بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

چۇڭچيڭ سيفرلى قۇرىلىس ارقىلى قوعامدى جونگە سالۋدىڭ وسىزاماندانۋىنا تىرەك ازىرلەدى

«حالىق گازەتىنىڭ» تىلشىلەرى لي زىڭحۇي، جياڭ فىڭ، چاڭ بيلو

2024.02.21 16:34     كەلۋ قاينارى : حالىق تورابى

  چۇڭچيڭ قالالىق ەكولوگيالىق ورتا مەكەمەسىندە سۋدى جونگە سالۋ قولدانىلمالى جۇيەسىنىڭ قىزىل جارىعى جىلتىلداپ، ءبىر وزەن قيما بەتىندەگى جالپى فوسفوردىڭ قويۋلىعى ولشەمنەن اسىپ كەتكەنىن اۆتوماتتى باقىلادى. سەزۋ تۇيىندەرىنىڭ قاينارىن قۋزاۋ ارقىلى جوعارعى اعارداعى بىرنەشە ونەركاسىپ كاسىپورنى دالمە - ءدال بايقالىپ، تەكسەرۋ كولەمى تارايدى. ىلە - شالا قاراستى جەردەگى ەكولوگيالىق ورتا سياقتى تاراۋلاردىڭ قىزمەتكەرلەرى ناق مايدانعا بارىپ سۋ ساپاسىن ءبىر جاقتى ەتتى. مۇنداي جوعارى ءونىمدى اينالىم سيفرلى چۇڭچيڭ قۇرىلىسىنىڭ ارقاسى ەدى. سۋدى جونگە سالۋ قولدانىلمالى جۇيەسى چۇڭچيڭدەگى رايون، اۋداندار مەن اۋىل شارۋاشىلىق كوميتەتى، سۋ يگىلىگى، تۇرعىن ءۇي قۇرىلىسى سياقتى قالا دارەجەلى 10 نەشە تاراۋدىڭ ساندى مالىمەتىن بىرىكتىرىپ، سەزىنۋ ءتۇيىنى بۇرىنعى ءبىر مىڭ 112 دەن 15 مىڭنان استامعا كوبەيدى، ماسەلەنى بايقاۋدىڭ جارامدىلىق ۋاقىتى ورتا ەسەپپەن 7 كۇننەن 24 ساعات ىشىنە قىسقاردى.

  2022 - جىلى 4 - ايدىڭ 19 - كۇنى باس شۋجي شي جينپيڭ پارتيا 19 - كەزەكتى ورتالىق كوميتەتى رەفورمانى جاپپاي تەرەڭدەتۋ كوميتەتىنىڭ 25 - رەتكى ءماجىلىسىن باسقارىپ اشقاندا مىنالاردى دارىپتەدى: ينتەرنەتتە قۋاتتى ەل بولۋ ستراتەگياسىن جاپپاي دايەكتىلەندىرىپ، سيفرلى تەحنيكانى ۇكىمەتتىڭ باسقارۋىنا، قىزمەت وتەۋىنە كەڭىنەن قولدانىپ، ۇكىمەتتىڭ سيفرلانۋىن، زەردەلىلەنۋىن ىلگەرىلەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە پارمەندى تىرەك ازىرلەۋ كەرەك.

  باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرۋ ءۇشىن، 2023 - جىلى 4 - ايدا چۇڭچيڭ قالاسى سيفرلى چۇڭچيڭ قۇرىلىسىن جاپپاي باستاپ، ءبىر تۇلعالانعان الەۋمەتتىك ساندى مالىمەت تۇعىرىن، 3 دارەجەلى سيفرلانعان قالا اينالىمى جانە جونگە سالۋ ورتالىعىن، 6 ءىرى قولدانىلمالى جۇيەنى جانە نەگىزگى ساتىنىڭ اقىل - پاراسات ارقىلى جونگە سالۋ جۇيەسىن قۇرىپ، سيفرلانعان تەحنيكا، سيفرلانعان وي، سيفرلانعان تانىمدى باسقارۋ، قىزمەت وتەۋدىڭ تۇتاس بارىسىنا، ءار جاعىنا ءسىڭىرىپ، ءار سالاداعى قىزمەت جۇيەسىن قايتا قۇرۋدى، كاسىپ ءتارتىبىن قايتا جاساۋدى، ءتۇزىلىس، مەحانيزمدى قايتا سومداۋدى ىلگەرىلەتىپ، قوعامدىق جونگە سالۋدىڭ وسىزاماندانۋىن جەدەل ىلگەرىلەتىپ، قوعامدىق جونگە سالۋ قابىلەتىن جوعارىلاتتى.

