بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حايۋاناتتار ىندەتىنەن ساقتانۋ زاڭىنا جاڭا وزگەرىستەر ەنگىزىلدى، مىناداي وزگەرىستەرگە نازار اۋدارۋ كەرەك

2021.01.25 14:19     كەلۋ قاينارى : حالىق تورابى

  شينحۋا اگەنتتىگىنىڭ تىلشىلەرى گاۋ جيڭ، يۇي ۋىنجيڭ 1 – ايدىڭ 22 – كۇنى حابارلايدى. 1 – ايدىڭ 22 – كۇنى 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 25 – رەتكى ماجىلىسىندە جاڭادان وزگەرىس ەنگىزىلگەن حايۋاناتتار ىندەتىنەن ساقتانۋ زاڭى جونىندەگى قاۋلى ماقۇلداندى، 2021 – جىلى 5 – ايدىڭ 1 – كۇنىنەن باستاپ رەسمي اتقارىلادى.

  قانداي حايۋاناتتار ىندەتىنەن ساقتانۋ بۇل زاڭ كولەمىنە كىرەدى؟ زاڭدا بىلاي بەلگىلەنگەن: ءۇي جانۋارلارى مەن ءۇي قۇستارى جانە جاساندى جولمەن باعىلعان، اۋلانعان باسقا حايۋاناتتار بۇل زاڭ كولەمىنە كىرەدى. حايۋاناتتار ىندەتىنىڭ باعىمشىلىك كاسىبى ءوندىرىسى مەن ادامداردىڭ دەنساۋلىعىنا جەتكىزەتىن زالالىنا قاراي، زاڭدا حايۋاناتتار ىندەتى ءۇش تۇرگە بولىنگەن.

  حايۋاناتتار ىندەتىنەن ساقتانۋ قىزمەتىنىڭ ونىمدىلىگىنە كەپىلدىك ەتۋ ءۇشىن، زاڭدا مىنالار ورتاعا قويىلعان: مەملەكەت باعىمشىلىك كاسىبى ءوندىرىسى مەن ادامداردىڭ دەنساۋلىعىنا اۋىر زيان جەتكىزەتىن حايۋاناتتار ىندەتىنە بايلانىستى مىندەتتى يممۋنيتەتتىك شارا قولدانادى. حايۋاناتتاردى باققان ورىندار مەن جەكەلەر حايۋاناتتار ىندەتىنە قاتىستى مىندەتتى يممۋنيتەتتىك شارا قولدانۋ بورىشىن اتقارۋى كەرەك.

  ءيت — ادامزاتقا ەڭ جاقىن جۇرەتىن حايۋاناتتاردىڭ ءبىرى، قۇتىرىق اۋرۋى — تارالۋ مولشەرى ەرەكشە جوعارى اۋرۋ. ءيت باعۋدى باسقارۋدى اناعۇرلىم كۇشەيتۋ، ءيتتىڭ ادامدى قاۋىپ جارالاۋى، اۋرۋ تاراتۋىنان ساقتانۋ ءۇشىن، زاڭدا مىنالار ايقىن بەلگىلەنگەن: ورىندار مەن جەكەلەر ءيت باقسا، بەلگىلە بويىنشا مەرزىم سايىن قۇتىرىق اۋرۋىنىڭ ۆاكسيناسىن ەكتىرىپ وتىرۋى، حايۋاناتتارعا قاتىستى ەمدەۋ قۇرىلىمدارى بەرگەن يممۋنيتەت ىسپاتى ارقىلى ءيت باعۋ ءىسىن تىركەۋگە الۋ ورگاندارىنا بارىپ، ءوتىنىش تاپسىرىپ، تىركەۋگە الدىرۋى كەرەك. ءيتتى جەتەكتەپ سىرتقا شىققاندا، بەلگىلەمە بويىنشا يتكە تاراتىلعان بەلگىنى تاعۋ ءارى ءيتتى جىپپەن بايلاپ ۇستاۋ سياقتى شارالاردى قولدانۋ، ءيتتىڭ ادامدى قابۋىنان، ىندەت تاراتۋىنان ساقتانۋ قاجەت.

