مەملەكەتتىك كەڭەس «ايىپ اقشانى بەلگىلەۋ مەن اتقارۋدى اناعۇرلىم ارناعا ءتۇسىرۋ جانە باقىلاۋ جونىندەگى جەتەكشى پىكىردى» باسىپ تاراتتى
2024.02.20 16:47 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 19 – كۇنى، بەيجيڭ. پارتيانىڭ 20 – قۇرىلتايىنىڭ شەشىم، ورنالاستىرۋلارىن دايەكتى تياناقتاندىرىپ، ءادىل باسەكەلى بازار ءتارتىبىن قورعاپ، ساۋدا ورتاسىن ساپالىلاندىرىپ، ساپالى دامۋدى ىلگەرىلەتۋ ءۇشىن، مەملەكەتتىك كەڭەس بىرنەشە كۇننىڭ الدىندا «ايىپ اقشانى بەلگىلەۋ مەن اتقارۋدى اناعۇرلىم ارناعا ءتۇسىرۋ جانە باقىلاۋ جونىندەگى جەتەكشى پىكىردى» (تومەندە قىسقاشا «پىكىر» دەلىنەدى) باسىپ تاراتتى، اكىمشىلىك زاڭ - ەرەجەلەردە، ەرەجەلەردە اقشالاي ايىپ سالۋدى بەلگىلەۋ جانە اتقارۋ جونىندە تۇڭعىش رەت جان - جاقتى، جۇيەلى ولشەم جاسالدى.
«پىكىردە» مىنالار العا قويىلدى: ايىپ اقشانى بەلگىلەۋ ۇقىعىن زاڭ بويىنشا عىلمي جۇرگىزۋ كەرەك. ۇكىمەت زاڭ شىعارۋدا ايىپ سالۋ ۇقىق شەگىنە قاتاڭ بويسۇنىپ، قاتەلىك پەن ايىپ بارابار بولۋ قاعيداسىن عىلمي قولدانىپ، جاڭادان ايىپ سالۋ جانە ايىپ سوماسىن بەكىتۋدە كەڭشىلىك ىستەۋگە تيستىلەرىنە كەڭشىلىك ىستەۋ، قاتاڭ بولۋعا تيىستىلەرىندە قاتاڭ بولۋ، تەڭسىزدىكتەن ساقتانۋ؛ تاربيەلەۋ، ءناسيحات جۇرگىزۋ، تۇزەتۋگە بۇيىرۋ، ينفورماتسيانى اشكەرلەۋ سياقتى تاسىلدەر ارقىلى باسقارۋعا بولاتىندارىنا ادەتتە ايىپ سالماۋ كەرەك. اقشالاي ايىپ سوماسىن ۇيلەسىمدى بەلگىلەپ، بەلگىلى دارەجەدە اقشالاي ايىپ سالاردا ايىپ اقشانىڭ ەڭ تومەنگى سوماسى مەن ەڭ جوعارى سوماسى ادەتتە 10 ەسەدەن اسپاۋى كەرەك. ايىپ اقشانى مەرزىم بويىنشا باعالاۋ، اداقتاۋ بەلگىلەمەسىندە بەلگىلەنگەن ۋاقىتى ءبىرشاما ەرتە، ايىپ سوماسى ءبىرشاما كوپ، قوعامدىق نازار اۋدارۋ دارەجەسى ءبىرشاما جوعارى، كاسىپورىندارمەن جانە بۇقارامەن تىعىز قاتىستى ايىپ اقشا بەلگىلەمەسى ءتۇيىندى تۇردە باعالانادى. اقشالاي ايىپ سالۋ بەلگىلەمەسىنە دەر كەزىندە وزگەرىس ەنگىزىپ، كۇشىنەن قالدىرىپ، مەملەكەتتىك كەڭەس اكىمشىلىك زاڭ - ەرەجەلەردە، تاراۋلاردىڭ ەرەجە - تارتىپتەرىندە بەلگىلەنگەن اقشالاي ايىپ سالۋ ىستەرىن كۇشىنەن قالدىرۋ ۇيعارىلسا، ۇيعارىم باسىپ تاراتىلعان كۇننەن باستاپ قاتىستى اكىمشىلىك زاڭ - ەرەجەلەردەگى، تاراۋلاردىڭ ەرەجە - تارتىپتەرىندەگى اقشالاي ايىپ سالۋعا قاتىستى بەلگىلەمەلەردى قولدانۋدى ۋاقىتشا توقتاتۋ كەرەك.
