرەك، قول جەتپەسكە قول سوزۋعا دا، كونە سۇردەككە جارماسىپ الۋعا دا بولمايدى، تاريحي سابىرلىلىقتى ساقتاپ، ورنىقتىلىق بارىسىندا ىلگەرىلەۋدە، تارتىپپەن ىلگەرىلەۋدە، ۇزدىكسىز ىلگەرىلەتۋدە تاباندى بولۋ كەرەك. ەكىنشى، جالپى حالىق بىرگە اۋقاتتاناتىن وسىزامانداندىرۋ. بۇل − جۇڭگو ۇلگىسىندەگى وسىزامانداندىرۋدىڭ ەرەكشەلىگى ءارى باتىستىڭ وسىزاماندانۋىنان پارىقتالاتىن كورنەكتى بەلگى. ساپالى دامۋدى ىلگەرىلەتىپ، ”بالكۇلشەنى“ ۇلكەيتۋمەن بىرگە، ”بالكۇلشەنى“ اناعۇرلىم جاقسى ءبولىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، ەكى ۇيەككە جىكتەلۋدەن باتىل ساقتانۋ كەرەك. ءۇشىنشى، ماتەريالدىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ. ءارى زاتتىق جاقتان باي، ءارى رۋحاني جاقتان باي بولۋ − جۇڭگو ۇلگىسىندەگى وسىزامانداندىرۋدىڭ وسكەلەڭ تالپىنىسى. ەكى جاقتى يگەرۋدە، ەكى جاقتى دا قاتاڭ يگەرۋدە تاباندى بولىپ، زاتتىق وركەنيەت پەن رۋحاني وركەنيەتتىڭ ءوزارا سايكەسۋىن، ءبىرىن - ءبىرى جەبەۋىن ىلگەرىلەتۋ كەرەك. قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيا ورناتىپ، حالىقتىڭ رۋحاني دۇنيەسىن ۇزدىكسىز بايىتىپ، تۇتاس قوعامنىڭ وركەنيەت دەڭگەيىن جوعارىلاتىپ، ادامنىڭ جان - جاقتى دامۋىن جەبەۋ كەرەك. ءتورتىنشى، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ. تابيعاتقا قۇرمەت ەتۋ، تابيعاتقا سايكەسۋ، تابيعاتتى قورعاۋ، ادام مەن تابيعاتتىڭ جاراسىمدىلىعىن جەبەۋ − جۇڭگو ۇلگىسىندەگى وسىزامانداندىرۋدىڭ ايقىن ەرەكشەلىگى. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ساپالى ەكولوگيالىق ورتا ارقىلى ساپالى دامۋعا تىرەك بولۋ كەرەك. بەسىنشى، بەيبىت دامۋ جولىمەن جۇرەتىن وسىزامانداندىرۋ. بەيبىت دامۋدا تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن باتىل قورعاۋ بارىسىندا وزىندىك دامۋدى كوزدەۋ ءارى وزىندىك دامۋ ارقىلى دۇنيە ءجۇزىنىڭ بەيبىتشىلىگى مەن دامۋىن اناعۇرلىم ويداعىداي قورعاۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ − جۇڭگو ۇلگىسىندەگى وسىزامانداندىرۋدىڭ كورنەكتى ەرەكشەلىگى. ءبىز باستان - اياق بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، ءوزارا تيىمدىلىك جەتكىزىپ، تەڭ يگىلىككە كەنەلۋ سىندى ەسىك اشۋ ستراتەگياسىن اتقارىپ، ناعىز كوپ جاقتىلىقتى امالياتتا ايگىلەپ، بۇكىل ادامزاتتىڭ ورتاق قۇنىن ساۋلەلەندىرىپ، ادامزاتتىڭ بەيبىتشىلىگى مەن دامۋىنا اناعۇرلىم زور ۇلەس قوسۋعا قۇلشىنۋىمىز كەرەك.
ماقالادا مىنالار دارىپتەلدى: جاڭا جۇڭگو قۇرىلعاننان، اسىرەسە، رەفورما جاساپ، ەسىك اشقاننان بەرى ءبىز نەشە ون جىل ۋاقىت جۇمساپ باتىستاعى دامىعان ەلدەر نەشە ءجۇز جىل باسىپ وتكەن ونەركاسىپتەنۋ بارىسىن اياقتاتىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋ كەرەمەتتەرىن جاراتىپ، جۇڭحۋا ۇلتىنىڭ ۇلى گۇلدەنۋىنە كەڭ ءورىس اشتىق. اماليات جۇڭگو ۇلگىسىندەگى وسىزامانداندىرۋدىڭ ورنىقتى، باياندى جالعاساتىنىن، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ بىردەن - ءبىر دۇرىس جولى ەكەنىن دالەلدەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