  كوشەلەردەگى قاڭعىپ جۇرگەن يەسىز ءيت، مىسقتار جونىندە دە زاڭدا بەلگىلەمە شىعارىلعان. زاڭدا مىناداي بەلگىلەنگەن: ءمالى باسقارمالارى، اۋىل دارەجەلى حالىق ۇكىمەتتەرى تۇرعىندار كوميتەتىن، قىستاق كوميتەتىن ۇيىمداستىرىپ، سايكەستىرىپ، قاراستىلىعىنداعى وڭىرلەردەگى يەسىز يتتەر مەن مىسىقتاردى مەڭگەرۋدى جانە ءبىرجاقتىلى ەتۋدى ويداعىداي ىستەۋى ىندەتتىڭ تارالۋىنان ساقتانۋى كەرەك.

  جابايى حايۋاناتتار ىندەتىنەن ساقتانۋ - تىزگىندەۋ وتە ماڭىزدى. قاتىستى كارەنتيندەۋ بەلگىلەمەلەرىنىڭ جەتەرسىز بولۋى قازىرگى جابايى حايۋاناتتاردان تارالاتىن ىندەتتەردەن ساقتانۋ – تىزگىندەۋ قىزمەتىندەگى ولقىلىق.

  بۇل جونىندە، زاڭدا مىنالار ايقىن بەلگىلەنگەن: مەملەكەتتىك كەڭەستىڭ اۋىل شارۋاشىلىعى جانە اۋىل – قىستاق قىزمەتىن باسقارۋ تاراۋلارى مەملەكەتتىك كەڭەستىڭ جابايى حايۋاناتتاردى قورعاۋ ىستەرىن باسقارۋ تاراۋلارىمەن بىرگە جابايى حايۋاناتتارعا قاتىستى ىندەتتەردەن ساقتانۋدا كارەنتيندەۋ ءادىسىن بەلگىلەۋى كەرەك.

  زاڭدا مىنالار دا بەلگىلەندى: عىلىمي زەرتتەۋ، ءدارى – دارمەك رەتىندە پايدالانۋ، كورسەتۋ قاتارلى ەرەكشە جاعدايلاردا جابايى حايۋاناتتاردى ازىقتىق ەتۋدەن باسقا ماقساتتا پايدالانعاندا، مەملەكەتتىڭ قاتىستى بەلگىلەمەلەرى بويىنشا حايۋاناتتاردىڭ دەنساۋلىعىن باقىلاۋ قۇرىلىمدارىنىڭ كارەنتيندەۋىنە جولداۋ كەرەك، كارەنتيندەۋدە تولىمدى بولعان جاعدايدا پايدالانۋعا بولادى. جاساندى جولمەن اۋلانعان جابايى حايۋاناتتارعا مەملەكەتتىڭ قاتىستى بەلگىلەمەلەرى بويىنشا، اۋلاعان جەردەگى حايۋاناتتاردىڭ دەنساۋلىعىن تەكسەرۋ قۇرىلىمدارىنىڭ كارەنتيندەۋىنە بەرۋ، كارەنتيندەۋدە تولىمدى بولعاندارىن باعۋعا، تيجارات ەتۋگە جانە تاسىمالداۋعا بولادى.

  مۇنان سىرت، زاڭدا اۋرىپ ولگەن حايۋاناتتار مەن ىندەتكە شالدىققان حايۋاناتتاردىڭ دەنەسىنەن جاسالعان بۇيىمداردى زالالسىزداندىرىپ ءبىرجاقتىلى ەتۋ جونىندە ايقىن بەلگىلەمە شىعارىلعان، كاسىپتىك مال شيپاگەرى تولىمدىلىعى ەمتيحانىنا قاتىناسۋىنا بولاتىنداردىڭ كولەمىن بەلگىلەگەن ءارى كاسىپتىك مال دارىگەرى، اۋىل – قىستاق مال دارىگەرى جانە حايۋاناتتاردى ەمدەۋ قۇرىلىمدارى قاتارلىلاردى حايۋاناتتار ىندەتىنەن ساقتانۋدى ورىستەتۋگە، حايۋاناتتار ىندەتىنەن ساقتانۋ قىزمەتىمەن قامداۋعا شابىتتاندىرعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن