- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋاڭ سانپيڭ تايجوۋ قالالىق پارتكومنىڭ ورىنباسار شۋجيى، قالا باستىعى شى ليجۇنمەن شينجياڭعا كومەك بەرۋ قىزمەتىن اقىلداسقاندا مىنانى ءۇمىت ەتتى 9 - توپتاعى شينجياڭعا كومەك بەرۋ قىزمەتىن ناقتى، تىڭعىلىقتى ىستەپ، كورنەكتى ونىمدىلىك جاراتۋىمىز كەرەك
2016.05.25 15:58
ءتىلشىمىز لي شين - ان تايجوۋدان حابارلايدى. وبلىستىق پارتكومنىڭ شۋجيى حۋاڭ سانپيڭ ۇيىرمە باستىعى بولعان ىلە وبلىسىنىڭ پارتيا، ۇكىمەت ۋاكىلدەر ۇيىرمەسى مامىردىڭ 21 - كۇنى تۇستەن كەيىن جياڭسۋدىڭ تايجوۋ قالاسىندا تەكسەرۋ - زەرتتەۋ جۇرگىزدى ءارى تايجوۋ قالالىق پارتكومنىڭ ورىنباسار شۋجيى، قالا باستىعى شى ليجۇنمەن كەلەسى باسقىشتاعى شينجياڭعا كومەك بەرۋ قىزمەتى جونىندە ىشكەرىلەي كەڭەستى.
تايجوۋ قالاسى جياڭسۋدىڭ ورتا بولەگىنە ورنالاسقان، جالپى جەر اۋماعى 5 مىڭ 787 شارشى كيلومەتر، جالپى جان سانى 5 ميلليون 80 مىڭ. 2015 - جىلى قالانىڭ وڭىرلىك ءوندىرىسىنىڭ جالپى ءونىم قۇنى 365 ميلليارد 500 ميلليون يۋانعا جەتىپ، %10؛ ادەتتەگى الەۋمەتتىك مەجە ەسەپ كىرىسى 32 ميلليارد 200 ميلليون يۋانعا جەتىپ، %13؛ تۇراقتى مۇلىككە قوسىلعان قارجىسى 269 ميلليارد 500 ميلليون يۋانعا جەتىپ، %22.6 ارتقان.
اڭگىمە ماجىلىسىندە شى ليجۇن الدىمەن تايجوۋ قالالىق پارتكوم مەن ۇكىمەت اتىنان جانە ىسساپارمەن سىرتتا جۇرگەن قالالىق پارتكومنىڭ شۋجيى، قالالىق حالىق قۇرىلتايى تۇراقتى كوميتەتىنىڭ مەڭگەرۋشىسى لان شاۋمين اتىنان ىلە وبلىسىنىڭ پارتيا، ۇكىمەت ۋاكىلدەر ۇيىرمەسىندەگىلەردى قىزۋ قارسى الاتىندىعىن ءبىلدىردى.
شى ليجۇن تايجوۋ قالاسىنىڭ ەكونوميكالىق، قوعامدىق دامۋ جاعدايىن تانىستىرعاننان كەيىن بىلاي دەدى: «13 - بەس جىلدىق» مەزگىلىندە تايجوۋ قالاسى حالىق بۇقاراسى ماقتانىش ەتەتىن، باقىت سەزىنەتىن، وزىنە بالايتىن «اقاۋسىز، باي، جاراسىمدى تايجوۋ» قۇرۋ نىساناسىن بەلگىلەپ، «ايگىلى پورت قالا، جۇڭگوداعى ايگىلى ءدارى - دارمەك قالاسى، مەملەكەتتىك تاريحي مادەنيەتتە ايگىلى قالا، چاڭجياڭ اتىراۋى رايونىنداعى ەكولوگياسى تاماشا قالا» سىندى 4 جاقتان ايگىلى قالا قۇرىپ، «يدەيانى تاعى دا ازات ەتۋ، نىسان كولەمىن بارىنشا كەڭەيتۋ، قالا قۇرىلىسىنىڭ دارەجەسىن تاعى دا جوعارىلاتۋ» سىندى ءۇش ۇلكەن تاقىرىپتىق قىزمەت ارقىلى «13 - بەس جىلدىقتىڭ» باستاماسىن جاقسى باستاۋدى العا قويدى. بۇل نىسانالار تايجوۋ قالاسىنىڭ ەكولوگيالىق ورتاسى مەن گۋمانيتارلىق ورتاسىن ايگىلەپ قالماستان، تاعى كاسىپ ەرەكشەلىگىن دە بەينەلەيدى.
شى ليجۇن بىلاي دەدى: تايجوۋ قالاسى شينجياڭعا كومەك بەرۋ قىزمەتىنە باسا ءمان بەرىپ كەلەدى ءارى شينجياڭعا كومەك بەرۋ قىزمەتىن قالالىق پارتكوم مەن ۇكىمەتتىڭ اسا ماڭىزدى قىزمەتى رەتىندە مىقتى يگەرۋدە. شينجياڭعا كومەك بەرۋ قىزمەتى ارقىلى ىلە وبلىسىمەن ورتاق سەلبەسۋدى، بىرگە دامۋدى جۇزەگە اسىرادى. ول مىنانى ءبىلدىردى: كەلەسى باسقىشتاعى شينجياڭعا كومەك بەرۋ قىزمەتىندە تايجوۋ قالاسى ورتالىقتىڭ شەشىمدەرى مەن جياڭسۋ ولكەلىك پارتكوم، ۇكىمەتتىڭ تالاپتارى بويىنشا شينجياڭعا كومەك بەرۋ قىزمەتىن باتىل ويداعىداي ىستەيدى. تايجوۋ قالاسى مەن ىلە وبلىسىنىڭ قۇلشىنىسى ارقىلى ىلە وبلىستىق پارتكوم مەن ۇكىمەتتىڭ، موڭعۇلكۇرە اۋداندىق پارتكوم مەن ۇكىمەتتىڭ باسشىلىعىندا شينجياڭعا كومەك بەرۋ قىزمەتىنىڭ ءتىپتى دە ويداعىداي ىستەلۋىن ءۇمىت ەتەمىن.
حۋاڭ سانپيڭ بىلاي دەدى: كورىكتى تايجوۋ قالاسىنا كەلىپ توتەنشە قۋاندىق، تايجوۋ قالاسىنىڭ ۇزاق ۋاقىتتان بەرى ىلەگە، موڭعۇلكۇرە اۋدانىنا كومەك بەرىپ كەلگەندىگىنە؛ تايجوۋ قالاسىنان شينجياڭعا كومەككە بارعان كادرلاردىڭ موڭعۇلكۇرە اۋدانىندا جاپالى دا ءونىمدى قىزمەت ىستەگەندىگىنە؛ تايجوۋ قالاسىنىڭ ىلەنىڭ مىندەتكە ءىلىپ جىبەرگەن كادرلارىنا قىزمەت ىستەۋ، ۇيرەنۋ ورتاسىن جاراتىپ بەرگەندىگىنە العىس ايتامىز.
