بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

قابا اۋدانى: بەيقۇت ءۇي سالىپ، حالىقتى اۋقاتتاندىرۋ ينجەنەرياسى جۇرتشىلىقتىڭ كوسەگەسىن كوگەرتتى

2016.08.08 16:29     كەلۋ قاينارى : شينجياڭ گازەتى

  شىلدە ايىنىڭ اياعى، اسپان اينالىپ جەرگە تۇسەردەي ىستىق، ءبىراق، بۇل قابا اۋدانىنداعى بەيقۇت ءۇي سالىپ، حالىقتى اۋقاتتاندىرۋ ينجەنەرياسى قۇرىلىسىنىڭ قادامىنا كەدەرگى كەلتىرە الماپتى، تۇس - تۇستان ەڭبەك دۋمانىنا بولەنگەن قۇرىلىس الاڭدارى كوزگە تۇسەدى. 31 - شىلدە كۇنى كولباي اۋىلىنىڭ بالتا قىستاعىنا بارعانىمدا، جولدىڭ ەكى جاعاسىنداعى قاز - قاتار قىزىل توبەلى، كوك قابىرعالى ۇيلەر كوزىمە وتتاي باسىلدى، بۇل قابا اۋدانىندا قارقىندى تۇردە جۇرگىزىلىپ جاتقان بەيقۇت ءۇي سالىپ، حالىقتى اۋقاتتاندىرۋ ينجەنەرياسىنىڭ ءبىر نىسانى، قازىرگە دەيىن، قىستاق بويىنشا 90 وتباسى جاڭا ۇيگە كوشىپ كىردى.

  قىستاق تۇرعىنى ۋاڭ جياڭلين سالدىرعان بەيقۇت ءۇيدىڭ قۇرىلىسى اياقتاۋ الدىندا تۇر. بيىل 49 جاستاعى ۋاڭ جياڭلين ەرتەرەك كەزدە كولىك اپاتىنان اياعىن كەستىرگەن مۇگەدەك جان ەدى، ەڭبەك قۋاتىنان مۇلدەم ايرىلعان. قىستاقتىڭ دالمە - ءدال سۇيەمەلدەۋ وبيەكتىسى رەتىندە، بيىل ول بەيقۇت ءۇي سالىپ، حالىقتى اۋقاتتاندىرۋ ينجەنەرياسىنىڭ ءتيىمدى ساياساتتارىنان يگىلىكتەنىپ، 50 شارشى مەترلىك جاڭا ءۇي سالدىردى. «ومىرىمدە وسىنداي جاقسى ۇيدە وتىرامىن دەپ كۇتپەگەن ەدىم، قازان ايىنىڭ اياعىنا قاراي كوشىپ كىرەمىن»، - دەدى ۋاڭ جياڭلين سالىنىپ جاتقان ۇيگە سۇيىنە قاراپ.

  جىل باسىنان بەرى، قابا اۋدانى بەيقۇت ءۇي سالىپ، حالىقتى اۋقاتتاندىرۋ ينجەنەرياسىن ماڭىزدى حالىق تۇرمىسى قىزمەتى رەتىندە مىقتى يگەرىپ، جوعارى باستاما، جوعارى جوبا، جوعارى ولشەم تالابى بويىنشا، اۋىل - قىستاقتاردىڭ ءوندىرىس، تۇرمىس شارت - جاعدايىن قۇلشىنا جاقسارتىپ، بەيقۇت ءۇي سالۋ مەن حالىقتى اۋقاتاندىرۋدىڭ قاتارلاس دامۋىن ىلگەرىلەتتى. 2011 - جىلدان 2015 - جىلعا دەيىن، وسى اۋداندا 5507 بەيقۇت ءۇي سالىندى. ۇعىسۋعا قاراعاندا، بيىل تاعى دا 380 بەيقۇت ءۇي سالىنادى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.