كوممۋنيستىك جاستار وداعى ورتالىق كوميتەتى، مەملەكەتتىك جاستار بىرلەستىگى فىڭ جىن، جاڭ جىجاۋعا ”جۇڭگو جاستارىنىڭ 4 - مامىر مەدالىن“ بەردى
2023.08.17 15:59 كەلۋ قاينارى : حالىق تورابى
«حالىق گازەتى»، 8 ـ ايدىڭ 16 ـ كۇنى، بەيجيڭ. ءتىلشىنىڭ 8 ـ ايدىڭ 16 ـ كۇنى كوممۋنيستىك جاستار وداعى ورتالىق كوميتەتىنەن ۇعىسۋىنشا، كوممۋنيستىك جاستار وداعىنىڭ ورتالىق كوميتەتى، مەملەكەتتىك جاستار بىرلەستىگى جۋىردا تاسقىننان ساقتانىپ، اپاتتان قۇتقارۋ بارىسىندا ۇكىمەت قىزمەتى جولىندا قۇربان بولعان فىڭ جىن، جاڭ جىجاۋ جولداستارعا ”جۇڭگو جاستارىنىڭ 4 - مامىر مەدالىن“ بەرۋدى ۇيعارعان.
فىڭ جىنشىڭ كوزى تىرىسىندە بەيجيڭ قالاسى حايديان رايونى بەيانحى ءورت ءسوندىرۋ، ورتتەن ساقتانۋ قۇتقارۋ ـ كومەكتەسۋ پۋنكتى ەرەكشە مىندەت 1 ـ بانىنىڭ بانجاڭى، شيشياۋيىڭ شاعىن پۋنكتىنىڭ باستىعى، 1 ـ دارەجەلى ءورت ءسوندىرۋ، ورتتەن ساقتانۋ قۇتقارۋ ـ كومەكتەسۋ شەنىنىڭ يەگەرى بولاتىن. 7 – ايدىڭ 31 - كۇنى فىڭ جىن بەيانحى سولتۇستىك كوشەسىندەگى قوسىندى باستاپ تاسقىندا قامالىپ قالعان بۇقارانى قۇتقارىپ جاتقاندا، تاسقىن كەنەتتەن كۇشەيىپ، ءۇرتىس شايقاس جاساۋ بارىسىندا دەنە قۋاتى السىرەۋ سەبەبىنەن تاسقىنعا كەتىپ، باقىتقا قارسى نە ءبارى 30 جاسىندا ەرلىكپەن قۇربان بولادى.
جاڭ جىجاۋ كوزى تىرىسىندە جيلين ولكەسى شۋلان قالالىق حالىق ۇكىمەتى كەڭسەسى جالپىلىق 2 - ءبولىمىنىڭ باستىعى، 4 - دارەجەلى مەڭگەرۋشى ءبولىم قىزمەتكەرى بولاتىن. 8 ـ ايدىڭ 3 ـ كۇنى جاڭ جىجاۋ شۋلان قالاسى كاييۋان قالاشىعىنىڭ چيڭسۇڭ ورمان الاڭىندا تاسقىن سۋ قورشاۋىندا قالعان بۇقارانى قۇتقارۋعا كىرىسكەندە، كەنەتتەن ەرەكشە اۋىر تاسقىن اپاتىنىڭ قاتەرىنە ۇشىراپ، دەرەكسىز كەتىپ، ۇكىمەت قىزمەتى جولىندا نە ءبارى 35 جاسىندا قۇربان بولادى.
قاراردا مىنالار اتاپ كورسەتىلدى: فىڭ جىن، جاڭ جىجاۋ جولداستار تاسقىننان ساقتانۋ، اپاتتان قۇتقارۋ قىزمەتى بارىسىندا اتويلاپ العا شىعىپ، باتىلدىقپەن جاۋاپكەرلىك ارقالاپ، اپات جاعدايى اۋىر، قاتەردەن اراشالاۋ قيىنشىلىعى زور، بۇقارا قاجەت ەتكەن ءبىرىنشى شەپكە ىشكەرىلەي بارىپ، اۋىر جۇك ارقالاپ، اۆانگارد بولىپ، سەركەلىك رول اتقارىپ، ومىرىمەن بورىش ارقالاپ، بار ىنتا - پەيىلىمەن حالىقتى قورعاپ، ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرلەرىنىڭ حالىق بۇقاراسىمەن تاعدىرلاس بولۋ سەنىمىن، پارتيالى كادرلاردىڭ حالىق بۇقاراسىمەن ەتەنە دوستىق سۇيىسپەنشىلىگىن ايگىلەدى، ولار − ءبىرىنشى شەپتە شايقاس جاساپ، لاي - باتپاق كەشىپ، بۇقارامەن ەتەنە بولعان تاڭداۋلى جاستاردىڭ تيپتىك ۋاكىلى.
قارار مىناعان ۇندەدى: ءار دارەجەلى كوممۋنيستىك جاستار وداعى مەن جاستار بىرلەستىگى فىڭ جىن، جاڭ جىجاۋ جولداستاردىڭ ىزگى ىستەرىن كەڭ كولەمدە ۇيرەنىپ جانە ۇگىتتەپ، قالىڭ وداق مۇشەلەرى مەن جاستاردى ”پارتيا ۇندەيدى ەكەن، وداق ارەكەتكە كەلۋ“ سىندى تاڭداۋلى ءداستۇردى ساۋلەلەندىرۋگە جەتەلەپ، قالىڭ وداق مۇشەلەرى مەن جاستاردى تاسقىننان ساقتانىپ، اپاتتان قۇتقارۋ بارىسىندا جالىندى كۇش جانە ەكپىندىلەر قوسىنى بولۋ رولىن تولىق ساۋلەلەندىرۋگە ۇيىمداستىرۋى جانە جۇمىلدىرۋى كەرەك. قالىڭ وداق مۇشەلەرى مەن جاستار فىڭ جىن، جاڭ جىجاۋدى ۇلگى ەتىپ، حالىقتىق مايداندا بەرىك تۇرىپ، وتباسى، وتان سۇيىسپەنشىلىگىن بەكەمدەپ، كۇرەس قاسيەتىن شىڭداپ، ۇلەس قوسۋ رۋحىن ساۋلەلەندىرىپ، پارتيامەن تىلەكتەس بولۋعا، وتانمەن بىرگە بولۋعا، داۋىرمەن بىرگە العا باسۋعا تاباندى بولىپ، جاڭا داۋىردەگى جاڭا جورىقتا پارتيا جۇكتەگەن بورىش پەن مىندەتتى شىنايى ارقالاپ، جۇڭگو ۇلگىسىندەگى وسىزامانداندىرۋ قۇرىلىسىندا كەۋدە كەرە جاۋاپكەرلىك ارقالاپ، مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن ىلگەرىلەتۋ جولىندا ۇزدىكسىز كۇرەس جۇرگىزۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
