بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

مال ۇرىلارىنا قاتاڭ سوققى بەردى

2015.12.30 15:14    

  جۋىردا تەكەس اۋداندىق قوعام حاۋىپسىزدىگى مەكەمەسى 11 رەتكى مال ۇرلاۋ دەلوسىن ءساتتى بارلاپ انىقتاپ، ءبىر قىلمىس كۇماندىسىن قولعا ءتۇسىرىپ، دەلوعا ساياتىن قۇنى 150 مىڭ يۋاندىق مال - مۇلىكتى يەلەرىنە قايتارتىپ، بۇقارانىڭ ءتول مۇددەسى مەن قوعامنىڭ باياندى تىنىشتىعىن قورعاپ، حالىقتىڭ القاۋىنا بولەندى.

  بۇل دەلو تەكەس اۋداندىق قوعام حاۋىپسىزدىگى مەكەمەسىنىڭ «قىس مەزگىلىندە مال ۇرىلارىنا قاتاڭ سوققى بەرۋ» ارناۋلى قيمىلىن ورىستەتكەننەن بەرگى قىسقا عانا ۋاقىت ىشىندە بارلاپ انىقتاعان كولەمدى ۇرلىق دەلوسى.

  بيىل قاراشانىڭ سوڭىن الا اۋداندىق قوعام حاۋىپسىزدىگى مەكەمەسىنىڭ قىلمىستى ىستەر ۇلكەن اترەتى «قىس مەزگىلىندە مال ۇرىلارىنا سوققى بەرۋ» ارناۋلى قيمىلىن ورىستەتتى. وسى بارىستا قارادالا قالاشىعىنا قاراستى قاپسالاڭ مال شارۋاشىلىق قىستاعىنداعى تۇرعىندار ءبىر تۇندە قۇنى 40 مىڭ يۋاندىق 4 باس ءناسىلدى سيىردىڭ جوعالعاندىعى جونىندە دەلو مالىمدەيدى. دەلونىڭ تولىق ءمان - جايىنان حابار تاپقان ساقشىلار جەدەل اتتانىسقا كەلىپ، دەلونى بارلاپ انىقتاۋدىڭ جۇيەلى جوسپارىن جاساپ، ەكى توپقا ءبولىنىپ بارلاۋ قىزمەتىن جۇرگىزسە، ەندى ءبىر جاعىنان ءتۇيىندى جول اۋىزدارىنا توسقاۋىل قويىپ، تەكسەرۋ كولەمىن كەڭەيتەدى. سونداي - اق اۋدانعا قاراستى ءارقايسى اۋىل - قالاشىقتاردىڭ مال بازارلارىن قاداعالاي باقىلاپ، قىلمىس كۇماندىلارىنا ءىز قۋالاپ تەكسەرۋ جۇرگىزەدى. مال ۇرلانعان وڭىردەگى مالشىلار بىتىراڭقى قونىستانعاندىقتان، ۇرىلاردى قولعا ءتۇسىرۋ ءبىر مەزەت ساقشىلارعا زور قيىندىق تۋدىرادى. دەسە دە، ساقشىلار ءتۇرلى ءادىس - شارالاردى قولدانىپ، ورايدان ۇتىمدى پايدالانىپ، مال بازاردى ءتۇيىن ەتە وتىرىپ تەكسەرۋ جۇرگىزۋ ارقىلى اۋدان قالاشىعىنا قاراستى جەكسەنبىلىك مال بازاردا ءمالىم بىرەۋدىڭ سىيرلارىن باسقالاردان الدە قايدا تومەن باعادا ساۋدالاماق بولعان دەرەككە يە بولادى. ايتسە دە ساقشىلاردىڭ سوڭىنا تۇسكەنىن سەزگەن الگى كۇماندى ادام مالدى تاستاپ، ساقشىلاردى كوز جازدىرىپ، قاشىپ كەتەدى.

  سونىمەن ساقشىلار جەرگىلىكتى ورىنداعى بۇقارا قامداعان دەرەككە نەگىزدەلە وتىرىپ، الگى كۇدىكتى ادامنىڭ كۇندىز ۇيدەن شىقپايتىنىن، ال كەشتە زىم - زيا جوعالىپ كەتەتىنىن بىلگەننەن كەيىن ونى قىلمىس كۇماندىسى دەپ تولىق تۇراقتاندىرىپ، رەسمي قۋعىنداۋعا كىرىسەدى.

  وسى دەلوعا جاۋاپتى قىلمىستى ىستەر اترەتىنىڭ قىزمەتكەرى جانبولات تىلشىگە: «ءبىز مال بازارىن تەكسەرۋ بارىسىندا بىرەۋدىڭ مالىن بازار باعاسىنان الدەقايدا تومەن باعادا ساۋدالاماق بولعانىن بايقاعاننان كەيىن، ىشكەرىلەي تەكسەرۋ جۇرگىزىپ، ناقتى دالەل - ىسپاتتار نەگىزىندە قىلمىس كۇماندىسىن تۇراقتاندىردىق تا، دەرەۋ قۋعىنداۋ بۇيرىعىن شىعاردىق. وسىلايشا ساقشىلاردىڭ تىنباي قۇلشىنىس جاساۋىنىڭ ناتيجەسىندە ونى تاۋ ساعالاپ تاسالانىپ جۇرگەن جەرىنەن قولعا تۇسىردىك» دەدى.

  ۇعىسۋىمىزشا، مال ۇرلاۋ ارەكەتىمەن اينالىسقان بۇل قىلمىس كۇماندىسى 2013 - جىلدان 2015 - جىلعا دەيىن اتالعان اۋدانعا قاراستى قارادالا جىلقى فەرماسى، قارادالا قالاشىعىنىڭ قاپسالاڭ مالشىلىق قىستاعى جانە قاراجون مالشىلىق قىستاعى سياقتى جەرلەردە 11 رەت مال ۇرلاۋ دەلوسىن تۋدىرىپ، جالپى 18 باس ءىرىلى - ۇساقتى مال ۇرلاپ، جەرگىلىكتى بۇقاراعا 150 مىڭ يۋاندىق ەكونوميكالىق زيان تۋدىرعان، كەزەكتە بۇل دەلو ىشكەرىلەي تەكسەرىلۋدە.

  تەكەس اۋداندىق قوعام حاۋىپسىزدىگى مەكەمەسىنىڭ مال ۇرىلارىنا ارناۋلى سوققى بەرۋ قيمىلى ورىستەتىلگەننەن بەرى وسىنداي مال ۇرلىق دەلوسىنان 19 ىن انىقتاپ، 3 قىلمىس كۇماندىسىن قولعا ءتۇسىرىپ، 310 مىڭ يۋاندىق قۇنعا يە 28 باس سيىر، 4 تۇياق جىلقىنى يەلەرىنە قايتارىپ بەرىپ، ولاردىڭ ەكونوميكالىق زيانىنىڭ ورنىن تولتىرعان. تەكەس اۋداندىق قوعام حاۋىپسىزدىگى مەكەمەسىنىڭ مال ۇرىلارىنا قاتاڭ سوققى بەرۋ ارناۋلى قيمىلى الداعى جەردە ۇزدىكسىز جالعاسىن تاپپاق. ىرسالى سىلاميا ۇلى

  كەلۋ قاينارى: «شينجياڭ زاڭ جانە تۇرمىس گازەتى » - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.