بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

شينجياڭ التاي تاۋىندا قازاق مالشىلارى كوكتەۋلىككە كوشە باستادى

وتارعا قوش ايتىپ، كوكتەۋلىككە بەت تۇزەدى (كورىكتى جۇڭگوعا كوكتەم كەلدى)

گازەتىمىز ءتىلشىسى حان ليچۇن

2016.04.18 14:52     كەلۋ قاينارى : حالىق تورابى

التاي تاۋىنداعى مالشىلار كوكتەمنىڭ لەبى بىلىنە، جاۋعان قارعا قاراماي كوشە باستادى

  15 – ءساۋىر كۇنى كيىز ۇيگە جاقىنداعانىمىزدا الدىمىزدان ابالاپ قوي توبەت قارسى الدى، ءۇي يەسى نۇرگۇل قاسەن قىزى تىسقا شىعىپ، ءبىزدى كۇلىمسىرەي قارسى الىپ، كيىز ۇيگە باستادى.

  باۋىرساق پەن نان تولى داستارقان جايىلىپ، ءسۇتتى شاي قۇيىلدى. قوناقتار ۇناتقانىن ەركىمەن الىپ جەسىن دەپ داستارقانعا سارى ماي مەن قايماق قويىلدى. سالدەن كەيىن وتاعاسى ــ سەرىك جۇمان ۇلى كەلدى. بۇل وتباسى التاي قالاسى قاندىعاتى اۋىلى تاراتى قىستاعىنىڭ مالشىلارى.

  كوكتەم كەلىپ، كوكتەۋلىككە ورالعان مالشىلاردىڭ كوڭىل – كۇيى كوتەرىڭكى ەكەن.

  جەر كوكتەگەن، سەرىكتىڭ ساۋلىقتارىنا 50 نەشە تۇياق قوزى ەرىپتى.

  سەرىكتىڭ ايتۋىنشا، ولاردىڭ كوكتەۋلىككە كەلگەنىنە تۇپ – تۋرا ءبىر اپتا بولىپتى، جەر كوكتەپ، قويلار جەرسىنگەن، ءدال قوي تولدەيتىن كەز، ءبارى دە ساتىمەن بولىپ جاتىر ەكەن.

  سەرىكتىڭ وتباسى ۇزاققا سوزىلعان قىس ماۋسىمىن وتىرىقتاندىرۋ تۇيىنىندە وتكىزگەن. وتىرىقتاندىرۋ ءتۇيىنى بۇل جەردەن 60 كيلومەتر قاشىقتىقتا، ولار 3 كۇن كوشىپ وسى اراعا جەتكەن. جول بويى تاڭ قىلاڭ بەرە جولعا شىعىپ، قاس قارايعاندا قوستارىن تىگىپ قونادى. قوستا ءبىر تۇنەپ، تاڭ اتا قايتا بۇزىپ، جولعا شىعادى.

  نۇرگۇلدىڭ ايتۋىنشا، ولاردىڭ قوراسىندا 100 نەشە تۇياق قوي بار، قازىرگە دەيىن 50 نەشە قوزى ەرگەن. بىرنەشە جىلدان بەرى تۇرمىستارى بارعان سايىن جاقسارعان، وتباسىنىڭ 50 مۋ جەرىن باسقا بىرەۋگە ەگىن سالۋعا مايعا بەرگەن، 10 تۇياق سيىرى بار. بىلتىرعى كىرىستەرى 50 ~ 60 مىڭ يۋانعا جەتكەن.

  كيىز ۇيدە شاعىن مۇزداتقىش بار، وعان كۇن نۇرى ەنەرگيالى باتەريا پايدالانىلعان. سەرىك: قولفون سەگنالى تالاي جەردە بار، تۇرمىسقا قولايلى بولدى. اكەلەرىمىزدىڭ كەزىندە مۇنى ويلاۋدىڭ ءوزى مۇمكىن ەمەس، - دەيدى.

