2016 – جىلعى تۇڭعىش كەزەكتى «ءبىر بەلدەۋ، ءبىر جول» اياسىنداعى جۇڭگو – تۇركيا كيىم – كەشەك كاسىبىن دامىتۋ تانىستىرۋ جينالىسى ۇرىمجىدە اشىلدى

2016.10.27 14:16   كەلۋ قاينارى : حالىق تورابى

　　حالىق تورابى، 27 – قازان، بەيجيڭ. 25 – قازان تۇستەن بۇرىن، تۇڭعىش كەزەكتى «ءبىر بەلدەۋ، ءبىر جول» اياسىنداعى جۇڭگو – تۇركيا كيىم – كەشەك كاسىبىن دامىتۋ تانىستىرۋ جينالىسى ۇرىمجىدە اشىلدى. تانىستىرۋ جينالىسىنىڭ اشىلۋ سالتىندا، جۇڭگو شەتەل ساۋداگەرلەرى قارجىلاندىرعان كاسىپورىندار قوعامىنىڭ باستىعى، جىبەك جولى − شينتياندي سەرىكتىگىنىڭ القا باستىعى سابي بوعدا قۇتتىقتاۋ ءسوزىن سويلەدى.

　　شينجيڭ ۇيعۇر اۆتونوميالى رايوندىق سىرتقى ىستەر كەڭسەسى مەڭگەرۋشىسىنىڭ ورىنباسارى چاڭ يان تانىستىرۋ جينالىسىنا قاتىناستى.

　　سول كۇنى تۇستەن كەيىن ەكى جاقتىڭ ءىرى تيپتەگى كيىم – كەشەك مانەرلەۋ ەكسپورت – يمپورت ەتۋشى كاسىپورىندارى كيىم – كەشەك ەكسپورت – يمپورت ەتۋ جونىندەگى 10 ءتۇرلى ساۋدا توقتامىنا قول قويىسىپ، توقتام سوماسى 50 ميلليون يۋانعا جەتتى.

　　كەلۋ قاينارى: حالىق تورابى