مەملەكەتتىك تاسقىننان ساقتانۋ باس قولباسشىلىق شتابى ىشكى موڭعۇل، گانسۋ، شينجياڭ قاتارلى جەرلەرگە 4 - دارەجەلى شۇعىل جاعدايعا توتەپ بەرۋ ۇندەۋىن باستادى
2023.08.17 16:12 كەلۋ قاينارى : حالىق تورابى
8 ـ ايدىڭ 16 ـ كۇنى، مەملەكەتتىك تاسقىننان ساقتانۋ باس قولباسشىلىق شتابى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى تاسقىننان ساقتانۋ، قۋاڭشىلىققا قارسى اتتانۋ ارناۋلى تاقىرىبىنداعى بەينە – ەكران ءماجىلىسىن اشىپ، جۇڭگو اۋا رايى مەكەمەسىمەن، سۋ يگىلىگى مينيسترلىگىمەن، جاراتىلىستىق بايلىق مينيسترلىگىمەن بىرلەسىپ تاسقىن جاعدايى، قۋاڭشىلىق جاعدايىنىڭ دامۋ احۋالى جونىندە بىرلەسىپ اقىلداسىپ، بەينە – ەكران فورماسى ارقىلى تيانجين، گانسۋ، چيڭحاي سياقتى جەرلەرگە ورنالاستىرۋ جاساپ، ءتۇيىندى وڭىرلەردىڭ تاسقىننان ساقتانۋ، قۋاڭشىلىققا قارسى اتتانۋ قىزمەتىن ورنالاستىردى.
اقىلداسۋ ءماجىلىسى مىنالاردى اتاپ كورسەتتى: تيانجين، حىبەي قاتارلى جەرلەردەگى توسپالاردى شارلاۋ، قورعاۋ جانە سەلدەن ساقتانىپ اپاتتان قۇتقارۋ مىندەتى ءالى دە اۋىر. جاقىندا بۇكىل ەل كولەمىندە ءىشىنارا جەرلەردە كۇشتى جاڭبىر جاۋىپ، ءبىر ءبولىم ورىنداردا قىسقا ۋاقىتتىق قالىڭ جاڭبىر جاۋىپ، كۇشتى كونۆەكسيالىق اۋا رايى كوپ ءجۇز بەرىپ، چيڭحاي، سىچۋان، يۇننان قاتارلى ورىنداردا جانە دە قالىڭ جاڭبىر نەمەسە نوسەر جاۋىپ، اپاتقا اينالۋ حاۋپى جوعارىلاۋدا؛ ىشكى موڭعۇلدىڭ ورتا، باتىس بولەگى، شينجياڭنىڭ سولتۇستىك بولەگى، گانسۋ قاتارلى جەرلەردىڭ كەي وڭىرلەرىندە قۇرعاقشىلدىق اۋىر بولدى، ونىڭ ۇستىنە جانە دە جالعاستى كۇشەيۋى مۇمكىن، تاسقىننان ساقتانۋ مەن قۋاڭشىلىققا قارسى اتتانۋدى قاتار يگەرۋگە، قاتاڭ يگەرۋگە ءسوزسىز تاباندى بولۋ كەرەك.
اقىلداسۋ ءماجىلىسى مىنالاردى باسا دارىپتەدى: بەيجيڭ، تيانجين، حىبەي ءوڭىرى توسپالاردى شارلاۋ، قاتەردى تەكسەرۋ، ەگىس اتىزدارىنداعى تاسقىن سۋدى ىعىستىرۋ سياقتىلاردى مىقتى يگەرىپ، تاسقىننىڭ تەڭىزگە حاۋىپسىز قۇيىلۋىنا كەپىلدىك ەتىپ، شۇعىل جاعدايعا توتەپ بەرۋ تۇرمىستىق زاتتىق ماتەريالدارىن ورنالاستىرۋ مەن قامداۋدى كۇشەيتىپ، اپاتتان قۇتقارۋ، كومەك بەرۋ قىزمەتىن ۇيلەسىمدى جاقسى ىستەپ، قاتىناس، ەلەكتر، سۋمەن قامداۋ، سۋ ىعىستىرۋ، حابارلاسۋ سياقتى ماڭىزدى نەگىزدىك قۇرىلعىلاردى شۇعىل جوندەپ، تازالاۋ، ديزەنفەكسيالاۋ قىزمەتىن دەر كەزىندە ورىستەتىپ، اپات تۋىلعان رايوننىڭ قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋ كەرەك. چيڭحاي، سىچۋان، يۇننان قاتارلى جەرلەر ءبىر ءبولىم ورىندارداعى قاتتى جاڭبىردىڭ الدىن الۋدى مىقتى ۇستاپ، جاڭبىر، سۋ احۋالىن جاقىننان كۇزەتىپ، قىسقا، ۋاقىتتىق ساقتىق سيگنالىن كۇشەيتىپ، نەگىزگى ساتىنىڭ جاۋاپتىسىنا تىكەلەي باراتىن اپاتتىڭ الدىن الۋ ساقتىق سيگنال بەرۋ مەحانيزمىن تياناقتاندىرۋ كەرەك؛ حاۋىپ – قاتەرى جوعارى وڭىرلەر مەن حاۋىپ – قاتەرلى جوعارى بولەكتەردى قاتاڭ قاداعالاپ، ءتۇيىندى ادامداردىڭ حاۋىپسىزدىگىن باسقارۋدى جاقسى ىستەپ، قاتەرلى وڭىردەگى ادامداردى باتىل جوتكەۋ كەرەك. ىشكى موڭعۇل، شينجياڭ، گانسۋ قاتارلى جەرلەردە قۋاڭشىلىققا قارسى تۇرۋ، سۋ ىستەتۋ جوباسىن عىلىمي جاساپ، شۇعىل جاعدايعا قارسى تۇرۋ سۋ قاينارى قۇرىلىسىن كۇشەيتىپ، ءتۇرلى امالداردان پايدالانىپ قۋاڭشىلىققا قارسى تۇرۋ سۋ قاينارىن كوبەيتىپ، قۋاڭشىلىققا قارسى تۇرۋ سۋ قاينارىن ءبىرتۇتاس تەڭشەپ باسقارۋدى كۇشەيتىپ، قاجەت بولعاندا سۋدى تاسىپ، بۇقارانىڭ اۋىز سۋ حاۋىپسىزدىگىنە كەپىلدىك ەتۋ كەرەك. سونىمەن بىرگە، اۋىل شارۋاشىلىق وندىرىسىنە پايدالانىلاتىن سۋدى بار كۇشپەن قامتاماسىز ەتىپ، قۋاڭشىلىقتىڭ ىقپالى مەن زيانىن مۇمكىندىكتىڭ بارىنشا جەڭىلدەتۋ كەرەك.
8 – ايدىڭ 15 – كۇنى، مەملەكەتتىك تاسقىننان جانە قۋاڭشىلىقتان ساقتانۋ باس قولباسشىلىق شتابى ىشكى موڭعۇل، گانسۋ، شينجياڭ قاتارلى جەرلەرگە قاراتا 4 ـ دارەجەلى شۇعىل جاعدايعا توتەپ بەرۋ ۇندەۋىن باستادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