  تاياۋدا جيۋلۇڭپو رايونىنىڭ سيفرلانعان قالا اينالىمى جانە جونگە سالۋ ورتالىعى مىناداي حابار تاپسىرىپ الدى: جابىق كۇيدەگى قوقىر - قوقسىق اۆتوموبيلىن بەلگىلەمەگە قايشى تۇردە ءوڭىر اتتاپ جۇرگىزۋ بارىسىندا، كەسكىن اپپاراتى جاعىنان سۋرەتكە الىنىپ پارىقتالعان. ورىن تۇراقتاندىرۋ جۇيەسى ارقىلى اۆتوكولىكتىڭ ورنى مەن قاينار كوزى تەز ارادا تۇراقتاندىرىلىپ، دەرەۋ ءبىر كنوپكامەن قاتىستى تاراۋلاردىڭ ءبىر جاقتى ەتۋىنە تاپسىرىلعان. وسى رەتكى قوقىر - قوقسىق اۆتوموبيلىنىڭ بەلگىلەمەگە قايشىلىق جاساۋ ءجايتى بايقالعاننان ماسەلە شەشىلگەنگە دەيىن 3 ساعاتقا جەتپەيتىن ۋاقىت جۇمسالعان.

  ەندىك باعىتتى بارىنشا كەڭەيتىكپ، تاراۋلاردىڭ ينفورماتسيا قامالىن بۇزدى. جيۋلۇڭپو رايونى ءىرى ساندى مالىمەتتەر قولدانىسىن دامىتۋدى باسقارۋ مەكەمەسى باستىعىنىڭ ورىنباسارى جاڭ جۇن بىلاي دەپ تانىستىردى: تۇرعىن ءۇي قۇرىلىسى، قالا باسقارۋ، قاتىناس سياقتى كوپتەگەن تاراۋلاردىڭ ساندى مالىمەتتەرىن جيناقتادىق، ءبىز ”قوقىر - قوقسىق، توپىراق اۆتوكولىكتەرىن باقىلاۋ - باسقارۋ“ قولدانىلمالى جۇيەسىن اشتىق ءارى بۇكىل قالادا جالپىلاستىرىپ، باقىلاۋ - باسقارۋداعى قيىن ماسەلەلەردى شەشۋگە دەم بەردىك.

  بويلىق باعىتتا بارىنشا كۇش سالىپ، ەڭ سوڭىنا دەيىن قوعامدىق جونگە سالۋ اناعۇرلىم دالمە - ءدال بولدى. چۇڭچيڭ جوعارى، جاڭا تەحنيكالى شارۋاشىلىق اشۋ رايونى شياڭلۋشان ءمالى باسقارماسى قاراستى رايونداعى جالعىز تۇراتىن قارتتارعا زەردەلى ەسىك ماگنيتىن ورناتتى ءارى ءمالىنىڭ نەگىزگى ساتىنى جونگە سالۋعا قولباسشىلىق ەتۋ ورتالىعىنا جالعاندى؛ رۇڭچاڭ رايونى چاڭجوۋ ءمالىسى باۋچىڭ بۇتحاناسى الەۋمەتتىك اۋماعىندا قارتتار قارتتارعا كومەكتەسۋ قىزمەت وتەۋىن قاجەت ەتكەندە، ”قارتتار، بالالار“ نەگىزگى ساتىدا قارتتاردى زەردەلى كۇتىمگە الۋعا قىزمەت وتەۋ قولدانىسىنان پايدالانا الادى، قولايلى ءارى تەز.

