- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق 13- كەزەكتى حالىق قۇرىلتايىنىڭ ءتورتىنشى ءماجىلىسى اياقتادى
2015.02.09 14:17
ىلە قازاق اۆتونوميالى وبلىستىق 13- كەزەكتى حالىق قۇرىلتايىنىڭ ءتورتىنشى ماجىلىسىندەگى كەڭەس تارتىپتەرى تولىق ورىندالعان سوڭ اقپاننىڭ 6- كۇنى تۇستەن كەيىن جابىلدى. ىلە قازاق اۆتونوميالى وبلىستىق پارتكومنىڭ شۋجيى، قۇرىلتايدىڭ اتقارۋشى ءتوراعاسى حۋاڭ سانپيڭ جابىلۋ جيىنىن باسقاردى.
جيىندا باس بەلەت باقىلاۋشى مەن بەلەت باقىلاۋشىلار ەسىمدىگى داۋىسقا سالىنىپ ماقۇلداندى ءارى قۇرىلتاي سايلاۋى وتكىزىلدى. جاڭ ميڭلي جولداس ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىگىنە، ەرجان جارەكە ۇلى مەن جاڭ انگو ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ مۇشەلىگىنە تولىقتانىپ سايلاندى. جيىندا «ىلە قازاق اۆتونوميالى وبلىستىق ۇكىمەتتىڭ قىزمەت بايانداماسى جونىندەگى جونىندەگى قاۋلى جوباسى»، «ىلە قازاق اۆتونوميالى وبلىسىنىڭ 2014- جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ اقۋالى جانە اۆتونوميالى وبلىستىڭ 2015- جىلعى حالىق شارۋاشىلىعى مەن قوعامدىق دامۋ جوسپارى جونىندەگى بايانداما تۋرالى قاۋلى جوباسى»، «ىلە قازاق اۆتونوميالى وبلىسىنىڭ 2014- جىلعى قازىنالىق جالپى مەجە ەسەبى مەن دارەجەلەس مەجە ەسەبىنىڭ اتقارىلۋ اقۋالى جانە اۆتونوميالى وبلىستىڭ 2015- جىلعى قازىنالىق جالپى مەجە ەسەبى مەن دارەجەلەس مەجە ەسەبى جونىندەگى قاۋلى جوباسى»، «ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلى جوباسى»، «اۆتونوميالى رايوندىق جوعارى حالىق سوت مەكەمەسى ىلە قازاق اۆتونوميالى وبلىستىق بولىمشە مەكەمەسىنىڭ قىزمەت بايانداماسى جونىندەگى قاۋلى جوباسى»، «ىلە قازاق اۆتونوميالى وبلىستىق حالىق پروكۋراتۋراسىنىڭ قىزمەت بايانداماسى جونىندەگى قاۋلى جوباسى»، «ىلە قازاق اۆتونوميالى وبلىسىنىڭ قوجالىق باسقارۋ ەرەجەسى جونىندەگى قاۋلى جوباسى»، «ىلە قازاق اۆتونوميالى وبلىسىنىڭ پوچتا باسقارۋ ەرەجەسى جونىندەگى قاۋلى جوباسى» داۋىسقا سالىنىپ ماقۇلداندى.
