قوعام حاۋىپسىزدىگى مينيسترلىگى كۇشىنەن قالعان تۇرعىندار ازاماتتىق كۋالىگىن توراپتا تەكسەرۋ قىزمەت وتەۋىنىڭ تەبىنىن ارتتىرادى
«مەن ءوزىممىن، ءوزىم بىتىرگەنمىن» دەگەن ماسەلە شەشىلمەك
«حالىق گازەتىنىڭ» ءتىلشىسى جاڭ سۇڭ
2019.10.17 15:32 كەلۋ قاينارى : حالىق تورابى
ازاماتتىق كۋالىك − بۇقارانىڭ كۇندەلىكتى تۇرمىسىندا ۇنەمى قولدانىلاتىن، ەڭ ماڭىزدى كۋالىك، ول دارالىق سيپات الادى. سوندىقتان، كوپتەگەن قىلمىستىلار باسقالاردىڭ ازاماتتىق كۋالىگىنە سۇعىن قاداپ، تۇرعىندار ازاماتتىق كۋالىگىن جالعاننان جاساۋ، ساۋدالاۋ سىندى زاڭعا قايشى قىلمىس ماسەلەلەرى ارت - ارتىنان جارىققا شىعۋدا. بۇدان تىس ازاماتتىق كۋالىك الباتى ىستەتىلەتىن، ءوزى بىلمەيتىن كاسىپكە ىلىگىپ قالاتىن، ءتىپتى بوتەن ادامدار جاعىنان «زاڭدىق يە» رەتىندە تىركەۋگە الىناتىن جاعدايلار بار، وسىنداي جايتتەردەن حابار تاپقاندا، ونى كۇشىنەن قالدىرۋدىڭ اۋرە – سارساڭى كوپ، وسىنداي ماسەلەلەردى قالاي شەشۋ كەرەك؟
ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، وسى تەكتەس ماسەلەلەرگە باعىتتاي وتىرىپ، قوعام حاۋىپسىزدىگى مينيسترلىگى كۇشىنەن قالعان تۇرعىندار ازاماتتىق كۋالىگىن توراپتا تەكسەرۋ قىزمەت وتەۋىنىڭ تەبىنىن ارتتىرىپ، كاسىپورىندار مەن بۇقارانى جەلىدە ءىس ءبىتىرۋ بۋىنىندا «مەن ءوزىممىن، ءوزىم بىتىرگەنمىن» دەگەن ماسەلەنى شەشەدى ەكەن.
تاياۋدا بەيجيڭدەگى ءبىر توراپ سەرىكتىگىندە قىزمەت ىستەيتىن ۋاڭ مىرزا قىزمەتتىڭ قاجەتى ءۇشىن جىلجىمالى تەلەفون كارتوچكاسىن بىتىرمەك بولعانىندا ءوزىنىڭ ازاماتتىق كۋالىگىمەن 5 دانا تەلەفون كارتوچكاسى بىتىرىلگەنىن، سان تولىپ كەتكەندىكتەن، ەندى كارتوچكا بىتىرۋگە بولمايتىنىن بايقايدى. ۋاڭ مىرزا وسى 5 تەلەفون كارتوچكاسىنان حابارسىز ەدى، ول تىزىمنەن ءوشىرۋ رەسمياتىن وتەمەك بولعاندا تويتارىسقا ۇشىرايدى، مۇنى كارتوچكانى تاراتقان سەرىكتىك ارقىلى عانا كۇشىنەن قالدىرۋعا بولادى ەكەن.
ۋاڭ مىرزا سياقتى مۇنداي ىسكە جولىققاندار از ەمەس. وسىدان بۇرىن شي - انداعى ۋاڭ حانىم جەكە تابىس باجىسىنا بايلانىستى APP دەتالىندا جەكەلىك ينفورماتسياسىن تولتىرعاندا، ءوزىنىڭ اتىندا 7 سەرىكتەستىك بار ەكەنىن، ال سەرىكتەستىكتىڭ تىزىمگە الدىرعان جەرى ءوزى بارىپ كورمەگەن شىنجىن قالاسى ەكەنىن بايقايدى. سودان ول ساقشى بولىمشەسىنە بارىپ دەلو تۇرعىزىپ، قايتارما قاعازدى العاننان كەيىن قالالىق باقىلاۋ تاراۋىنا بارىپ، ءتارتىپ بويىنشا بىتىرەدى، 3 كۇن ۋاقىت جۇمساپ، ۋاڭ حانىم تىزىمنەن ءوشىرۋ بارىسىن اياقتاتادى.
سالاۋاتى باسقالار جاعىنان پايدالانىلعان ادام جونىنەن الىپ ايتقاندا، ءبىر جاعىنان ءوزىنىڭ سالاۋاتىن دالەلدەۋ، تاعى ءبىر جاعىنان سالاۋات ينفورماتسياسىنىڭ باسقالار جاعىنان پايدالانىلىپ وتىرعانىن دالەلدەۋ كەرەك، بۇعان ءبىرسىپىرا اقشا جۇمسالادى. «ينفورماتسيا وقشاۋ ارالىن» تالقانداپ، كۇشىنەن قالعان تۇرعىندار ازاماتتىق كۋالىگىنىڭ ينفورماتسيا جۇيەسى مەن قوعامداعى ءارقايسى كۋالىك پايدالانۋ جۇيەسىنىڭ ءوزارا بايلانىس جاساۋىن كەشەۋىلدەتۋگە بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