  ”تىكە مالىمدەۋ، جەدەل ءۇن قوسۋ“ جۇيەسى شۇعىل ينفورماتسيالاردى تەز سەزەدى، ”كۇبىلى جانار گازدى زەردەلى باسقارۋ“ جۇيەسى سۇيىلتىلعان مۇناي گازىنىڭ تۇتاس تىزبەگىنىڭ حاۋىپسىزدىگىن، زەردەلى باسقارۋىن جۇزەگە اسىردى... چۇڭچيڭدەگى مىڭنان استام قالاشىق، ءمالى باسقارماسى قالاشىق، قىستاق، بولەك سىندى ءۇش دارەجەلى تۇتاسۋدى جۇزەگە اسىرىپ، 65 مىڭ بولەك سيفرلاندىرىلعان تولىق كەسكىندى كارتا قۇرىپ، تۇتاس پەريودتى، تۇتاس بارىستى باسقارۋ، مەڭگەرۋ، جىبەرۋ مىندەتىن ورنالاستىرىپ، ءبىر جاقتى ەتۋگە ءتيىستى ىستەردى ءبىر جاقتى ەتىپ، بولەك جوعارىعا جولداعان ىستەردى ءبىر جاقتى ەتۋ شاماسىن %99.9 كە جەتكىزدى.

  سيفرلى قۇرىلىس الەۋمەتتىك قىزمەت وتەۋدى اناعۇرلىم ءونىمدى ەتتى. چۇڭچيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ”ەڭبەكاقىعا قارىزدار بولۋدى تۇبەگەيلى وڭاۋ“ قولدانىلمالى جۇيەسى ەڭبەك، جۇمىسشى ىستەتۋدى باقىلاۋ، ەڭبەكاقىعا قارىزدار بولۋ حاۋىپ - قاتەرىنەن ساقتاندىرۋ، ەڭبەكاقىعا قارىزدار بولۋ داۋ - شارىن ءبىر جاقتى ەتۋ سياقتى تىزبەكتەردى قايتا سومداۋ ارقىلى تۇتاس بارىستاعى جابىق جۇيە قالىپتاستىرىپ، شارۋا جۇمىسكەرلەردىڭ ەڭبەكاقىسىنىڭ ۋاعىندا، تولىق تاراتىلۋىن قامتاماسىزداندىردى. چۇڭچيڭ قالالىق قوعام حاۋىپسىزدىگى مەكەمەسىنىڭ ”ساقشىلاردىڭ تەز ءبىتىرۋ كەڭسەسى“ ينتەرنەتتە ءىس ءبىتىرۋ تۇعىرى نازاردى بۇقارا ءجىتى قاداعالاپ وتىرعان ىستەرگە شوعىرلاندىردى، ينتەرنەتتە بىتىرىلەتىن ىستەر 430 تۇردەن استى، تۇتاس بارىستاعى ينتەرنەتتە ءبىتىرۋ شاماسى %80 تەن استى، 2021 - جىلى 1 - ايدا جەلىگە شىققاننان بەرى جالپى ءىس ءبىتىرۋ مولشەرى 100 ميلليوننان استى. 2023 – جىلى 4 – ايدان بەرى چۇڭچيڭ قالاسى ”كاسىپورىننىڭ ءبىر ءىستى ءبىتىرۋى“، ”تۋىلعان ءبىر ءىس“ سياقتى 75 ءتۇرلى شوعىرلى قىزمەت وتەۋدى جولعا قويىپ، كاسىپورىننىڭ، بۇقارانىڭ ءوندىرىس، تۇرمىسىمەن تىعىز قاتىستى جوعارى جيىلىكتەگى سالالار مەن ءتۇيىندى ىستەردى نەگىزىنەن قامتىدى.

  چۇڭچيڭ قالالىق پارتكوم رەفورما كەڭسەسىنىڭ قاتىستى جاۋاپتىسى مىنانى ءبىلدىردى: سيفرلى چۇڭچيڭ قۇرىلىسىنىڭ امالياتىمەن تىعىز ۇشتاستىرىپ، ساياساتتىق شارالار شىعارىپ، نەگىزگى ساتىنى جاڭالىق اشۋعا شابىتتاندىرىپ، تيپتىك قولدانۋدى قورىتىندىلاپ، ەرەكشە ءىرى قالالاردى وسىزامانداندىرۋ، جونگە سالۋدىڭ جاڭا جولىن بەلسەنە قاراستىرىپ، ساپالى دامۋدى اناعۇرلىم ويداعىداي ىلگەرىلەتىپ، ساپالى تۇرمىس جاراتىپ، جوعارى ءونىمدى جونگە سالۋدى جۇزەگە اسىرامىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى