بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

قاراتاي اۋىلىنا قۋانىشپەن اتتاندى

2014.12.25 13:21    

  «ىلە كەشى» گازەتىنىڭ ۇستەگى جىلى جەلتوقساننىڭ 6 – كۇنگى سانىنىڭ 2 – بەتىندە جاريالانعان «قاراتاي كومەككە مۇقتاج» اتتى حاباردا وبلىستىق جۇڭگوشا ەمدەۋ شيپاحاناسىنىڭ سۇيەك اۋرۋلار بولىمىندە ەمدەلىپ جاتقان كۇنەس اۋدانى زەكتى قالاشىعى تەمىرلىك قىستاعىنىڭ تۇرعىنى قاراتاي شوشانا ۇلىنىڭ بەلدەمە سۇيەگىن وپەراتسيا جاساتۋعا اقشاسى جەتپەي قيىنشىلىقتا قالعانىن، وسى بايلانىسپەن شيپاحانانىڭ سۇيەك اۋرۋلار بولىمىندەگى شيپاگەرلەر، «اق ەدىل» مەيىربان انالار قوعامى، ىلە «التىن جاپىراق» ساۋدا سەرىكتىگى جانە شيپاحانادا ەمدەلىپ جاتقان ناۋقاستاردان قۇرالعان ورىندار مەن جەكەلەردىڭ قاراتايعا بەلسەنە جىلۋ اتاعاندىعى حابارلانعان ەدى. حابار گازەتتە جاريالانىسىمەن قوعامدا كۇشتى اڭىس قوزعادى. گازەت حابارىن كورگەن توعىزتاراۋ اۋدانى كولدەنەڭ قالاشىعى ورتا مەكتەبىنىڭ تىرەكتى مۋزىكا وقىتۋشىسى، كومپارتيا مۇشەسى ءارى وسى مەكتەپتەگى «مەيىربان انالار» قوعامىن ۇيىمداستىرۋشى ءناديرا بولات قىزى ۇستەگى جىلى جەلتوقساننىڭ 11 – كۇنى رەداكسيامىزعا، قاراتاي شوشانا ۇلىنا ارنايى تەلەفون سوعىپ، جاعداي ۇعىسۋمەن بىرگە، سوناۋ شالعايدان اۆتوكولىكپەن قۇلجا قالاسىنا كەلىپ قاراتايدىڭ كوڭىلىن سۇرادى ءارى ءوزى ۇيىمداستىرعان مەيىربان انالار قوعامى مۇشەلەرىنەن توپتالعان 700 يۋان اقشانى قاراتايدىڭ قولىنا ۇستاتتى. جاعداي ءبىرشاما وڭىنا باسقانىمەن، قاراتايدىڭ وپەراتسيا جاساتۋىنا ونىڭ وزىندە بار 10 مىڭ يۋان اقشانى قوسپاعاندا تاعى 8 مىڭ يۋان قاراجات قاجەت بولعان – دى. قاراتايدىڭ قيىنشىلىعىن ەسكەرگەن شيپاحانا ۇيىمى وسى رەتكى وپەراتسياعا قاجەتتى بۇل شىعىمدى دا كەشىرىم ەتتى. ىلە - شالا اۆتونوميالى رايوندىق 2 – حالىق شيپاحاناسىنان ارنايى ۇسىنىس ەتىلگەن سۇيەك اۋرۋلار مامانىنىڭ جەتەكشىلىگىندە قاراتايدىڭ بەلدەمەسىنە ءساتتى وپەراتسيا جاسالدى. وپەراتسيا جاسالىپ ەكى كۇن وتكەسىن قاراتايدىڭ بەلدەمە سۇيەگىنىڭ قاقساپ اۋىرعانى توقتاپ، جانى راقات تاپتى. قاراتاي 45 كۇن شيپاحاناعا جاتىپ ەمدەلۋ بارىسىندا كوپتەگەن ىزگى نيەتتى جاندار مەن ۇيىمدار ونىڭ قيىنشىلىعىنا كومەكتەستى. وسى شيپاحانانىڭ سۇيەك اۋرۋلار بولىمىندەگى باس ۋراچ، تىرەكتى شيپاگەر جاڭانۇر زەكەن ۇلى شيپاحانا اسحاناسىنان تاماق الىپ ىشەتىن كارتۋچكاسىن قاراتايعا بەرگەندىكتەن، وسى ءبىر ايدان استام ۋاقىتتا ولار تاماقتان تارىقپادى، تاعى بىرەۋلەر قاراتايعا قارايلاسىپ جۇرگەن نۇرتايعا كورپە اكەلىپ بەردى.

