قۇلجا اۋدانى اۋىل - قىستاق سەنىمدىلىك جۇيەسى قۇرىلىسىن ىلگەرلەتتى
سەنىمدى بولعان ديحاندار مۇنىڭ يگىلىگىن كوردى
2018.10.25 13:52 كەلۋ قاينارى : حالىق تورابى
قۇلجا اۋدانى — جۇڭگو حالىق بانكەسى تۇراقتاندىرعان اۋىل - قىستاق سەنىمدىلىك جۇيەسى قۇرىلىسى سىناق رايونى. سوڭعى جىلداردان بەرى، قۇلجا اۋدانى اۋىل - قىستاق سەنىمدىلىك جۇيەسى قۇرىلىسىن ىلگەرلەتىپ، جاسىل فينانستى دامىتتى، سەنىمدى بولعان ءبىر توپ ديحان مۇنىڭ يگىلىگىن بارىنشا كورىپ، سەنىمدىلىك ولارعا باقىتتى تۇرمىس سيلادى.
قۇلجا اۋدانى ونيار اۋىلى بولەكەي قىستاعىنداعى ارناۋلى باعىمشىلىقپەن شۇعىلداناتىن وتباسى ما يۇيليننىڭ باستاماشىلىعىنداعى يۇيلين تاۋىق باعاتىن ارناۋلى كوپەراتيۆىنىڭ اتى الىس - جاقىنعا ايگىلى، باعىمشىلىقپەن شۇعىلداناتىن شاعىن رايوننىڭ يەلەيتىن اۋماعى 60 مۋعا تايايدى، تاۋىق باعۋ فەرماسىنىڭ اۆتوماتتانعان ءوندىرىس لەنياسىندا كنوپكانى ساۋساقپەن اقىرىن باسسا بولعانى 10 مىڭنان استام ءۇي قۇسىن باعۋ جانە باپتاپ ءوسىرۋ جۇمىسى ءبىر ۋاقىتتا ىستەلەدى. قازىر كوپەراتيۆ جىلىنا 100 مىڭ تاۋىقتى قاتارعا قوسىپ، ءبىر مىڭ 800 توننا جۇمىرتقا ءوندىرىپ، جىلدىق كىرىسى ءبىر ميلليون يۋاننان اسادى. ما يۇيليننىڭ ايتۋىنشا ول 2011 - جىلى قۇلجا اۋداندىق اۋىل - قىستاق امانات - قارىز بىرلەسكەن كوپەراتيۆى جاعىنان «سەنىمدى حاريدار» بولىپ باعالانىپ، اتالعان كوپەراتيۆتەن 4 ميلليون يۋان قارىز اقشا الىپ، باعىمشىلىق كولەمىن كەڭەيتكەن. ول بىلاي دەدى: امانات - قارىز كووپەراتيۆى ماعان قارىز اقشا بەرگەننەن كەيىن، بۇرىن 5 جىلدا ىستەيتىن جۇمىستى ءبىر جىلدا تىندىردىم. قازىر امانات - قارىز كوپەراتيۆىنىڭ سەنىمدى حاريدارىنا اينالدىم، ءار جىلى ماعان تۇراقتى 700 مىڭ يۋان قارىز اقشا بەرەدى. «سەنىمدى حاريدار» دەگەن اتتىڭ الداعى ىستەرىمنىڭ ىلگەرى باسۋىنا پايداسى زور، حاريدارلارىم دا بارعان سايىن مولايدى، - دەدى.
ونيار اۋىلى ەدىلجۇز قىستاعىنىڭ تۇرعىنى ما جينكۇن بيىل دا «سەنىمدى حاريدار» بولىپ باعالاندى، ول قۇلجا اۋداندىق اۋىل - قىستاق امانات - قارىز كوپەراتيۆىنەن 350 مىڭ يۋان قارىز اقشا الىپ، 78 تۇياق سيىر ساتىپ الىپ بورداقىلادى. ما جينكۇن بىلاي دەدى: الداعى ۋاقىتتا سيىردىڭ سانىن 150 تۇياقتان 200 تۇياققا دەيىن كوبەيتپەكشىمىن، العان سەنىمدىلىگىم جوعارى، وسى جوسپارىمدى ورىنداۋ ءۇشىن تاعى قارىز اقشا الىپ 150 باس سيىرعا جەتكىزبەكشىمىن.
سوڭعى جىلداردان بەرى، قۇلجا اۋدانى سەنىمدى اۋىل - قالاشىق، سەنىمدى قىستاق، سەنىمدى حاريدارلاردى جارىققا شىعارۋ نەگىزىندە، سەنىمدى حاريدارلارعا قارىز اقشانى الدىمەن بەرۋ، بەرەتىن قارىز اقشا مولشەرىن كوبەيتۋ، ءوسىم جاعىنان تيىمدىلىك جاساۋ سياقتى شابىتتاندىرۋ شارالارىن اتقاردى. جۇڭگو حالىق بانكەسى قۇلجا اۋداندىق تارماق بانكەسىنىڭ باستىعى تاۋ ميڭ بىلاي دەدى: بيىل الدىڭعى جارىم جىلدا، اۋدان بويىنشا 67 مىڭ 6 حاريدار سەنىمدى حاريدار بولىپ باعالانىپ، ديحاندار جالپى سانىنىڭ %82.27ىن ۇستادى، بارلىق سەنىمدى قارىز الۋشىلارعا سەنىمدى قارىز اقشا بەرىپ، سەنىمدى قارىز اقشا سوماسى 2 ميلليارد 718 ميلليون يۋانعا جەتىپ، ديحانداردىڭ قارىز اقشا الۋى قيىنعا سوعۋ ماسەلەسى ءونىمدى باسەڭدەدى.
بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