  قاندىعاتى اۋىل باستىعىنىڭ ورىنباسارى جاڭ جۇنيان تىلشىگە: قازىر قىستا مالشىلاردىڭ كوبى وتىرىقتاندىرۋ تۇيىنىندە قىستايدى. ول ارا ادام مەن مالعا قولايلى. ەكولوگيانى قورعاۋ تۇرعىسىنان جايىلىمدى باسقارۋدى كۇشەيتىپ، ەكولوگيالىق سيلىق قوسىمشا قاراجاتى، جايىلىمدى قالپىنا كەلتىرۋ، ەگىستىككە اينالعان ورماندى قالپىنا كەلتىرۋ، ۇساق مالداردىڭ ورنىن ءىرى قاراعا باستىرۋ قاتارلى ساياساتتاردى ورتاعا قويىپ، شامادان تىس مال باعۋدان ساقتانىپ، جايىلىمنىڭ ناشارلاۋىنان ساقتاندىق، - دەيدى.

  جاڭا كوش جولى جاسالعان، جاڭابەك نۇرسامەت ۇلى قىستاۋلىقتان ەكى – اق كۇندە كوشىپ كەلىپتى.

  جاڭابەك قويىن الاقاق قالاشىعى الاقاق قىستاعىندا تولدەتپەكشى. 200 تۇياقتان استام تەگەنە قۇيرىق قوي جاڭا كوكتەگەن جوتادا جايىلىپ ءجۇر. قورالى قويدى ەكى كۇننىڭ الدىندا قىستاۋلىقتان كوشىرىپ اكەلگەن. جاڭابەك: كوشىپ شىققانىمىزدا ول جاقتا قار جاۋىپ تۇرعان. ەكى كۇن جول جۇردىك، اكەمنىڭ 4 تۇيەسىمەن كوشىپ كەلدىك، - دەيدى.

  جاڭابەك: بۇرىن 10 نەشە كۇندە كوشىپ كەلەتىنبىز. ادامعا دا مالعا دا وڭاي ەمەس. قويدان دا شىعىن شىعاتىن. قازىر كوش جولى سالىندى، كوش تەزدەدى، كوش بارىسىندا دا كوڭىلدى سەزىنەتىن بولدىق، - ەديدى.

  جاڭابەك: بۇل ارادا ءبىر اي تۇرامىز. مامىردا ورتا جايلاۋعا كوشەمىز، ماۋسىمدا ءتور جايلاۋعا تارتامىز، بالالار بىزبەن بىرگە بارادى، جاستارى تولعاندا جاتاقتى مەكتەپكە وقۋعا بەرەمىز، شارت – جاعدايى جاقسى، - دەيدى.

  جايىلىمدى ۇيلەسىمدى پايدالانعاندىقتان، التايدا جايىلىمداعى وسىمدىك جامىلعىسىنىڭ قامتىلىمى %5تەن اسقان.

  الاقاق قالاشىعى باستىعىنىڭ ورىنباسارى بالعىنبەك سۇلتان ۇلى: وسى كەزدە ءبىزدىڭ نەگىزگى مىندەتىمىز مالشىلاردىڭ كوشىنە كومەكتەسۋ. قوي تولدەتۋ قىزمەتتىڭ ءتۇيىنى، ارناۋلى جەتەكشىلەر مەن قىزمەت وتەۋشىلەرىمىز بار. ءتولدىڭ قاتارعا قوسىلۋ مولشەرى %90تەن جوعارى. جەم – ءشوپ جەتپەسە دەرەۋ اكەلەمىز. جول الىس بولسا، اۆتوموبيلمەن كوشىرەمىز، - دەيدى.

  التاي قالالىق پارتكومنىڭ شۋجيى ۋاڭ شىبين: مەملەكەتتىك ءتۇيىندى ەكولوگيالىق يقۋاتتى ءوڭىر رەتىندە، جاڭالىق جاراتۋ، سايكەستىرۋ، زالالسىز بولۋ، ەسىك اشۋ، تەڭ يگىلىكتەنۋ ــ بۇل ءبىزدىڭ دامۋداعى بەرىك ۇستانعان باعدارىمىز. تاۋ – سۋىمىزدى ويداعىداي قورعاپ، ۇرپاقتان – ۇرپاققا پايدالانۋعا كەپىلدىك ەتۋىمىز كەرەك، - دەيدى.

  كەلۋ قاينارى: حالىق تورابى
كوكتەۋلىككە كەلىپ قوس تىككەن مالشى وتباسى. ەرجان فوتوسى

قاندىعاتى اۋىلى تاراتى قىستاعىندا جايىلىم كوكتەي باستادى، قىستاۋدان جاڭا كوشىرىلگەن تۇلىكتەر جايىلۋدا. گازەتىمىز ءتىلشىسى حان ليچۇن فوتوسى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.