- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇرماش سىرجان ۇلى تەكەس اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: بۇقاراعا ويداعىداي قىزمەت وتەۋ _ حالىق تۇرمىسىنداعى ەڭ ءىرى ءىس
2016.04.20 15:55
ءتىلشىمىز سۇن ۋەيشيا حابارلايدى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءساۋىردىڭ 17 - كۇنى وبلىستىڭ ورىنباسار باستىعى مۇقيات جارمۇقانبەت ۇلىنىڭ جانە وبلىسقا توتە قاراستى قاتىستى تاراۋلاردىڭ جاۋاپتىلارىنىڭ سەرىك بولۋىندا تەكەس اۋدانىنا بارىپ، ءار ۇلت كادرلارى مەن بۇقاراسىنان حال سۇرادى، سونداي - اق اۋداننىڭ ەكونوميكالىق، قوعامدىق دامۋى، حالىق تۇرمىسى قۇرىلىسى، ەكولوگيالىق ساياحات قۇرىلىسى جانە ەگىن، مال شارۋاشىلىعىنىڭ دامۋى سياقتى جاقتارىنا ىشكەرىلەي تەكسەرۋ - زەرتتەۋ جۇرگىزىپ، اۋداننىڭ «12 - بەس جىلدىقتان» بەرگى ءتۇرلى قىزمەتتەرىن تولىق تۇراقتاندىردى، سونىمەن بىرگە وبلىستىق پارتكوم العا قويعان «6 ءتۇرلى قيمىل جىلىن» توڭىرەكتەي وتىرىپ تالاپتاردى العا قويدى.
قۇرماش سىرجان ۇلى قاتارلىلار الدىمەن تەكەس اۋدانىنىڭ باقالىق سۋ قويماسى، تەكەس قالاشىعى اقتاس قىستاعىنىڭ مالشىلاردى وتىرىقتاندىرۋ ارقىلى مال شارۋاشىلىعىن دامىتۋ جانە جەم - ءشوپ بازاسى، ساياحاتشىلاردى توپتاۋ - جونەلتۋ ورتالىعى، وسى زامانعى اۋىل شارۋاشىلىعىنىڭ ءتۇيىندى ۇلگى كورسەتۋ رايونى، اۋىل - قىستاق ەلەكتروندى ساۋداسىنا قىزمەت وتەۋ ورتالىعى، حالىق ىستەرى يگىلىك ساناتورياسى، داۋان تۇنەل قۇرىلىسى سياقتى ورىنداردى كوزدەن كەشىردى ءارى شولاقتەرەك الەۋمەتتىك اۋماعىنىڭ نەگىزگى ساتى ۇيىمدىق قۇرىلىسى جاعدايىن ۇعىستى. ول وبلىستىق پارتكوم مەن ۇكىمەت اتىنان نەگىزگى ساتىداعى كادرلار مەن قىستاققا تۇسكەن قىزمەت گرۋپپاسىنىڭ مۇشەلەرىنە امانداسا بارىپ، ەڭ تاڭداۋلى اۋىل - قىستاق شيپاگەرى جۇماتاي اۋباكىر ۇلىنان حال سۇرادى.
باقالىق سۋ قويماسى _ تەكەس اۋدانىنىڭ ءتۇيىندى حالىق تۇرمىسى ينجەنەرياسى. بۇل نىسان اتقارىلاتىن بولسا سۋارۋ رايونىنداعى 8 مىڭ مۋ ەگىستىك جەردىڭ سۋدان پايدالانۋ جانە جاڭادان ارتتىرىلعان 32 مىڭ 500 مۋ جاساندى جەم - ءشوپ بازاسىن سۋارۋ قاجەتىن قاناعاتتاندىرىپ، 325 مالشى وتباسىن وتىرىقتاندىرىپ، باقالىق سايىن كوكتەم، جاز مەزگىلىندەگى تاسقىن اپاتىنىڭ حاۋپىنەن ساقتايتىن بولادى. قۇرماش سىرجان ۇلى بىلاي دەدى: باقالىق سۋ قويماسى نىسانى حالىق تۇرمىسىنا تيىمدىلىك جاسايتىن ناعىز ينجەنەريا، مالشىلاردىڭ كىرىسىن ارتتىرۋ ءۇشىن الدىمەن سۋ ماسەلەسىن شەشۋ كەرەك. نىسان اتقارىلعاننان كەيىن جەرگىلىكتى ورىننىڭ ەكولوگيالىق ورتاسىن جاقسارتىپ قانا قالماستان، مال شارۋاشىلىق رايونىنىڭ ەكونوميكاسىنىڭ دامۋىن جەبەپ، مالشىلاردىڭ تۇرمىس ورەسىن جوعارىلاتىپ، ءداستۇرلى، كەنجە قالعان ءوندىرىس ءتاسىلىن وزگەرتەدى، بۇل ماڭىزدى قوعامدىق ونىمدىلىككە، ەكولوگيالىق ونىمدىلىككە جانە ەكونوميكالىق ونىمدىلىككە يە، ۇكىمەتتىڭ فۋنكتسيالىق تاراۋلارى حالىق تۇرمىسى ينجەنەرياسى قۇرىلىسىن بار كۇشپەن قولداپ، ءتۇرلى قىزمەت وتەۋ قىزمەتىن ويداعىداي ىستەپ، ەگىنشى - مالشىلاردى تەز ارادا كەدەيلىكتەن ارىلتىپ، بايۋ جولىنا ءتۇسىرۋ كەرەك.
