بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ۋاكىل سۇي شۋەچين –

ءىس جۇزىندىكتى تياناق ەتىپ، ورتا، شاعىن كاسىپورىنداردىڭ سۇرانىسىنا نازار اۋدارۋ كەرەك (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)

«حالىق گازەتىنىڭ» ءتىلشىسى شاۋ يۇيزى

2024.02.21 16:38     كەلۋ قاينارى : حالىق تورابى

  بىرنەشە كۇننەن بەرى مەملەكەتتىك حالىق قۇرىلتايىنىڭ ۋاكىلى، حىبەي ولكەسى زانحۋاڭ اۋدانى يۋانسۇن جەرگىلىكتى كەزدەمە كاسىپتىك سەلبەستىك كووپەراتيۆىنىڭ باس القاسى سۇي شۋەچين ارلى – بەرلى جۇگىردى: شىجياجۋاڭ گاۋچىڭ رايونى، لۋچۋان رايونى، زانحۋاڭ اۋدانى اراسىندا توقىماشىلىق، اس - سۋ، ولشەمدى بولشەك سياقتى 10 عا جۋىق كاسىپورىنعا بارىپ تەكسەرۋ - زەرتتەۋ جۇرگىزدى. سۇي شۋەچين بىلاي دەدى: ”كوبىرەك ءجۇرىپ، كوبىرەك سۇراپ، كوبىرەك تۇسىنگەندە عانا، حالىق تىلەگىن شىنايى بەينەلەۋگە بولادى“. ورتا، شاعىن كاسىپورىنداردىڭ ساپالى دامۋىنا قالاي دەم بەرۋ ول ەجەلدەن نازار اۋدارىپ كەلە جاتقان تاقىرىپ ەدى.

  ”ءبىلىم مەنشىك ۇقىعى − كاسىپورىننىڭ ماڭىزدى مال - مۇلكى، ءبىلىم مەنشىك ۇقىعىن ويداعىداي قورعاعاندا عانا، كاسىپورىننىڭ جاڭالىق اشۋ قابىلەتىن ۇزدىكسىز قاۋلاتىپ، كاسىپورىننىڭ ساپالى دامۋىن ىلگەرىلەتۋگە بولادى“. ەكونوميكالىق، قوعامدىق دامۋعا بايلانىستى، كاسىپورىنداردىڭ ءبىلىم مەنشىك ۇقىعىن قورعاۋعا بولعان قاجەتى ارتىپ، ەلىمىزدىڭ ءبىلىم مەنشىك ۇقىعىن قورعاۋ تەبىنى دە ۇزدىكسىز كۇشەيدى. سۇي شۋەچين بىلاي دەدى: ناقتى مەڭگەرۋ دەڭگەيىندە ورتا، شاعىن كاسىپورىنداردا ءالى دە ماسەلە جانە قيىنشىلىق ورىن تەۋىپ وتىر.

  ”ءارى تيتتەي دە كوڭىلشەكتىك ىستەمەي، ۇقىققا قول سۇعاتىن ونىمدەردى جاساۋشىلارعا باتىل سوققى بەرۋ، ءارى ارناعا تۇسپەگەن ۇقىققا قول سۇعۋ ارىز - شاعىم ارەكەتىنىڭ ورتا، شاعىن كاسىپورىندارعا ىقپال جاساۋىنان قىراعى بولۋ كەرەك“. كوپتەگەن كاسىپورىنعا بارىپ تەكسەرۋ - زەرتتەۋ جۇرگىزىپ، قاتىستى ساياساتتار مەن زاڭ - ەرەجەلەردى مۇقيات ۇيرەندى، زەرتتەدى، بىلتىر مەملەكەتتىك ەكى ماجىلىستە سۇي شۋەچين ءبىلىم مەنشىك ۇقىعى ساۋداسىندا ۇقىقتى قورعاۋ ارەكەتىن ارناعا ءتۇسىرۋ جونىندەگى ۇسىنىستى تاپسىردى.