  قاراتايدىڭ كوزى اشىلدى، دەسەدە، ول جەلتوقساننىڭ 16 - كۇنى شيپاحانادان شىعىپ، اۋىلىنا اتتاناردا قالتاسىندا نە بارى 100 يۋان عانا قالعان ەدى. اۋىلعا قالاي قايتۋ كەرەك؟ ونىڭ ۇستىنە، قاراتايدىڭ بەلدەمەسىنە وپەراتسيا جاسالعاندىقتان، قاراتايدىڭ قيىنشىلىعىن ەسكەرگەن شيپاحانانىڭ سۇيەك اۋرۋلار بولىمىندەگى شيپاگەر - سەسترالار تۇس - تۇستان جىلۋ اتاپ، جالپى 900 يۋان اقشانى قاراتايعا بەردى. اقىرىندا ولار 850 يۋانعا ارنايى جابدىقتالعان «120» ءنومىرلى قۇتقارۋ اۆتوموبيلىن مايعا الىپ، جەلتوقساننىڭ 16 - كۇنى تۇستەن كەيىن اۋىلىنا ۇلكەن قۋانىشپەن اتتاندى.

  قاراتاي اتتاناردا كوزىنە ىستىق جاس الىپ: وزىنە قول ۇشىن بەرگەن ىزگى نيەتتى جاندار مەن ورىندارعا شىنايى بورىشتار ەكەنىن، پارتيانىڭ دانا باسشىلىعىندا ەمدەۋ ىستەرىن ءونىمدى وركەندەتىپ، اجالعا اراشاشى، اۋرۋعا مەدەتكەر بولىپ وتىرعان شيپاحانا ۇيىمىنا، وتە - موتە، وسى شيپاحانانىڭ سۇيەك اۋرۋلار ءبولىمىنىڭ مەڭگەرۋشىسى جاڭاگۇل اسەن قىزى باستاعان بارلىق شيپاگەر - سەسترالارعا ۇلكەن العىس ايتتى. ۇعىسۋىمىزشا، ۇيىم جاعىنان ەڭ تومەنگى تۇرمىسى قامتاماسىزداندىرىلاتىن وتباسى بولىپ، بەلگىلەنگەن قاراتايدىڭ وتباسىندا ءدال قازىر جاعارعا وتىن، تاماق ىستەرگە ۇن دا قالماعان. ونىڭ ۇستىنە، قاراتاي وتباسىنداعىلار قازىرگە دەيىن باسقالاردىڭ ۇيىندە وتىرىپ كۇنەلتىپ كەلەدى. ءبىز كۇنەس اۋدانىنداعى قاتىستى ورىندار مەن حالىق ىستەرى تاراۋلارىنىڭ قاراتاي وتباسىنىڭ كوزالداعى قيىنشىلىعىنا كومەكتەسىپ، ولاردىڭ تۇرمىسىن قامتاماسىز ەتۋىن، كەلەر جىلى ونىڭ بەيقۇت ءۇي سالۋىنا شىنايى قول ۇشىن بەرۋىن ءۇمىت ەتەمىز. اقىلباي مۇقامەتالي ۇلى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.