بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

اعايىنعا ارتىق سەنىپ ...

مۇراتقان مۇقان ۇلى

2016.02.14 16:05     كەلۋ قاينارى : شينجياڭ گازەتى

  اكە بالادان قولحات الاتىن، ماسەلەنىڭ بارلىعى زاڭدى دالەل - سىپاتپەن شەشىم تاباتىن، ءارقانداي كەلىسپەستىكتىڭ بارلىعى زاڭ ارقىلى جونگە ءتۇسىپ جاتقان بۇگىنگى تاڭدا، بەيعامدىق، ساۋاتسىزدىق، زاڭنان حابارسىزدىق سەبەبىنەن اعايىن - دوستار ارا الىم - بەرىم ىستەرىندە قاعاز جۇزىندە جازباشا كەلىسىم جاسامايتىن، ال جازعان كۇندە دە جازعان قولحاتقا، توقتام مازمۇنىنا نەمقۇرايدى قارايتىن، باسقا تىلدە جازىلعان توقتام، قارىز قولحاتى سياقتى جازباشا سىپاتتارعا مازمۇنىن تۇسىنبەسە دە باتپيتىپ قولىن قويىپ، بارماعىن باسىپ، ارتىنان ورنى تولماس وكىنىش ارقالاپ جاتاتىندار جوق ەمەس. تومەندەگى دەلو مىسالى انە سونداي وكىنىشتەن بارماعىن تىستەگەن ازاماتتىڭ كەشىرمەسى.

  شونجى اۋدانى بانجيەگوۋ قالاشىعى بەلگىلى قىستاعىنىڭ تۇرعىنى كاسىپبەك (بالاما اتى) 2013 - جىلى شىلدەدە ۇلىنا موتوتسيكل الىپ بەرمەكشى بولىپ، جەكە كاسىپكەر ياڭ قوجايىننان ءبىر جىلدىڭ ىشىندە قايتارۋعا كەلىسىپ، 6000 يۋان قارىز الادى. كاسىپبەك ياڭ قوجايىن جازعان حانزۋشا قارىز الۋ قولحاتىنا قولىن قويىپ، بارماعىن باسادى.

  كەلەسى جىلى شىلدە ايىندا 6000 يۋان قارىزدىڭ قايتاراتىن ۋاقىتى تولعان سوڭ، ياڭ قوجايىن كاسىپبەكتى ىزدەپ بارادى. كاسىپبەك بەرە قوياتىن اقشاسى بولماعاندىقتان، 30 ەشكىسىن 6000 يۋانعا باعالاپ، ياڭ قوجايىنعا بەرەدى. ياڭ قوجايىن ەشكىنى اۆتوموبيلگە باسىپ العاننان كەيىن، «قولىڭدى قويعان قارىز قولحاتىڭدى الا كەلمەپپىن، مەنىمەن ىلەسىپ بارىپ ۇيدەن الىپ الاسىڭ با، جوق الدە ۇيگە بارعاندا، مەن جىرتىپ تاستايىن با؟» دەيدى. بۇرىننان الىم - بەرىم، بارىس - كەلىس جاساپ ارالاسىپ جۇرەتىن اعايىنىنا ەرەكشە سەنگەن كاسىپبەك «تانىمايتىن ادام ەمەسسىڭ، مەن بارىپ قايتەمىن، قولحاتتى سەن جىرتا سالساڭ بولدى - عوي» دەيدى. سونىمەن ياڭ قوجايىن اۆتوموبيلمەن جولىنا تۇسەدى.

  بىلتىر 20 - مامىر كۇنى كاسىپبەك شونجى اۋداندىق حالىق سوتى مەكەمەسىنىڭ شاقىرتۋ قاعازىن تاپسىرىپ الادى. شاقىرتۋ قاعازىنىڭ مازمۇنىندا، 2013 - جىلى 1 - شىلدە كۇنى ءوزىنىڭ شونجى اۋدانى بەلگىلى اۋىلىنداعى جەكە كاسىپكەر ياڭ قوجايىننان 6000 يۋان اقشا قارىز العانىن، قارىزدىڭ قايتاراتىن ۋاقىتى تولسا دا قازىرگە دەيىن قايتارماعاندىقتان، 6000 يۋاننىڭ ءوسىمى، قارىزىن قۋزاۋ ءۇشىن بىرنەشە رەتكى بارىپ كەلگەن قاتىناس كىرە اقىسى، ارىز - شاعىم اقىسىن قوسىپ، 10 مىڭ يۋانعا تاياۋ الاشاعى بارى، ياڭ قوجايىننىڭ حالىق سوتى مەكەمەسىنە ارىزدانعاندىعى ايتىلعان. انە - مىنە دەگەنشە سوت اشىلاتىن ۋاقىت تا كەلىپ جەتەدى. سوتتا سۋديا «جاۋاپكەر كاسىپبەك، سەن شونجى اۋدانى بەلگىلى اۋىلىنداعى جەكە كاسىپكەر ياڭ قوجايىننان 6000 يۋان العان قارىزىڭدى نەگە ۋاقىتىندا قايتارمادىڭ؟» دەيدى. كاسىپبەك ءوزىنىڭ 2013 - جىلى 1 - شىلدە كۇنى ۇلىنا موتوتسيكل الىپ، ياڭ قوجايىنعا 6000 يۋانعا قارىز قولحاتىن جازىپ بەرگەنىن، كەلەسى جىلى شىلدەدە 6000 يۋاننىڭ ورنىنا 30 ەشكى بەرىپ، قارىزدان قۇتىلعانىن ايتىپ زار قاقسايدى. ال ياڭ قوجايىن «مەن ساۋداگەرمىن، كاسىپبەكتىڭ ەشكىسىن بازار باعاسىندا ساتىپ العانمىن، بۇل قارىز قولحاتىمەن قاتىسسىز» دەپ بەت باقتىرمايدى، كاسىپبەك سوتتا باسقالاي دالەل - سىپات كورسەتە الماعاندىقتان، سوتتا جەڭىلىپ، بارلىق شىعىمدى تولەۋگە ءماجبۇر بولادى.

  سوت ۇكىمىن تاپسىرىپ العان كاسىپبەك ءوزىنىڭ اعايىنىنا ارتىق سەنگەن كوزسىزدىگىنە، زاڭدىق تانىمىنىڭ تايازدىعىنا، سول كەزدە ەڭ كەمىندە ياڭ قوجايىننىڭ قولىنان «6000 يۋانعا ەسەپتەپ 30 ەشكىنى الدىم» دەگەن مازمۇندا قاعاز جازدىرىپ الماعانىنا، نە بولماسا وعان ىلەسىپ بارىپ قارىز قولحاتىن جىرتىپ تاستاماعانىنا وكىنىپ، بارماعىن تىستەپ قالا بەردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.