وتىرىقتانعان مالشىلاردىڭ ءوندىرىس، تۇرمىس شارت - جاعدايىن اناعۇرلىم جاقسارتىپ، جايىلىم مال شارۋاشىلىعىنىڭ ءوندىرىس ورەسىن جوعارىلاتۋ ءۇشىن تەكەس اۋدانى جەم - ءشوپ كاسىبىنىڭ قۇرىلىمىن بەلسەنە ساپالىلاندىرىپ، اقتاس قىستاعىندا 9 مىڭ 120 مۋ جەرگە جاساندى جەم - ءشوپ سۋارۋ ينجەنەرياسىن اتقارۋدا. بۇل جەم - ءشوپ بازاسى سالىنعاننان كەيىن جايىلىمنىڭ ەكولوگياسىن قورعاپ جانە جاقسارتىپ قانا قالماستان وتىرىقتانعان مالشىلاردىڭ جان باسىندىق كىرىسىن تاعى 2 مىڭ 377 يۋان ارتتىرادى. قۇرماش سىرجان ۇلى بىلاي دەدى: ەكولوگيالىق ورتا مەن ادامزاتتىڭ تۇرمىسى تىعىز بايلانىستى، ەكولوگيالىق ورتانى كوز قاراشىعىمىزداي قورعاۋىمىز كەرەك. نىسان سالىنۋدان بۇرىن دا، سالىنىپ بولعاننان كەيىن دە ەكولوگيالىق ورتانى قورعاۋدى ماڭداي الدى ورىنعا قويىپ، تاماشا ەكولوگيالىق نىسان قۇرىلىسى ارقىلى جەم - ءشوپ كاسىبى قۇرىلىمىن ساپالىلاندىرىپ، مال شارۋاشىلىعىنىڭ باياندى دامۋىن جەبەۋ كەرەك. اۋدانىنىڭ كولەمى 30 مىڭ مۋ كەلەتىن وسى زامانعى اۋىل شارۋاشىلىعىنان ءتۇيىندى ۇلگى كورسەتۋ رايونىندا عىلىم – تەحنيكا قىزمەتكەرلەرى توراپتا الىس ارالىقتى مەڭگەرۋ، اۆتوماتتاندىرىپ باسقارۋ جۇيەسى ارقىلى تۇسىنىك جاسادى. قۇرماش سىرجان ۇلى اۋىل شارۋاشىلىعىنىڭ وسى زامانعى دامۋ جاعدايىن ەگجەي – تەگجەيلى ۇعىسقاننان كەيىن بىلاي دەدى: ءار دارەجەلى ۇكىمەت «اۋىل شارۋاشىلىعى، اۋىل – قىستاق، شارۋالار ماسەلەسى» قىزمەتىن ماڭىزدى ورىنعا قويىپ، شارۋالاردىڭ كىرىسىن ارتتىرۋ سىندى ءتۇيىندى ماسەلەنى كورنەكتى مىقتى يگەرىپ، اۋىل شارۋاشىلىعىنىڭ دامۋ تاسىلىنە جەدەل بۇرىلىس جاساپ، اۋىل شارۋاشىلىعىنىڭ ۋنيۆەرسالدى ءوندىرىس قۋاتىن ۇزدىكسىز جوعارىلاتىپ، شارۋالاردىڭ كىرىسىن ۇزدىكسىز ارتتىرۋدى جەبەۋ كەرەك. تەكەس اۋدانى تاماشا ەكولوگيالىق ابزالدىققا يە، «ەكولوگيا قالىپتاستىرۋ جولىمەن ءجۇرۋ، جاسىل ماركا جاراتۋ، ەرەكشە كىرىس كىرگىزۋ» سىندى ەرەكشە اۋىل شارۋاشىلىعىن دامىتۋ جولىنان جازباي، مەملەكەتتىڭ جاسىل اۋىل شارۋاشىلىعى ەگىمشىلىگىنەن ۇلگى كورسەتۋ رايونىنىڭ ابزالدىعىن ساۋلەلەندىرىپ، وسى زامانعى ەگىن، مال شارۋاشىلىعىنىڭ ساپاسىن جوعارىلاتۋ مەن ونىمدىلىگىن ارتتىرۋدى جەدەل ىلگەرىلەتىپ، شارۋالاردىڭ كىرىسىن ارتتىرۋدى جەبەۋ كەرەك.