«پىكىردە» مىنالار ايقىن بەلگىلەندى: ايىپ اقشانى اتقارۋ قيمىلىن قاتاڭ ارناعا ءتۇسىرۋ كەرەك. ءارقانداي اكىمشىلىك ورگاننىڭ قالاعانىنشا جوعارى ايىپ سالۋىنا، زاڭعا قايشى قىلمىسقا قاراتا تۇراقتاندىرۋ شارتىن قالاعانىنشا تومەندەتۋىنە، زاڭعا قايشى قىلمىستاردىڭ اۋماعىن قالاعانىنشا كەڭەيتۋىنە جول بەرىلمەيدى. اكىمشىلىك جازا زاڭىندا بەلگىلەنگەن جەڭىلدىك جاساۋ، جەڭىلدەتىپ جازالاۋ، جازا قولدانباۋ جايتتەرىنە ۇيلەسسە، اكىمشىلىك جازا زاڭىن قولدانىپ، زاڭ بويىنشا سايكەستى ءبىر جاقتى ەتۋ كەرەك. اقشالاي ايىپ سالۋ سياقتى جازا تىزىمدىگىن جاساعاندا نەمەسە اقشالاي ايىپ سالعاندا، قاتەلىك پەن جازانىڭ بارابار بولۋىنا، زاڭ قاعيدالارىنا ۇيلەسۋىنە كەپىلدىك ەتۋ كەرەك. جازالاۋ مەن تاربيەلەۋدى ۇشتاستىرۋدا تاباندى بولۋ كەرەك. ناق مايداننان تىسقارى زاڭ اتقارۋدى ۇزدىكسىز ارناعا ءتۇسىرىپ، 2024 - جىلى 12 – ايدىڭ سوڭىنان بۇرىن اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ قاتىستى تاراۋلارى، اۋىل - قالاشىق حالىق ۇكىمەتتەرى (ءمالى باسقارمالارى) زاڭ اتقارۋ تۇرىندەگى ەلەكتروندىق تەحنيكالىق باقىلاۋ - مەڭگەرۋ جابدىقتارىن اداقتاۋ، ارناعا ءتۇسىرۋ قىزمەتىن ورىنداۋ كەرەك.
«پىكىردە» مىنالار تالاپ ەتىلدى: ايىپ سالۋدى باقىلاۋدى جاپپاي كۇشەيتۋ كەرەك. تۋ باستان جونگە سالۋدى ىشكەرىلەي ورىستەتىپ، قوعامدىق نازار اۋدارۋ دارەجەسى ءبىرشاما جوعارى بولۋ، ارىز - شاعىم، اشكەرەلەۋ شوعىرلانۋ، زاڭعا قايشى ارەكەتتەر ءجيى تۋىلۋ سياقتى ايىپ سالۋ ىستەرىنە جان - جاقتى تالداۋ جاساپ، تۇجىرىم جاساپ، باسقارۋ شارالارىن ساپالىلاندىرۋ كەرەك. جۇيەلى كوزقاراستا تاباندى بولىپ، جەكە دەلولاردى ءبىر جاقتى ەتۋدەن ءتۇرلى دەلولاردى باسقارۋعا، ونان جۇيەلى جونگە سالۋعا دەيىن ىلگەرىلەتىپ، ”ءبىر دەلونى ءبىر جاقتى ەتۋ، ءبىر ءتۇردى جونگە سالۋ، ءبىر وڭىرگە ىقپال جاساۋدى“ جۇزەگە اسىرۋ كەرەك. قازىنا بۇعالتىرلىعىن قازىنالىق باقىلاۋدى ۇزدىكسىز كۇشەيتىپ، ايىپ اقشا كىرىسىنىڭ ۇيلەسىمسىز ارتۋىنان باتىل ساقتانىپ، ايىپ اقشا كىرىسىنىڭ قالىپسىز وزگەرىسىن باقىلاۋدى كۇشەيتىپ، ۇقساس رايوننىڭ، ۇقساس تاراۋدىڭ ايىپ اقشا كىرىسى الدىنداعى جىلدىڭ ۇقساس مەزگىلىندەگىدەن قالىپسىز جوعارىلاسا، قاجەت بولعاندا ناق مايداندا تەكسەرۋ جۇرگىزۋ كەرەك. باقىلاۋدىڭ بىرىككەن كۇشىن تولىق ساۋلەلەندىرىپ، اكىمشىلىك زاڭ اتقارۋدى باقىلاۋ، ەرەجە - تارتىپتەردى ەستەلىككە الىپ تەكسەرۋ، اكىمشىلىك قايتا قاراۋ سياقتى ءتۇزىم مەحانيزمىن اقاۋسىزداندىرۋ جانە كەمەلدەندىرۋ كەرەك.
«پىكىردە» مىنالار دارىپتەلدى: جەر - جەر، تاراۋلار ايىپ اقشانى بەلگىلەۋ مەن اتقارۋدى ارناعا ءتۇسىرۋدى جانە باقىلاۋدى ۇكىمەتتىڭ جونگە سالۋ قابىلەتىن جوعارىلاتۋدىڭ، الەۋمەتتىك مۇددە مەن قوعامدىق ءتارتىپتى قورعاۋدىڭ، ساۋدا ورتاسىن ساپالىلاندىرۋدىڭ ماڭىزدى تۇتقاسى ەتىپ، اكىمشىلىك جازا زاڭى سياقتى بەلگىلەمەلەردى مۇقيات دايەكتى اتقارۋى كەرەك. ءبىر تۇتاس سايكەستىرۋدى، باقىلاۋدى كۇشەيتىپ، اكىمشىلىك جازا ءتۇزىمىن كەمەلدەندىرۋدى، قاتىستى تۇسىندىرمەلەرگە جاۋاپ بەرۋ قىزمەتىن ويداعىداي ىستەۋدى ۇيىمداستىرىپ ىلگەرىلەتىپ، جەر - جەردىڭ، تاراۋلاردىڭ دايەكتى اتقارۋدى مىقتى يگەرۋىنە جەتەكشىلىك ەتۋ جانە باقىلاۋ جۇرگىزۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
