- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قارجى تياناقتانىپ، اۋەجاي قۇرىلىسى ەرتەرەك پايدالانۋعا بەرىلسە
2015.02.10 14:48
بايانداماداعى «التاي اۋەجايىن كەڭەيتىپ سالۋ جانە جەمەنەي، شىڭگىل، موڭعۇلكۇرە، قوبىقسارى، شيحۋ اۋەجايلارى نىسانىنىڭ الدىڭعى مەرزىمدىك قىزمەتىن جەدەلدەتىپ، قۇلجا اۋەجايىن كوشىرۋدىڭ الدىڭعى مەرزىمدىك قىزمەتىن ورىستەتۋ» جونىندەگى مازمۇندار ۋاكىلدەرگە الداعى جەردە ىلە وبلىسىنىڭ اۋە قاتىناس لەنياسىنىڭ شار تاراپقا تۇتاستىرىلىپ، اۋقىمدى دامۋعا بەت الاتىندىعىن دالەلدەدى. مەملەكەتتىڭ ساياسات، قارجى جاقتاعى ءتۇيىندى سۇيەمەلدەۋى بولماسا، قازىنالىق قۋاتى ءالسىز وبلىس، ايماق، اۋدانداردان اۋەجاي سالۋ دەگەن قيىننىڭ قيىنى. جەرگىلىكتى ورىننىڭ قاتىناس–تاسىمال ىستەرىن بارىنشا دامىتۋ، ساياحاتقا بەلسەنە قىزمەت وتەۋدە ماڭىزدى رول اتقارىپ وتىرعان اۋە قاتىناسىنا دا جۇرتتىڭ ىقىلاسى ەرەسەن.
كوكتوعاي اۋدانىنان كەلگەن حالىق قۇرىلتايى ۋاكىلى اينۇر مۇستاپا قىزى: «كوكتوعاي اۋەجايىن كوشىرىپ سالۋ نىسانى نەگىزىنەن ورىندالدى، دەسە دە، جاڭادان سالىنعان اۋەجاي قۇرىلىسىن كەمەلدەندىرە ءتۇسۋ ءۇشىن ءالى دە مەملەكەتتىڭ قوماقتى قارجىمەن سۇيەمەلدەۋى قاجەت بولىپ وتىرعاندىعىن ايتتى. ۋاكىل اينۇردىڭ ايتۋىنشا، كوكتوعاي اۋدانىنىڭ اۋەجايىن كوشىرىپ سالۋ نىسان قۇرىلىسى اۆتونوميالى رايوندىق حالىقتىق اۋە قاتىناسى مەكەمەسىنىڭ ‹12–بەس جىلدىقتاعى› ءتۇيىندى نىساندارىنىڭ ءبىرى ەكەن. بۇل نىسانعا جالپى 504 ميلليون 430 مىڭ يۋان قارجى قوسىلاتىندىعى مەجەلەنىپتى. كەزەكتە وسى نىسان قۇرىلىسىنىڭ ۇشۋ رايونىنىڭ سىرعىما جولى، بايلانىس جاساۋ جولى، ايالداما جازىعى، بارلاۋ جولى، باعىت نۇسقاۋ شىراعى، باسقارۋ عيماراتى، ۋنيۆەرسالدى كەڭسە سياقتى نىسان قۇرىلىستارى ارت–ارتىنان سالىنىپ، نىسان قۇرىلىسىنىڭ %80 ى ورىندالىپ بولعان. دەسە دە باسقا دا تۇلعالىق قۇرىلىستاردىڭ تولىقتانىپ سالىنۋىنا بەرىلەتىن قارجىنىڭ ءالى دە تولىق تياناقتانباي وتىرۋى، جۇمىستىڭ ەرتەرەك تامامدالۋىنا تۇساۋ بولىپ وتىرىپتى. سوندىقتان دا، قاتىستى تاراۋلار وسكەلەڭ ءمان بەرىپ، ۇيىمدىق جاقتان قولداۋ كورسەتىپ، اۆتونوميالى رايون قازىناسىنان 103 ميلليون يۋان قارجى بوساتۋعا جەبەۋشىلىك ىستەسە. سوندا عانا كوكتوعاي اۋەجايىن كوشىرىپ سالۋ نىسانى ەرتەرەك اياقتاپ، پايدالانۋعا بەرىلەر ەدى.
كوكتوعاي اۋدانىنىڭ جاپالى، شەكارا وڭىرىندىك دارەجەسى 5 – تۇردەگى رايونعا رەتتەلسە دەگەن ۋاكىل اينۇردىڭ ۇسىنسى دا ءبىزدىڭ نازارىمىزدى اۋداردى. ونىڭ ايتۋىنشا، كوكتوعايدىڭ ەجەلدەن جۇڭگوداعى ەڭ سۋىق رايونداردىڭ ءبىرى بولىپ، ناشار اۋا رايى جاعدايى مەن مەشەۋ ءوندىرىس شارت–جاعدايى سياقتى كوپتەگەن ناقتى فاكتورلار وسى اۋداننىڭ 5 – تۇردەگى رايون بولۋ شارت جاعدايىن ازىرلەگەن. جيناقتاپ كەلگەندە، بىرىنشىدەن، كوكتوعايدىڭ ەجەلدەن ‹جۇڭگونىڭ سۋىق ۇيەگى› دەگەن اتى بار.
مىسالى، 1969–جىلى ەڭ تومەنگى اۋا تەمپەراتۋراسى نولدەن تومەن 53 سەلتسي گرادۋسقا تۇسسە، بىلتىر نولدەن تومەن 49 سەلتسي گرادۋسقا تۇسكەن. ەكىنشىدەن، ەندىك گرادۋسى جوعارى، تەڭىز دەڭگەيىنەن بيىك، تاۋلى، ادىرلى، قاعىر كەلەدى. ۇشىنشىدەن، جەر سىلكىنىسى، قار اپاتى، ۇسىك، قۇرعاقشىلىق جانە ءتۇرلى دەرت – دەربەز سىندى جاراتىلىستىق اپاتتار كوپ تۋىلادى. تورتىنشىدەن، مينەرالدىق زاتتارمەن لاستانۋ دارەجەسى تىم اۋىر. بەسىنشىدەن، نەگىزدىك قۇرىلعىلارى مەشەۋ، كەن رايونىنداعى تۇرعىنداردىڭ ءوندىرىس، تۇرمىس شارت–جاعدايى اسا جاپالى. التىنشىدان، شەكارا لەنياسى ۇزىن. كوكتوعاي اۋدانىنىڭ سىرتقى شەكارا لەنياسى 205 كيلومەتردەن اساتىندىقتان، شەكارانى كۇزەتۋ، قورعاۋ مىندەتى ەرەكشە اۋىر. سوندىقتان قاتىستى تاراۋلاردىڭ 30 جىل بويى 4–تۇردەگى رايون دارەجەسىندە توقىراپ قالعان كوكتوعاي اۋدانىنىڭ جاپالى شەكارا، شەت–شالعاي رايون دارەجەسىن 5 – تۇردەگى رايونعا جوعارىلاتۋعا ءمان بەرىلسە» دەگەن ۇسىنىستى ايتتى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
