ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن ەسەپ بەردى
شي جينپيڭ ەسەپ بەرۋ باياندامالارىن مۇقيات تەكسەرىپ وقىدى جانە ماڭىزدى تالاپ قويىپ، بىلاي دەپ دارىپتەدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، ءوز قىزمەت جاۋاپكەرلىگىن تياناق ەتىپ، ساياسي جاۋاپكەرلىكتى كۇشەيتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك
2024.02.27 16:13 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 26 – كۇنى، بەيجيڭ. پارتيا ورتالىق كوميتەتىنىڭ قاتىستى بەلگىلەمەسى بويىنشا، ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ شۋجيلەرى ءار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەرەدى. جۋىقتا قاتىستى جولداستار بەلگىلەمە بويىنشا پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەردى.
شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى جانە ماڭىزدى تالاپ قويىپ، بىلاي دەپ دارىپتەدى: بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى ءبىر جىل. پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، سانالى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، نەگىزگى تاقىرىپتىق تاربيەنىڭ جەتىستىكتەرىن باستاماشىلدىقپەن بەكەمدەپ، كەڭەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ءتۇرلى مىندەتتەرىن دايەكتىلەندىرۋدى، تياناقتاندىرۋدى ويداعىداي يگەرۋ كەرەك. ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن ورناتىپ، ونان سوڭ كۇشىنەن قالدىرۋ تالابىن دايەكتىلەندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، رەفورمانى ونان ارى جاپپاي تەرەڭدەتىپ، ەكونوميكانىڭ قايتا ورلەۋ جاعدايىن بەكەمدەپ جانە كۇشەيتىپ، حالىقتىڭ ىرىس - قۇتىن ۇزدىكسىز ارتتىرۋ كەرەك. حالىققا باقىت جاراتۋ قىزمەت ناتيجەسى كوزقاراسىن بەرىك ورناتىپ، جاڭا داۋىردەگى پارتيانىڭ بۇقارالىق لۋشيانىمەن باستاماشىلدىقپەن ويداعىداي ءجۇرىپ، فورماشىلدىقتىڭ، تورەشىلدىكتىڭ ەسكىلىكتى دەرتىن تۇزەتىپ، نەگىزگى ساتىنىڭ اۋىرتپالىعىن شىنايى جەڭىلدەتىپ، ستيلدە بۇرىلىس جاساۋ ارقىلى قىزمەتتىڭ تياناقتانۋىن جەبەۋ كەرەك. وزىنە توڭكەرىس جاساۋ رۋحىن ساقتاپ، ءوزىن كىرشىكسىزدەندىرۋ، پاك، تارتىپشەڭ بولۋ جاعىندا ۇلگى ورناتىپ، ونەگە كورسەتىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرلىگىن اتقارۋ كەرەك. ءوز قىزمەت جاۋاپكەرلىگىن تياناق ەتىپ، ساياسي جاۋاپكەرلىكتى كۇشەيتىپ، ءتۇيىندى كورنەكتىلەندىرىپ، تەتىكتى يگەرىپ، قايراتتانا العا ۇمتىلىپ، شىنايى يگەرىپ، ناقتى ىستەپ، جۇڭگو ۇلگىسىندەگى وسىزامانداندىرۋ ارقىلى زەيىن - زەردەنى، كۇش - قۋاتتى ونان ارى شوعىرلاندىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
