بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

قازىنا مينيسترلىگى «ءتۇيىندى ەكولوگيانى قورعاۋ، قالپىنا كەلتىرۋ، وڭاۋ قارجىسىن باسقارۋ ادىسىنە» وزگەرىس ەنگىزىپ باسىپ تاراتتى

2024.02.21 15:18     كەلۋ قاينارى : حالىق تورابى

  قازىنا مينيسترلىگى 2 – ايدىڭ 20 – كۇنى ۇقتىرۋ جاريالاپ، «ءتۇيىندى ەكولوگيانى قورعاۋ، قالپىنا كەلتىرۋ، وڭاۋ قارجىسىن باسقارۋ ادىسىنە» وزگەرىس ەنگىزىپ باسىپ تاراتىپ، قارجىدان پايدالانۋ ونىمدىلىگىن جوعارىلاتۋ ارقىلى ەكولوگيالىق جۇيەنى قورعاۋدى، قالپىنا كەلتىرۋدى جەبەدى.

  جاڭا ادىستە ايتىلعان جونگە سالۋ قارجىسى نەگىزىنەن مىناداي ەكى جاققا جۇمسالادى: ءبىرىنشى تاۋ، سۋ، ورمان، اتىز، كول، جايىلىم، قۇمدى ءبىر تۇلعالاندىرىپ قورعاۋ جانە قالپىنا كەلتىرۋ ينجەنەرياسىنا جۇمسالادى، ەكىنشىدەن، تاريحتان قالعان ونەركاسىپ، كەن ورىندارىن جونگە سالۋعا جۇمسالادى.

  ءادىس بويىنشا جونگە سالۋ قارجىسىن قازىنا مينيسترلىگى جاراتىلىستىق بايلىق مينيسترلىگى قاتارلى تاراۋلارمەن بىرگە باسقارىپ، باسەكەلىك باعالاۋ ءتاسىلى ارقىلى قولداۋ نىساندارىن اشىق بەلگىلەيدى.

  قارجىنى ناقتى قالاي ءبولۋ كەرەك، جاڭا ادىستە مىنالار اتاپ كورسەتىلدى: تاۋ، سۋ، ورمان، اتىز، كول، جايىلىم، قۇمدى ءبىر تۇلعالاندىرىپ قورعاۋ جانە قالپىنا كەلتىرۋ ينجەنەرياسىنا جالپى ءبىر ميلليارد يۋاننان 2 ميلليارد يۋانعا دەيىنگى (2 ميلليارد يۋاندى قامتىمايدى) نىساننىڭ سيلىق قوسىمشا قاراجاتى 500 ميلليون يۋان بولادى؛ ينجەنەرياعا جالپى 2 ميلليارد يۋاننان 5 ميلليارد يۋانعا دەيىن (5 ميلليارد يۋاندى قامتىمايدى) قارجى قوسىلعان نىساندارعا ءبىر ميلليارد يۋان سيلىق قوسىمشا قاراجاتى بەرىلەدى؛ ينجەنەرياعا جالپى 5 ميلليارد يۋان نەمەسە ودان جوعارى قارجى قوسىلعاندارعا 2 ميلليارد يۋان سيلىق قوسىمشا قاراجاتى بەرىلدى. تاريحتان قالعان ونەركاسىپ - كەن جەرلەرىن جونگە سالۋعا جالپى 500 ميلليون يۋان قوسىلعان جانە ودان جوعارى نىساندارعا 300 ميلليون يۋان سيلىق اقشا بەرىلدى.

  سونىمەن بىرگە، جاڭا ادىستە جونگە سالۋ قارجىسىن ىستەتۋگە بولمايتىن كولەم بەلگىلەندى، مىسالى: تابيعي قورعالاتىن جەر، ەكولوگيانى قورعاۋ قىزىل سىزىعى، ەگىستىك جەردى قورعاۋ قىزىل سىزىعى قاتارلى مەملەكەتتىڭ باسقارۋ - مەڭگەرۋ تالابىنا ۇيلەسپەيتىن نىساندار؛ قالپىنا كەلتىرۋگە جاۋاپتى سۋبيەكتى ايقىن بولعان نىساندار؛ ورتالىق قازىنانىڭ قولداۋ قارجىسىنا يە بولىپ بولعان نىساندار؛ باقشا، الاڭ، ءمۇسىن قاتارلى ساياحات قۇرىلعىلارى جانە ”تۇبەكتىك كورىنىس“ ينجەنەرياسى قاتارلى كورىنىستىك ينجەنەريالىق قۇرىلىستار.

  وسى رەت وزگەرىس ەنگىزىلگەن جاڭا ءادىس جاريالانعان كۇننەن باستاپ اتقارىلادى، اتقارۋ مەرزىم شەگى 2028 - جىلدىڭ سوڭىنا دەيىن بولادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى