- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حاۋىپسىزدىك كودىنىڭ رولى نە؟
بۇل ماشينانىڭ ادامعا سۇراۋ قويۋى سىندى «تۋرين كەرى سىناعى» بولىپ، اتقارۋشىنىڭ ادام ياكي ماشينا ەكەنىن پارىقتاۋدا قولدانىلادى
2015.12.21 13:58 كەلۋ قاينارى : حالىق تورابى
حالىق تورابى، 20 – جەلتوقسان، بەيجيڭ. (نۇرعيسا) توراپتارعا تىزىمدەلۋ بارىسىندا حاۋىپسىزدىك كودىن (验证码) جازۋ باسقىشى بولاتىنىن بىلەمىز، ءبىراق، بۇل حاۋىپسىزدىك كودىنىڭ اتقاراتىن رولىن تۇسىنە بەرمەيمىز. كەيدە، پارىقتاۋ قيىن حاۋىپسىزدىك كودىنا جولىققاندا مازاسىزدانىپ، جۇيەنى جاساۋشىلاردىڭ نەگە مۇنشا كۇردەلىلەستىرىپ جىبەرگەنىنە نازالانامىز. جىل سوڭىندا عالامتوردان پويەز بەلەتىن ساتىپ الۋ بارىسىندا، جۇڭگو تەمىر جول قىزمەت وتەۋ ورتالىعىنىڭ 12306 تورابىندا پىشىندىك حاۋىپسىزدىك كود جۇيەسى بەلەت الۋشىلاردىڭ «عايباتىنا» ۇشىرادى. بەلەت الۋشىلار وسىنشا كۇردەلى حاۋىپسىزدىك كود جۇيەسىنىڭ، ءسىرا، نەلىكتەن قاجەت ەكەنىن تۇسىنە الماي دال بولدى.
اسىلىندە، حاۋىپسىزدىك كودىنىڭ ەڭ نەگىزگى ءمانى تور بەتىنە ءارىپ كىرگىزۋشىنىڭ ادام الدە اۆتوماتتى جۇمساق بولشەك ەكەنىن پارىقتاۋ. 12306 تورابىنىڭ حاۋىپسىزدىك كودىن الىپ ايتساق، ونىڭ «بىرتىندەپ دامۋ تاريحى» بەلەت الىپ ساتارلارى جانە بەلەتكە تالاسۋ جۇمساق بولشەكتەرىمەن «ايقاسۋ» تاريحى ەسەپتەلەدى، باستابىنداعى قاراپايىم ساندار مەن ارىپتەردەن، قوسۋ – الۋ امالىنان تارتىپ، جىلتىلداعان قۇبىلمالى ارىپتەرگە، كەدەرگى سىزىقتى قۇبىلمالى ارىپتەرگە دەيىن ... ساندار مەن ارىپتەردىڭ قۇراماسىن بەلەتكە تالاسۋ جۇمساق بولشەگى اۆتوماتتى سارالاۋ ارقىلى تاني الادى، بيىل 16 – ناۋرىزدان باستاپ، 12306 تورابى پىشىندىك حاۋىپسىزدىك كودىن ىسكە قوستى.
حاۋىپسىزدىك كودىنىڭ «بويىنان عىلىم ءيىسى اڭقىعان» اتاۋى بار، ول اتاۋ ــ «كومپيۋتەر مەن ادامزاتتى بۇكىلدەي اۆتوماتتى پارىقتاۋدىڭ تۋرين سىناعى» (قىسقاشا CAPTCHA) دەپ اتالادى. تۋرين سىناعى دەگەنىمىزدىڭ ادامزات قويعان سۇراقتارعا كومپيۋتەردىڭ جاۋاپ بەرۋى ارقىلى قارسى جاقتىڭ ادام ياكي ماشينا ەكەنىن پارىقتايتىن سىناق ەكەنىن بىلەمىز، ال حاۋىپسىزدىك كودى دەگەنىمىز، ماشينادان ادامعا سۇراق قويىلاتىن «كەرى تۋرين سىناعى» ەسەپتەلەدى.
كومپيۋتەر تەحنيكاسىنىڭ دامۋىنا ىلەسە، حاۋىپسىزدىك كودىن بارعان سايىن كۇردەلى ەتىپ جوبالاۋ ءسوزسىز باساتىن باعدارىمىز، بۇل ءبىر جاعىنان جاساندى زەرەك جۇيەنىڭ ۇزدىكسىز دامىپ كەلە جاتقانىن كورسەتەدى، پروگرامميستەر قازىر جۇيەنىڭ قۇپياسىن شەشۋشىلەرمەن سوڭعى مارەسى جوق «ءيتىس – تارتىسقا» تۇسۋدە. ستانفورد ۋنيۆەرسيتەتىنىڭ زەرتتەۋ ناتيجەسىنە قاراعاندا، جۋىرداعى ەكى جىلدان بەرى، ينتەرنەتتەگى حاۋىپسىزدىك كودىن پارىقتاۋ بارعان سايىن قيىنداسۋدا، ءارقايسى توراپتىڭ 1\5ىندەي پايدالانۋشىسى حاۋىپسىزدىك كودى كۇردەلى بولۋى سەبەپتى توراپ بەتىنەن شىعىپ كەتەدى.
الايدا، حاۋىپسىزدىك كودى بىرتىندەپ دامۋ بارىسىندا جاڭا قولدانىلىم مانىنە يە بولدى. ا ق ش كارنەگگە – مەلون ۋنيۆەرسيتەتىندەگى لۋيس ۆون ان قاتارلىلار reCAPTCHA جۇيەسىن جوبالاپ، حاۋىپسىزدىك كودىن ەنگىزۋ بارىسىن ەجەلگى كىتاپتاردى سيفرلاندىرۋعا پايدالاندى. ەجەلگى كىتاپتار سكانەرلەنگەننەن كەيىن، انىق پارىقتاۋ قيىن بولاتىن ارىپتەر پايدا بولادى، مۇنى ادام كۇشىمەن دۇرىستاپ شىعۋ وتە كوپ ەڭبەكتى قاجەت ەتەدى. كومپيۋتەر الدىنداعى جەكە ادام ءۇشىن حاۋىپسىزدىك كودىنا ىستەتىلگەن ارىپتەردى تانىپ شىعۋعا كەتكەن بىرنەشە سەكۋند تۇككە تۇرعىسىز بولعانىمەن، دۇنيە جۇزىندەگى ميلليونداعان توراپ پايدالانۋشىلار انىقتاعان ارىپتەردى جيناپ السا، ناتيجەسى قالاي بولادى؟
سونىمەن، reCAPTCHA جۇيەسى ىسكە جارادى، ەجەلگى كىتاپتارداعى پارىقتاۋعا قيىن ارىپتەردى حاۋىپسىزدىك كودى رەتىندە عالامتور پايدالانۋشىلارعا جىبەرىپ، پايدالانۋشىلار جىبەرگەن جاۋاپتار نەگىزىندە، كونە كىتاپتارداعى وشكىندەپ كەتكەن ارىپتەردى دۇرىس وقۋعا بولادى! وسىلاي ىستەگەندە، ءار رەتكى ادامدى مازالايتىن حاۋىپسىزدىك كودى سىناعى ادامزاتتىڭ بايىرعى كىتاپتاردى سيفرلاندىرۋىنا ۇلەس قوساتىن بولادى. كەيىن reCAPTCHA جۇيەسىن گۋگل ساتىپ الدى، گۋگل وسىنداي يدەيانى گۋگل كوشە كورىنىسىندەگى ەسىك نومەرىن پارىقتاۋعا پايدالاندى.
الايدا، بارعان سايىن كۇردەلىلەسە تۇسكەن حاۋىپسىزدىك كودى توراپتاستاردىڭ مازاسىن الدى. سونىمەن، گۋگل سەرىكتىگى قازىر حاۋىپسىزدىك كودىن «جويۋ» ينجەنەرياسىن اتقارۋ ۇستىندە.
بىلتىر جىل سوڭىندا گۋگل سەرىكتىگى شىت جاڭا حاۋىپسىزدىك كودىن پارىقتاۋ جۇيەسى «No Captcha reCAPTCHA» جۇيەسىن ىسكە قوسىپ، كۇردەلى حاۋىپسىزدىك كودىن تانۋ جۇيەسىن قاراپايىم قايتالاي تاڭداۋ كاتەكشەسىنە اۋىستىردى، بۇل جۇيەدە پايدالانۋشىلار «مەن قۇلتەمىر ەمەسپىن» دەگەن ءسوزدىڭ الدىنا دۇرىس بەلگىسىن قويسا بولعانى. شىنتۋايتىندا، پايدالانۋشىلاردىڭ ءتىنتۋىر كنۋپكاسىن باسۋ الدىنداعى ءتىنتۋىردىڭ قوزعالىس ىزىنە نەگىزدەلە وتىرىپ، گۋگل جۇيەسى ادام مەن ماشينانىڭ اراسىنداعى بولماشى ايىرماشىلىقتاردى پارىقتاي الادى.
بۇل جاڭا جۇيە پايدالانۋشىلاردىڭ IP ادىرىسىندەگى وزگەرىستەردى جيناقتاي وتىرىپ، وسى ساندى مالىمەتتەر نەگىزىندە پايدالانۋشىنىڭ ارەكەتى ينتەرنەتتەگى ارەكەت تاريحىمەن ۇقساس پا، جوق پا دەگەن وي جەلىسى بويىنشا، اتقارۋشىنىڭ ادام ياكي قۇلتەمىر ەكەنىن پارىقتاي الادى. الايدا، بۇل تۇردەگى «حاۋىپسىزدىك كودىن جويۋ» جۇيەسى پايدالانۋشىلاردىڭ جەكەلىك ينفورماتسياسىن اشكەرەلەۋ سىندى كۇمانمەن ايىپتاۋعا ۇشىراپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
