بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

مۇشە حان ۋىنلين –

نازاردى ۇزدىكسىز شوعىرلاندىرىپ، ەكولوگيالىق ساياحاتتىڭ دامۋىنا دەم بەرۋ كەرەك (وسىزاماندانۋعا تالپىنىپ، جاڭا جاعدايدى بىرگە جاراتايىق . ۋاكىلدەر مەن مۇشەلەردىڭ مىندەت اتقارۋ حيكاياسى)

«حالىق گازەتىنىڭ» ءتىلشىسى چياۋ دۇڭ

2024.02.21 16:41     كەلۋ قاينارى : حالىق تورابى

  بىرنەشە كۇننىڭ الدىندا مەملەكەتتىك ساياسي كەڭەستىڭ مۇشەسى، چيڭحاي ولكەسى ليليكاڭ ەكولوگيالىق عىلىم - تەحنيكا اشۋ شەكتى سەرىكتەستىگىنىڭ باس جوراسى حان ۋىنلين اۆتوكولىكپەن چيڭحاي ولكەسى حاينان زاڭزۋ اۆتونوميالى وبلىسى گۇڭحى اۋدانىنا باردى. رىيۋە تاۋىنان اسىپ، ۇشى - قيىرسىز چيڭحاي كولىنە كەلدى.

  وسى كەزدە چيڭحاي كولىنىڭ كوپ ءبولىمى مۇز قۇرسانىپ، كول جاعاسىندا مۇز كريستالدارى ءۇيىلىپ، ەرەكشە ايبىندى ءارى كوركەم كورىندى. حان ۋىنلين جول بويى ىلگەرىلەپ، ءاربىر قىستاققا نەمەسە كورىنىس تاماشالاۋ تەكشەسىنە بارعاندا، ناق مايداندا احۋال ۇعىسىپ، جاعدايدى انىقتاپ وتىردى، ”بالدىرلاردى جونگە سالۋدىڭ ونىمدىلىگى قانداي؟“ ”بىلتىر وسىندا كەلگەن ساياحاتشىلار قانشالىق بولدى؟“ حان ۋىنلين تىلشىگە بىلاي دەدى: ”چيڭحاي كولى − چيڭحاي ولكەسىنىڭ تانىسقىسى، ەكولوگيانى قورعاۋدى ويداعىداي ىستەۋ العى شارتىندا، حالىقارالىق ەكولوگيالىق ساياحات نىسانالى جەرىن قالىپتاستىرۋدىڭ ۇتىمدى جولىن دا قاراستىرۋ كەرەك“.

  ەكولوگيا مەن ساياحات بايلىعىن بىرىكتىرۋ، سورتاڭ جەرلەردى جونگە سالۋ سىندى ەكى باعىتتى ارقاۋ ەتىپ، حان ۋىنلين ۇزدىكسىز تەكسەرۋ - زەرتتەۋ جۇرگىزدى. ”بۇل جولى چيڭحاي كولىن ۇلگى ەتىپ، ۇسىنىس جوبانىڭ مازمۇنىن تولىقتاعىم كەلەدى“. حان ۋىنلين چيڭحاي كولى كورىنىس رايونىن باسقارۋ مەكەمەسى حيما وزەنىن قورعاۋ پۋنكتىنىڭ قىزمەتكەرلەرىمەن اڭگىمەلەسىپ، قايشىلىقتان جالتارماي، ماسەلەگە بەتپە - بەت كەلىپ، ەكولوگيانى قورعاۋ جونىندە بىرگە ىزدەنىس جاساپ، ساياحاتتىڭ دامۋىن بىرگە جوسپارلادى.