حۋاڭ سانپيڭ قورتىندى ءسوز سويلەگەندە بىلاي دەدى:« اۆتونوميالى وبلىستىق 13- كەزەكتى حالىق قۇرىلتايىنىڭ ءتورتىنشى ءماجىلىسى اشىلعان كەزدە ۋاكىلدەر تاسقىنداعان ساياسي ىنتاسى مەن وسكەلەڭ ساياسي جاۋاپكەرشىلىگىن ايگىلەپ، قىزمەت بورىشىن ادالدىقپەن ادا ەتىپ، ۇقىقتارىنان زاڭ بويىنشا يگىلىكتەنىپ، دامۋ ۇلى جوسپارىن بىرگە اقىلداسىپ، ماجىلىستەگى كەڭەس تارتىپتەرىن تولىق ورىندادى. قازىر تىڭ باستامادا تۇرعان اۆتونوميالى وبلىسىمىزدا جاڭا جورىق باستالدى. جاڭا قالىپتا ورتالىقتىڭ تالابى – ءبىزدىڭ مىندەتىمىز، ال اۆتونوميالى رايوندىق پارتكومنىڭ ورنالاستىرۋى – ءبىزدىڭ ارەكەتىمىز ەسەپتەلەدى. سوندىقتان پارتيا ورتالىق كوميتەتىنىڭ تالابىنان اۋىتقىماي، اۆتونوميالى رايوندىق پارتكومنىڭ ورنالاستىرۋىنان جازباي، جاڭ چۇنشيان شۋجي العا قويعان «ۇيرەنۋگە شەبەر بولۋ، زاڭمەن باسقارۋدى دارىپتەۋ، ىنتىماقتا باسەكەلەسۋ، دەن قويا تياناقتاندىرۋ، ونىمگە ءمان بەرۋ» تالابىن مۇقيات دايەكتى تياناقتاندىرىپ، وسى رەتكى قۇرىلتايدا تۇراقتانعان نىسانا- مىندەتتەرگە ساي، ساياسي جاۋاپكەرشىلىگىمىز بەن تاريحي بورىشتىلىعىمىزدى اناعۇرلىم كۇشەيتىپ، جاڭا قالىپقا ىرىقتىلىقپەن ۇيلەسىپ، جاڭا جاعدايدى مەڭگەرىپ، تىڭ ورايدى مىقتى يگەرۋىمىز كەرەك. تارتىپكە بويسىنىپ، ساياسيدى، پارتيالىلىقتى، قاعيدانى سانالىلىقپەن دارىپتەپ، «پارتيانى، حالىقتى، جاۋاپكەرشىلىكتى جانە تەجەمدى كوكەيدە ساقتاۋ» تالابىن شىنايى ورىنداۋىمىز قاجەت. ىنتىماقتا باسەكەلەسىپ، ءار ۇلت حالقىن شىن كوڭىلىمىزبەن ءسۇيىپ، تۇتاس وبلىس حالقىنىڭ اقىل- پاراساتى مەن كۇش- قۋاتىن بارىنشا شوعىرلاندىرۋىمىز كەرەك. باتىلدىقپەن ارقالاپ، ىنتىماقتى دا ورنىقتى، حالقى باردام، وبلىسى الۋەتتى، ەكولوگياسى تاماشا، بەرەكەلى ىلەنى كوركەيتۋگە بار كۇشىمىزدى جۇمساۋىمىز قاجەت. اۆتونوميالى وبلىسىمىزدىڭ ورنىقتىلىق، رەفورما جانە دامۋ ىستەرىن زاڭمەن باسقارۋدىڭ جاڭا جاعدايىن جارىققا شىعارۋعا كۇش سالىپ، اۆتونوميالى رايونىمىز قۇرىلعانىنا 60 جىل تولعان كەزدە تولاعاي تابىستارعا قول جەتكىزۋىمىز كەرەك».
ىلە قازاق اۆتونوميالى وبلىستىق حالىق قۇرىلتايىنىڭ ۋاكىلى بولعان ايماق باسشىلارىنان ايماقتىق پارتكومنىڭ شۋجيى دىڭ جاڭۋ، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى، ايماقتىق حالىق قۇرىلتايى قىزمەت كوميتەتىنىڭ مەڭگەرۋشىسى ماۋلىتبەك ارىسباي ۇلى، ايماقتىق پارتكومنىڭ مۇشەلەرى ۋاڭ شىبين، جاڭ شيانچىڭ، گۇلنۇر نۇرعالي قىزى جابىلۋ جيىنىنا قاتىناستى. بۇل ءتىلشىمىزدىڭ قۇلجادان جولداعان حابارى.
«التاي تەلەۆيزياسى» تىلشىلەرىنىڭ قۇلجادان جولداعان حابارى
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