  ”كاسىپورىنداردىڭ تاۋار ماركاسى، پاتەنت سياقتىلاردى دەربەس ءوتىنىش ەتۋىنە جەتەكشىلىك ەتۋدى، باعالاۋدى كۇشەيتۋ كەرەك“، ”ءبىلىم مەنشىك ۇقىعىن قورعاۋ بازارىن ارناعا ءتۇسىرىپ، ورتا، شاعىن كاسىپورىنداردىڭ ءبىلىم مەنشىك ۇقىعىن قورعاۋعا دەم بەرۋ جولىن كەڭەيتۋدى، كەمەلدەندىرۋدى ۇسىنىس ەتەمىز“... ورتا، شاعىن كاسىپورىنداردىڭ ءبىلىم مەنشىك ۇقىعىن قورعاۋ تاقىرىبىنا باعىتتاي وتىرىپ، قىرۋار تەكسەرۋ - زەرتتەۋ ماتەريالدارىنا سۇيەنىپ، سۇي شۋەچين بيىل ورتا، شاعىن كاسىپورىنداردىڭ ءبىلىم مەنشىك ۇقىعىن قورعاۋ قابىلەتىن قايتكەندە اناعۇرلىم جوعارىلاتۋعا بولادى دەگەنگە نازار اۋداردى. سۇي شۋەچين مىنانى ءبىلدىردى: بيىلعى مەملەكەتتىك ەكى ءماجىلىس نازاردى ورتا، شاعىن كاسىپورىنداردىڭ ءىس جۇزىندىك قاجەتىنە ۇزدىكسىز شوعىرلاندىرىپ، اقىل - كەڭەس بەرىپ، ورتا، شاعىن كاسىپورىنداردىڭ ساپالى دامۋىن جۇزەگە اسىرۋىنا دەم بەرەدى.

  ءتىلشى ەستەلىگى

  بار ىنتا - پەيىلىمەن جاۋاپكەرلىگىن ادا ەتىپ، حالىقتىڭ ۇنىنە قۇلاق اسۋ

  كاسىپورىننىڭ كۇندەلىكتى جۇمىسىن قاداعالاڭىز جانە بارلىق جەردە تەكسەرۋ جۇرگىزىڭىز... ءۇرتىس بىرنەشە كۇن بويى سۇي شۋەچين ءتۇن ورتاسىنا دەيىن قاربالاستىققا ءتۇستى. شارشاپ - شالدىققانىمەن، ورتا، شاعىن كاسىپورىنداردىڭ دامۋى جونىندە توقتالعاندا، ول كوسىلىپ سويلەي الادى.

  اۋىل - قىستاققا تامىر تارتقان ورتا، شاعىن كاسىپورىنشىلاردىڭ ۋاكىلى رەتىندە، سۇي شۋەچين بىلاي دەپ قارادى: ورتا، شاعىن كاسىپورىنداردىڭ ساپالى دامۋى اۋىل - قىستاقتى جاپپاي گۇلدەندىرۋدى ىلگەرىلەتۋدە، اۋدان ءوڭىرى ەكونوميكاسىن زورايتۋدا ماڭىزدى رول اتقارادى. ”ورتا، شاعىن كاسىپورىنداردىڭ ءبىلىم مەنشىك ۇقىعىن قورعاۋ ولاردىڭ ۇزدىكسىز جاڭالىق اشا دامۋ قابىلەتىن قورعاۋ بولىپ تابىلادى“. نەگىزگى ساتىعا قايتا - قايتا بارىپ تەكسەرۋ - زەرتتەۋ جۇرگىزىپ، قاتىستى ساياساتتاردى قايتا - قايتا زەرتتەدى... ءتىپتى دە كوپ ورتا، شاعىن كاسىپورىنداردىڭ ءتىپتى دە جاقسى دامۋدى جۇزەگە اسىرۋىنا مۇمكىندىك جاساۋ ءۇشىن، سۇي شۋەچين اۋەلگى ماقساتتان جازباي، مىندەتىن اتقارىپ، جاۋاپكەرلىگىن ادا ەتتى.

  ”حالىق مەنى ۋاكىل ەتىپ سايلادى، مەن حالىق ءۇشىن جاقسى ۋاكىل بولامىن“. سۇي شۋەچين مىندەت وتەۋ جولىندا نىق سەنىم ءبىلدىردى ءارى ءوز ءىسىن تاباندىلىقپلەن جالعاستىردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى