بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

توعىزتاراۋ اۋدانى ۇلتتار ىنتىماعىن نىعايىتتى

2016.11.07 13:39    

  توعىزتاراۋ قالاشىق گۇلدەن الەۋمەتتىك اۋماعىندا 3 مىڭ 15 وتباسى، 10 مىڭ 90 جان سانى بار، جەر اۋماعى 4.6 شارشى كيلومەتر كەلەدى. اۋماقتا حانزۋ، قازاق، ۇيعۇر، حۇيزۋ سىندى 13 ۇلت بۇقاراسى ارالاس قونىستانعان. مۇنداعى ءار ۇلت بۇقاراسى ءبىر – بىرىمەن ەتەنە قاتىناس ورناتىپ، تاتۋ -ءتاتتى سيلاستىقپەن تۇرمىس كەشىرۋدە. ءار ۇلت بۇقاراسىن ىنتىماقتى، بەرەكەلى بولۋعا جەتەلەپ، تاماشا قوعامدىق جاعداي جاراتۋعا كۇش سالعان گۇلدەن الەۋمەتتىك اۋماعى پارتيا ياچەيكاسى كۇندەلىكتى قىزمەت بارىسىندا ۇلتتار ىنتىماعىن نىعايتۋدى ماڭىزدى قىزمەت رەتىندە مىقتى يگەرىپ، ۇلتتار ىنتىماعى تاربيە تاسىلىندە جاڭالىق جاراتىپ، الۋان ءتۇرلى، باي مازمۇندى مادەنيەت قيمىلدارىن كوپتەپ وتكىزىپ، اۋماقتاعى ءار ۇلت بۇقاراسىنىڭ ارالاسۋىنا وراي جاراتتى.

  الەۋمەتتىك اۋماق پارتيا ياچەيكاسىنىڭ جەبەۋىمەن اۋماقتاعى ءار ۇلت حالقى ءوندىرىس جانە تۇرمىس بارىسىندا ءبىر –بىرىنە قارايلاسىپ تۇراتىن بولدى. اۋماقتاعى ەلەكترلى موتوتسيكل ساتۋمەن شۇعىلداناتىن چىن چۋان اۋماقتاعى جالعىز باستى انا ايىمگۇلدىڭ ۇساق – تۇيەك جۇمىس ىستەپ، ازداپ اقشا تاۋىپ، وتباسىن اسىرايتىندىعىن، تۇرمىستا قاتتى قينالىپ جۇرگەنىن بىلگەن سوڭ وعان ءۇش دوڭگەلەكتى موتوتسيكل تارتۋ ەتىپ، ونىڭ كوكونىس ساۋداسىمەن شۇعىلدانۋىنا كومەكتەسەدى. مۇنى كورىپ ايرىقشا اسەرلەنگەن ايىمگۇل جانىنداعى ازىن –اۋلاق اقشاسىن وعان اپارىپ، قازىرشە الا تۇرۋدى، قالعانىن كەيىن قايتارىپ بەرەتىندىگىن ايتادى. چىن چۋان اقشانى الۋدان باس تارتادى. ايىمگۇل چىن چۋان بەرگەن ءۇش دوڭگەلەكتى موتوتسيكلىمەن اۋىل – قىستاق بازارلارىنا بارىپ كوتەرمە ساۋدا ىستەپ تۇرمىس شارت - جاعدايىن بىرتىندەپ جاقسارتىپ، ۇكىمەتتىڭ ءتيىمدى ساياساتىنىڭ كومەگىندە بيىل جازدا 100 شارشى مەترلىق بەيقۇت ءۇي سالدى. ءۇي ءىشىن اشەكەيلەۋگە شاماسى كەلمەي وتىرعاندىعىن ەستىگەن چىن چۋان ايىمگۇلگە 20 مىڭ يۋان اقشانى قارىزعا بەرە تۇردى.

  ايىمگۇل: «چىن چۋان اعايعا العىستان باسقا ايتارىم جوق، قينالعانىمدا چىن چۋان اعاي مەنى ءوز قارىنداسىنداي كورىپ، كوپ كومەك كورسەتتى. وتباسى جاعدايىمىزدى ۇنەمى ۇعىسىپ، بالالارىمنىڭ وقۋىنا قارايلاسىپ تۇرادى. قوعامداعى ىزگى نيەتتى جاندارعا كوپ راقىمەت، ۇلتتار ىنتىماعىن كوز قاراشىعىمداي قورعايمىن، بالالارىمدى جاقسى تاربيەلەپ، قوعامعا ءوز ۇلەسىمدى قوسامىن»، – دەدى.

  چىن چۋان: «مەن دە كەزىندە كوپ قيىنشىلىق كورگەنمىن، ىزگى نيەتتى جانداردىڭ كومەگىندە ساۋدامەن اينالىسىپ، قيىنشىلىق قىسپاعىنان قۇتىلىپ ، قازىرگى كۇنىمە جەتتىم، ادام تابىسقا جەتكەندە وتكەن كۇندەرىن ۇمىتپاۋى كەرەك. قيىنشىلىعى بارلارعا كومەكتەسۋدى ءوز بورىشىم دەپ بىلەمىن، ۇلتتاردىڭ بەرەكە - بىرلىگى نىعايسا، قوعامنىڭ جاراسىمدىلىعى دا ارتا تۇسەدى. الداعى جەردە قيىنشىلىعى بار وتباسىلارعا كومەكتەسىپ تۇرامىن» ، - دەدى.

  سوڭعى جىلدارى توعىزتاراۋ اۋدانى ۇلتتار ىنتىماعىندا ۇلگىلى اۋدان قۇرۋدى ماقسات ەتىپ، ۇگىت تەبىنىن ارتتىرىپ، ۇلتتار ىنتىماعى تاربيەسىن كەڭىنەن ورىستەتىپ، ۇلتتار ىنتىماعى تاربيەسىن سەگىزگە ەنگىزۋ قيمىلى مەن كلەتكا ينجەنەرياسىن اتقارىپ، 2017- جىلى مەملەكەت دارەجەلى ۇلتتار ىنتىماعىندا ۇلگىلى اۋدان قۇرۋعا مىعىم نەگىز قالادى. زايرا ءابىلوقاس قىزى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.