بيىل جىل باسىنان بەرى شولاقتەرەك الەۋمەتتىك اۋماق پارتيا ياچەيكاسى «پارتيا ۇيىمىنىڭ ۇيىستىرۋ قۋاتىنىڭ، جاۋىنگەرلىك قۋاتىنىڭ ءالسىز جانە باسقارۋى جۇيەلى بولماۋ» ماسەلەسىنە قاراتا باسشىلىق القانى مىقتى يگەرىپ، قوسىندى الۋەتتەندىرىپ، ماسەلەنى كوزدە ۇستاپ، رەتتەۋ – وزگەرتۋدى جەبەپ، جاقسى باستاماشىلاردى، كەمەلدى قىزمەت ءتۇزىمىن، تاماشا دامۋ وي جەلىسىن، تاماشا قامتاماسىزداندىرۋ مەحانيزمىن جانە ويداعداي قىزمەت وتەۋ دانەكەرىن قالىپتاستىرىپ، ءالسىز، بوشالاڭ پارتيا ۇيىمىن رەتتەۋ قىزمەتىندە ونىمدىلىككە قول جەتكىزدى. قۇرماش سىرجان ۇلى الەۋمەتتىك اۋماق كادرلارى مەن «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت گرۋپپاسىنىڭ مۇشەلەرىنەن حال سۇرادى ءارى ناقتى تالاپتارىن العا قويدى. ول بىلاي دەدى: الەۋمەتتىك اۋماق قۇرىلىسىن كۇشەيتۋدەگى ماقسات _ قىستاق تۇرعىندارىنا ويداعىداي قىزمەت وتەۋ، نەگىزگى ساتى كادرلارى، ءسوز جوق، بۇقارانىڭ جاناشىرى بولۋى، قىستاق وتباسىلارىن ۇنەمى ارالاپ تۇرۋى، كەڭسەدە وتىرىپ الماۋى؛ قىزمەت گرۋپپاسى كاسىپ ابزالدىعىن ساۋلەلەندىرىپ، ويداعىداي كەڭەس بەرىپ، وبلىستىق پارتكومنىڭ جىل باسىندا العا قويعان «ءۇش ءتۇرلى مىندەت» ارقىلى قىزمەت وتەۋ ساپاسى مەن ورەسىن جوعارىلاتۋ كەرەك. قۇرماش سىرجان ۇلى مىنانى باسا دارىپتەدى: بارلىق قىزمەتتىڭ ەڭ سوڭعى تياناعى _ ماسەلەنى شەشىپ، بۇقاراعا تيىمدىلىك جاراتۋدا. بيىل تەكەس اۋدانى ءتۇيىندى قىزمەتتى ويداعىداي ىستەۋ ءۇشىن وبلىستىق پارتكومنىڭ قىزمەت ءماجىلىسىنىڭ، اۆتونوميالى وبلىستىڭ ەكى ءماجىلىسىنىڭ ورنالاستىرۋىن توڭىرەكتەپ، ءىس جۇزىندىك جاعدايمەن بىرلەستىرىپ، بەلگىلەنگەن نىسانا – مىندەت بويىنشا قىزمەتتى ويداعىداي تياناقتاندىرۋ كەرەك. تەكەس اۋدانى جارىق جىلۋى، توپىراق، ورمان جانە مول سۋ بايلىعى سىندى تاماشا ابزالدىققا يە، وبلىستىق پارتكوم العا قويعان «التى ءتۇرلى قيمىل جىلىمەن» ۇشتاستىرىپ، ۇلتتار ىنتىماعى قۇرىلىسىن مىقتى يگەرۋ، اۋىزدا عانا ايتىپ قويماي، قول سالىپ ىستەۋى، بۇقارانى ىرىقتىلىقپەن اتتانىسقا كەلتىرىپ، ۇلتتار ىنتىماعىن امالياتتا ايگىلەپ، بۇقارالىق نەگىزدى بەكەمدەپ، قوعام ورنىقتىلىعى مەن باياندى تىنىشتىقتى جۇزەگە اسىرۋى كەرەك. بيىلعى جىل - «قوعامدى جونگە سالۋ قۋاتىن جوعارىلاتاتىن جىل»، بۇل وبلىستىق پارتكومنىڭ تالابى عانا بولىپ قالماستان، ءار دارەجەلى پارتيا ۇيىمدارىنىڭ دا تالابى. تەكەس اۋدانى ءىس جۇزىندىك قىزمەتپەن بىرلەستىرىپ، قوعامدى جاپپاي جونگە سالۋ قۋاتىن جوعارىلاتىپ، نەگىزگى ساتىنىڭ ۇيىمدىق قۇرىلىسىن كۇشەيتىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ويداعىداي ورىستەتىپ، ۇيىمنىڭ، بۇقارانىڭ، قوعامداعى ءار جاقتىڭ رولىن تولىق ساۋلەلەندىرىپ، پارتيا ستيلى، پاكتىك قۇرىلىسى قىزمەتىن ىشكەرىلەي ىلگەرىلەتىپ، ەكولوگيالى، وركەنيەتتى، جاراسىمدى، باقىتتى تەكەس قۇرۋدى جەدەلدەتۋ كەرەك.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