اۆتونوميالى وبلىستىڭ ەكونوميكالىق، قوعامدىق دامۋ جاعدايى مەن شينجياڭعا كومەك بەرۋ قىزمەتىنىڭ ورىستەتىلۋ جاعدايىن تانىستىرعاننان كەيىن حۋاڭ سانپيڭ بىلاي دەدى: بۇل جولعى ساپارىمىز _ تۋىسشىلاۋ ساپارى، العىس ايتۋ ساپارى، ۇيرەنۋ ساپارى، اۋىس – كۇيىس جاساۋ، سەلبەستىك ورناتۋ ساپارى، سونداي - اق شينجياڭعا كومەك بەرۋ قىزمەتىن اناعۇرلىم ويداعىداي ىستەپ، 9 - توپتاعى شينجياڭعا كومەك بەرۋ قىزمەتىن جالعاستىرۋ ساپارى بولىپ تابىلادى. تايجوۋ قالاسى 8 - توپتاعى شينجياڭعا كومەك بەرۋ قىزمەتىندە ورتالىقتىڭ، جياڭسۋ ولكەلىك پارتكومنىڭ، تايجوۋ قالاسىنىڭ جانە اۆتونوميالى رايوننىڭ تالاپتارىنا ساي، ءتۇيىندى كورنەكتىلەندىرىپ، دامۋدى جەدەلدەتىپ، ءتۇرلى مىندەتتەردى ورىندادى.
حۋاڭ سانپيڭ بىلاي دەدى: 9 - توپتاعى شينجياڭعا كومەك بەرۋ قىزمەتى باستالۋ الدىندا تۇر، حالىق تۇرمىسى ماسەلەسىن شەشۋدى قىزمەتتىڭ ءتۇيىنى ەتىپ، اۋداننىڭ وڭىرلىك ەكونوميكاسىن دامىتۋعا كۇش سالۋ كەرەك. سونىمەن بىرگە، دارىندى، عىلىم - تەحنيكا، كاسىپ جاقتارىنان شينجياڭعا كومەك بەرۋ قىزمەتىندە اناعۇرلىم ويداعىداي سەلبەستىك ورناتۋ، وتە - موتە، تايجوۋ قالاسىنىڭ ەمدەۋ تەحنيكاسى، ساۋىقتىرۋ - كۇتىمدەۋ كاسىبى ابزالدىعىنان ويداعىداي پايدالانىپ، تاماشا سەلبەستىك ورتاسىن قالىپتاستىرۋ كەرەك. تايجوۋ قالاسىنىڭ كاسىپ ءتۇرىن جاڭالاۋ، دارەجەسىن جوعارىلاتۋ بارىسىندا كاسىپتى جالعاستىرۋ رايونىنىڭ قىزمەتىن ويداعىداي ىستەۋ كەرەك. تايجوۋ كاسىپورىنشىلارىنىڭ، كاسىپكەرلەرىنىڭ ىلەگە بارىپ قارجى قوسۋىن، كاسىپتى دامىتۋىن قارسى الامىز. شينجياڭعا كومەك بەرۋ قىزمەتىندە 8 - توپتاعى تابىستى قىزمەتتىڭ نەگىزىندە 9 - توپتاعى شينجياڭعا كومەك بەرۋ قىزمەتىن ءتىپتى دە ويداعىداي ىستەپ، زور ونىمدىلىك جاراتۋ كەرەك.
وبلىس باسشىلارىنان يۇي چيڭشان، تيان حۇڭ، جاۋ تيانجيە، ۋ فىڭجۇن جانە ىلە وبلىسىنىڭ پارتيا، ۇكىمەت ۋاكىلدەر ۇيىرمەسىنىڭ بارلىق مۇشەسى، جياڭسۋ ولكەلىك دامۋ - رەفورما كوميتەتىنىڭ ورىنباسار مەڭگەرۋشىسى جاۋ جىميڭ، تايجوۋ قالاسىنىڭ باسشىلارىنان ۋاڭ شوۋفا، جاڭ گولياڭ جانە قاتىستى تاراۋلاردىڭ جاۋاپتىلارى اڭگىمە ماجىلىسىنە قاتىناستى.
تايجوۋ قالاسىنداعى كەزىندە ۋاكىلدەر ۇيىرمەسى تاعى تايجوۋ ءدارى - دارمەك جاڭا رايونىنداعى ءبىر ءبولىم كاسىپورىندار مەن ياڭزىجياڭ ءدارى - دارمەك كاسىبى سەرىكتىگىن كوزدەن كەشىردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