  ناقتى ءىس جۇزىندىك جاعدايمەن ۇشتاستىرىپ، ۇسىنىس جوبانى دالمە - ءدال العا قويۋ كەرەك. مەملەكەتتىك ساياسي كەڭەستىڭ مۇشەسى بولعاننان بەرى حان ۋىنلين ”حۋاڭحى وزەنى الابىنىڭ ساپالى دامۋى“، ”مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسى قۇرىلىسى“ سياقتى نەگىزگى تاقىرىپتاردى ارقاۋ ەتىپ، ءبىرقىدىرۋ تەكسەرۋ - زەرتتەۋ جۇرگىزدى. ول العا قويعان حۋاڭحى وزەنىنىڭ ەكى جاعالاۋىنىڭ ەكولوگياسىن جونگە سالۋ جانە مەملەكەت جەرىن جاسىلداندىرۋ تەبىنىن ونان ارى ارتتىرۋ جونىندەگى ۇسىنىس جوبا حۋاڭحى وزەنىنىڭ ەكى جاعالاۋىن جاسىلداندىرۋ ينجەنەرياسى ارقىلى جىل سايىن جۇزەگە اسۋدا.

  كۇن باتايىن دەپ قالدى، حان ۋىنلين تاعى دا جولعا شىعىپ: ”بۇگىن كەشتە گۇڭحى ويپاتىنا بارامىن، ەرتەڭ سورتاڭ جەردىڭ جاعدايىن كورەيىن. مەنىڭ ارمانىم − حۋاڭحى وزەنىنىڭ سۋىن اناعۇرلىم تۇنىتىپ، ءشول دالانى جاسىلداندىرىپ، تاماشا ەكولوگيانىڭ اناعۇرلىم كوپ ساياحاتشىنى باۋراۋىنا، تۇنىق سۋ، جاسىل تاۋدىڭ بۇقارانىڭ بايۋىنداعى باعالى بايلىققا اينالۋىنا مۇمكىندىك جاساۋ“ دەيدى.

  ءتىلشى ەستەلىگى

  كوبىرەك جۇرگەندە وي جەلىسىن كەڭەيتۋگە بولادى

  بيىل حان ۋىنلين ءۇرتىس 7 جىل مەملەكەتتىك ەكى ماجىلىسكە قاتىناسادى. حان ۋىنليننىڭ بۇرىنعى جىلدارداعى ۇسىنىس جوباسىنا كوز جىبەرسەك، ”حۋاڭحى وزەنى“، ”مەملەكەتتىك باقشا“، ”جاراتىلىستىق قورىق رايونى“ كىندىك سوزدەر ەكەن. بۇل ۇسىنىس جوبالار ءارى بۇكىل ەلگە نازار اۋدارىپ، ءارى ناقتى جاعدايدى كوزدە ۇستاپ، حان ۋىنليننىڭ كوپ نەگىزدى تۇرعىسى مەن تەرەڭ وي جۇگىرتۋىن ايگىلەدى.

  مەملەكەتتىك ساياسي كەڭەستىڭ مۇشەسى رەتىندە، سوڭعى جىلدارى حان ۋىنلين ەكولوگيالىق ورتانى قورعاۋ جانە ەكولوگيالىق ساياحاتتى دامىتۋ ماسەلەسىنە ۇزدىكسىز نازار اۋداردى. ول چيڭحايدىڭ تاۋ - وزەندەرىن باسىپ ءوتىپ، ناق مايداندا احۋال ۇعىسۋ بارىسىندا ءبىرىنشى شەپتەن ماتەريال ىزدەپ، ۇسىنىس جوبا وي جەلىسىن قالىپتاستىردى. حان ۋىنلين بىلاي دەپ قارادى: ەكولوگيالىق ورتانى قورعاۋدىڭ ۇلكەن ەسەبىن، ۇزاق بولاشاقتىق ەسەبىن، جالپىلىق ەسەبىن ويداعىداي ەسەپتەگەندە، ەكولوگيالىق نەگىزدى ۇزدىكسىز نىعايتقاندا عانا، تۇنىق سۋ، جاسىل تاۋدى قورعاۋمەن بىرگە، باعالى بايلىققا قول جەتكىزەمىز.

  ”جاپالى ىزدەنىس بولعاندا عانا، ۇسىنىس جوبا قويۋعا نەگىز قالانادى“. بۇل − حان ۋىنليننىڭ شىنايى اسەرى، ونان دا ماڭىزدىسى، ونىڭ مىندەت اتقارۋ امالياتىنىڭ جاندى بەينەسى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى