بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 8 - ءماجىلىسى بەيجيڭدە وتكىزىلدى

مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ نۇسقاسىن قاراپ، 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسىن اشۋعا دايىندىق كوردى

جاۋ لىجي باسقاردى

2024.02.27 16:16     كەلۋ قاينارى : حالىق تورابى

  «حالىق گازەتى»، 2 – ايدىڭ 26 – كۇنى، بەيجيڭ (ءتىلشى حۋاڭ چيڭچاڭ). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 8 - ءماجىلىسى 2 – ايدىڭ 26 – كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى ءماجىلىسىن وتكىزدى. كوميتەت باستىعى جاۋ لىجي باسقاردى.

  تۇراقتى كوميتەت قۇرامىنداعىلاردان 166 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى لو يۋان جاساعان مەملەكەت قۇپيالىعىن ساقتاۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا قۇپيالىقتى ساقتاۋ ىستەرىنىڭ كولەمىن بەلگىلەۋ پرينسيبى كەمەلدەندىرىلىپ، قۇپيالىقتى بەلگىلەۋ ۇقىق شەگى اناعۇرلىم ارناعا ءتۇسىرىلىپ، قۇپيالىققا ساياتىن ادامداردىڭ زاڭدى ۇقىق - مۇددەسىن قامتاماسىزداندىرۋ ناقتىلاندىرىلىپ، قۇپيالىققا ساياتىن قىزمەتكەرلەردىڭ قىزمەت ورنىنان، قىزمەتتەن قول ءۇزۋىن باسقارۋ شارالارى كەمەلدەندىرىلدى.

  بۇل كەزەكتى تۇراقتى كوميتەت ءماجىلىسىنىڭ ءبىر ماڭىزدى مىندەتى 14 - كەزەكتى مەملەكەتتىك حالىق قۇرىلتايىنىڭ 2 – ماجىلىسىنە دايىندىق كورۋ بولدى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى نۇسقاسىن قارادى، كوميتەت باستىقتارى ءماجىلىسى قاراۋعا ۇسىنعان 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ كەڭەستىك ءتارتىپ جوباسى، ءتوراعالار القاسى مەن باس حاتشىنىڭ ەسىمدىگى جوباسى، سىرتتاي قاتىناسۋشىلاردىڭ ەسىمدىگى جوباسى سياقتى كەڭەستىك جوبالاردى قارادى.

  ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ياڭ شياۋچاۋدىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى.

  ءماجىلىس تاعى مىندەتكە تاعايىنداۋ، مىندەتتەن قالدىرۋ جوباسىن قارادى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

  مەملەكەتتىك كەڭەستىڭ مۇشەسى ۋاڭ شياۋحۇڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى ءىشىنارا قالالاردىڭ حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى