- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ايەلدەردىڭ بوسانۋ قامسىزداندىرۋى قوسىمشا قاراجاتىنىڭ ولشەمى جوعارىلاتىلسا
2015.02.10 14:57
ساياسي كەڭەس اۆتونوميالى وبلىستىق 12–كەزەكتى كوميتەتىنىڭ 4–ماجىلىسىنە قاتىناسىپ جاتقان مۇشە وبلىسىتىق انا – بالالار دەنساۋلىعىن قورعاۋ شيپاحاناسىنىڭ ورىنباسار باستىعى بۇلبۇلحان ايدار قىزى وسى رەتكى ماجىلىسكە «ايەلدەردىڭ بوسانۋ قامسىزداندىرۋى قوسىمشا قاراجاتىنىڭ ولشەمىن جوعارىلاتىلسا» دەگەن ۇسىنىس الا كەلىپتى. ۇزاق ۋاقىت وسى سالادا قىزمەت ىستەگەن بۇلبۇلحان: اقىلدى دا ساۋ دەنەلى پەرزەنت كورۋ ءاربىر شاڭىراققا قۋانىش سيلاۋمەن بىرگە، مەملەكەتىمىزدىڭ قۇدىرەتتەنىپ، ۇلتتىڭ كوركەيىپ–گۇلدەنۋىنە پايدالى كەلەلى ءىس. قازىر ەمدەۋ ورەسىنىڭ ۇزدىكسىز دامۋىنا ساي، ادامدار ساپالى پەرزەنت كوردىڭ قاجەتتىلىگىن بارعان سايىن جەتە ءتۇسىنىپ كەلەدى. جەر – جەردەگى انا–بالالاردىڭ دەنساۋلىعىن قورعاۋ شيپاحانالارى ىشتەگى نارەستەنىڭ حاۋپىسىزدىگى مەن اقاۋسىزدىعىنا كەپىلدىك ەتۋ ءۇشىن ايەلدەردى جۇكتىلىك كەزىندە مەرزىم سايىن تەكسەرۋ بارىسىندا، كەيبىر كەم – كەتىك نارەستەلەردى بايقاپ، الدىن الا شارا قولدانىپ، وتباسىلارىنا كەلەتىن قاتەردىڭ الدىن الىپ، جان سانى ساپاسىنىڭ اقاۋسىزدىعىنا كەپىلدىك ەتىپ كەلەدى.
دەگەنمەن مەملەكەتتىڭ ايەلدەردىڭ جۇكتىلىك مەزگىلىندە ىشتەگى بالانىڭ اقاۋسىزدىعىنا كەپىلدىك ەتۋ مەن نارەستەلەردىڭ كەم – كەتىك تۋىلۋىن بارىنشا تومەندەتۋ جونىندەگى ءبىرقىدىرۋ شارالارىنىڭ اتقارىلۋى مەن زات باعاسىنىڭ قىمباتتاۋىنا ىلەسە، ەمدەۋ قۇنى دا جوعارىلاپ، بوساندىرۋ اقىسى جىل سايىن ارتىپ كەلەدى، ونىڭ ۇستىنە جۇكتىلىك مەزگىلىندەگى جۇيەلى تەكسەرۋدىڭ وزىنە نەشە مىڭ يۋان قاراجات جۇمسالادى. ال ىلە وبلىسىنداعى وزگە شيپاحانالار مەن انا – بالالار شيپاحاناسىنا جاتقان جۇكتى ايەلدەردىڭ شيپاحانادا جاتىپ ەمدەلۋى تابيعي بوسانعاندار 2 مىڭ 500 يۋان، وپەراتسيا جاساتقاندار 4 مىڭ 500 يۋان شاماسىندا تولەيدى، بىلايشا ايتقاندا، ءبىر ايەل جۇكتى بولعاننان بوسانعانعا دەيىن 10 مىڭ يۋاننىڭ ۇستىندە قاراجات جۇمسايدى. قوعامدىق قامتاماسىزداندىرۋ تاراۋلارىنان ۇعىسۋىمىزشا، بوسانۋ قامسىزداندىرۋىنىڭ ولشەمى ۇزاق جىلداردان بەرى رەتتەلمەگەن، ال بوسانۋ قامسىزداندىرۋ قورىنىڭ سالىستىرماسى الدەقايدا شىعىننان اسىپ كەتكەن، - دەي كەلىپ، بۇلبۇلحان مىناداي ۇسىنىسىن العا قويدى: بىرىنشىدەن، بوسانۋ ەمدەۋ قامسىزداندىرۋىنىڭ قوسىمشا قاراجاتى ولشەمى جوعارىلاتىلسا؛ ەكىنشىدەن، جوسپارلى تۋىت وپەراتسياسىنا بەرىلەتىن قوسىمشا قاراجاتتىڭ ولشەمى جوعارىلاتىلسا؛ ۇشىنشىدەن، بوسانۋدان بۇرىنعى جانە كەيىنگى تەكسەرىلۋگە ارناۋلى قوسىمشا قاراجات بەرۋ ءتۇزىمى اتقارىلسا؛ تورتىنشىدەن، ءارقايسى شيپاحانالاردىڭ ورتاشا قاراجاتى مەن جۇكتىلىك مەزگىلدەگى دەنساۋلىق ساقتاۋ قاراجاتىن نەگىز ەتىپ، ەسەپتەن كوتەرۋ ولشەمىن جىل سايىن جوعارىلاتىپ تۇرسا بۇل حالىققا پايدالى بولار ەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
