بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

شيزاڭ 13-بەسجىلدىق جوسپار كەزىندە سالماقتى اۋرۋعا شالدىققانداردى شيزاڭنىڭ وزىندە ەمدەپ جازۋعا كۇش سالادى

2016.02.14 15:48     كەلۋ قاينارى : ءتاڭىرتاۋ تورابى

  شيزاڭ اۆتونوميالى رايوندىق دەنساۋلىق ساقتاۋ-جوسپارلى تۋىت كوميتەتىنىڭ مەڭگەرۋشىسى پۋبۋ جوما جۋىردا بىلاي دەدى: 12-بەسجىلدىق جوسپار كەزىندە شيزاڭنىڭ دەنساۋلىق ساقتاۋ-جوسپارلى تۋىت ىستەرى قارىشتاپ دامىپ، ءار ۇلت بۇقاراسى كوپ تيىمدىلىككە كەنەلىپ، اقاۋسىزدىق ورەسى كورنەكتى جوعارىلاعان كەزەڭ بولدى. شيزاڭ 12-بەسجىلدىق جوسپار كەزىندە 5 تۇردەگى ءتۇيىندى جانە 12 تۇردەگى نەگىزدىك الەۋمەتتىك دەنساۋلىق ساقتاۋعا قىزمەت وتەۋ نىساندارىن، سونداي-اق قالا-اۋىل تۇرعىندارى مەن ىشتاتتاعى شايقى، بۇبىلەردىڭ دەنساۋلىعىن اقىسىز تەكسەرۋ، تۋما جۇرەك اۋرۋى بار وسپىرىمدەر مەن شەل اۋرۋىنا شالدىققانداردى اقىسىز ەمدەۋدەي حالىققا تيىمدى ينجەنەريا اتقارىپ، الەۋمەتتىك دەنساۋلىق ساقتاۋعا قىزمەت وتەۋدى تەڭەستىرۋ ورەسى ۇزدىكسىز جوعارىلادى.

  ول تاعى بىلاي دەدى: ەمدەۋ-دەنساۋلىق ساقتاۋعا قىزمەت وتەۋ قۇرىلعىلارىنىڭ شارت-جاعدايى تۇبەگەيلى جاقسارىپ، قالالار مەن اۋىلداردى شاپىعان دەنساۋلىق ساقتاۋ-جوسپارلى تۋىتقا قىزمەت وتەۋ جۇيەسى نەگىزىنەن قۇرىلدى. ءار دارەجەلى ەمدەۋ قۇرىلىمدارى دوحتىرحانالاردى باسقارۋدى كۇشەيتىپ، ەمدەۋگە قىزمەت وتەۋ ساپاسىن جاقسارتتى، دوحتىرحانادا جۇعىمدالۋدىڭ الدىن الۋ، باكتەرياعا قارسى دارىلەردى باسقارۋداي وزەكتى باسقارۋ ءتۇزىمىن قاتاڭ تياناقتاندىردى. ءتاج ارتەرياسىن كەسكىندەۋ، توق ىشەك بەزى ىراگىن قۇرساق قۋىسىن كەسكىندەۋ ايناسىنا سۇيەنە وتىرىپ تۇبەگەيلى ەمدەۋدەي تىڭ تاسىلدەر قولدانىپ، قيىن-سالماقتى اۋرۋلاردى ەمدەۋ قۋاتى كورنەكتى كۇشەيدى. مۇنان سىرت، تۇتاس رايوننىڭ اۋدان، اۋىل، قىستاق دارەجەلى ەمدەۋ-دەنساۋلىق ساقتاۋ قۇرىلىمدارى مەملەكەتتىڭ نەگىزدىك ءدارى-دارمەك ءتۇزىمىن اتقارىپ، ءدارى-دارمەك قوسىمشا اقىسىن كۇشىنەن قالدىرىپ، بۇقارانىڭ اۋىرتپالىعىن جەڭىلدەتتى.

  شيزاڭ اۆتونوميالى رايوندىق دەنساۋلىق ساقتاۋ-جوسپارلى تۋىت كوميتەتى 13-بەسجىلدىق جوسپار كەزىندە اقاۋسىز شيزاڭ قۇرىلىسىن تۇبەگەيلى جەبەپ، ەمدەۋ-دەنساۋلىق ساقتاۋ ءتۇزىلىسى رەفورماسىن جالپى بەتتىك ىشكەرىلەتەدى، ەمدەۋ مەن جوسپارلى تۋىتقا قىزمەت وتەۋ جۇيەسىن بارىنشا كەمەلدەندىرىپ، دەنساۋلىق ساقتاۋ دارىندىلارى قۇرىلىسىن كورنەكتى كۇشەيتىپ، دەنساۋلىق ساقتاۋ مەن جوسپارلى تۋىتقا قىزمەت وتەۋ قۋاتىن ارتتىرادى، «دوحتىر جەتىسپەۋ، ءدارى-دارمەك تاپشى بولۋ» ءجايىتىن قۇلشىنا وڭاپ، سالماقتى اۋرۋعا شالدىققانداردى شيزاڭنىڭ وزىندە ەمدەۋگە كۇش سالىپ، ءار ۇلت بۇقاراسىنىڭ دەنساۋلىعىن كۇشەيتۋگە، اۋىرعانداردىڭ ويداعىداي ەمدەلۋىنە شارت-جاعداي جاراتادى.

  شيزاڭ 13-بەسجىلدىق جوسپار كەزىندە نەگىزگى ساتىداعىلارعا زاڭزۋشا ءدارى-دارمەكتەرمەن قىزمەت وتەۋ جۇيەسىن كەمەلدەندىرىپ، اۋداندىق زاڭزۋشا شيپاحانالاردى ايىرىم قۇرادى؛ نەگىزگى ساتىلاردىڭ زاڭزۋشا ەم-دوم مەن باتىس ەمشىلىگىن ۇشتاستىرىپ قىزمەت وتەۋ قۋاتىن ارتتىرادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.