«2.5 كۇندىك دەمالىستى» تياناقتاندىرۋدا ءتورت وتكەلدەن ءوتۋ كەرەك
2019.07.04 13:21 كەلۋ قاينارى : حالىق تورابى
«2.5 كۇندىك دەمالىس» ءتۇزىمىن جاپپاي اتقارىپ، ونى ەلىمىز تۇرعىندارىنىڭ كوپ ساندىسى شىنايى يگىلىكتەنە الاتىن ءتۇزىم ەتىپ، ەڭبەكشىلەردىڭ كوكەيىندە بۇعان تولىق سەنىم ۇيالاتۋدىڭ تەتىگى، ءسوزسىز، ونى تياناقتاندىرۋ مەن اتقارۋ قۋاتىن جوعارىلاتۋ جاعىندا كۇش سالۋدا بولىپ تابىلادى. مەملەكەتتىڭ جوعارى ساتىداعى تۇزىمدىك جوباسى مەن ساياساتتىق شارالارىن كەمەلدەندىرىپ، جەرگىلىكتى ورىندار مەن كەيبىر جۇمىسكەر ىستەتۋشىلەردىڭ ءتۇزىمنىڭ كەمەلدەنبەگەن تۇسىنان پايدالانىپ، اتقارماي قويۋى مەن اتقارۋدا سولقىلداقتىق تانىتۋىنىڭ الدىن الۋ، اتالعان ءتۇزىمنىڭ كەيبىر ەرەكشە توپتار عانا «يگىلىگىن كورەتىن» تۇزىمگە اينالىپ قالۋىنىڭ الدىن الۋ كەرەك.
جياڭسۋ ولكەلىك پارتكوم كەڭسە مەڭگەرمەسى جۋىردا «تۇتىنۋ ءتۇزىلىسى مەحانيزمىن كەمەلدەندىرىپ جانە ىلگەرىلەتىپ، تۇرعىنداردىڭ تۇتىنۋ جاعىنداعى كومەسكى قۋاتىنا دەم بەرۋ جونىندەگى اتقارىلاتىن پىكىردى» باسىپ تاراتتى، اتالعان قۇجاتتىڭ ساياساتتىق قولداۋ كورسەتۋ بولەگىندە: «قاربالاس ەمەس كەزدە دەمالۋ مەن قىزمەت پەن دەمالىستى يكەمدى ورنالاستىرۋعا شابىتتاندىرىپ، شارت – جاعدايى بار وڭىرلەردە ‹2.5 كۇندىك دەمالىس› بەرۋ سىندى ساياساتتىق شارالاردى اتقارۋ جونىندە ىزدەنىس جاساۋ كەرەك» دەلىنگەن.
تولىقسىز ساناققا قاراعاندا، مەملەكەتىمىز 2015 – جىلى قاتىستى ساياساتتى ورتاعا قويىپ، جەرگىلىكتى ورىنداردى ءىس جۇزىندىك جاعدايعا قاراي وتىرىپ، يكەمدى تۇردە دەمالىس بەرۋ ساياساتىن اتقارۋعا شابىتتاندىرعاننان بەرى، قازىرگە دەيىن حىبەي، جياڭسۋ، شانشي، چۇڭچيڭ، جىجياڭ، گۋاڭدۇڭ قاتارلى ون نەشە ولكە دارەجەلى ورىن قاتىستى قۇجاتتاردى شىعارىپ، جەرگىلىكتى ورىنداردى «2.5 كۇندىك دەمالىس» ءتۇزىمىن اتقارۋعا شابىتتاندىرعان. ءار جولى «بەلگىلى ورىن ‹2.5 كۇندىك دەمالىس› ءتۇزىمىن اتقارۋ جونىندە ىزدەنىس جاساۋعا شابىتتاندىردى» دەگەن حابار جاريالانىسىمەن، بۇل ىزدەۋ توراپتارىنداعى ەڭ كوپ ىزدەلەتىن مازمۇنعا اينالادى، مىنە، وسىدان الەۋمەتتىڭ «2.5 كۇندىك دەمالىس» تۇزىمىنە قانشالىق نازار اۋدارىپ وتىرعانىن كورۋگە ابدەن بولادى. كوپتەگەن ادامدار «2.5 كۇندىك دەمالىس» ءتۇزىمى اتقارىلاتىن كۇن الىس ەمەس دەپ قارايدى.
جيناقتاپ ايتقاندا، «2.5 كۇندىك دەمالىس» ءتۇزىمىن بۇكىل ەلىمىز كولەمىندە ءونىمدى جالپىلاستىرىپ، ەلىمىز تۇرعىندارىنىڭ كوبى يگىلىكتەنە الاتىن تۇزىمگە اينالدىرۋ ءۇشىن ءالى دە مىناداي بىرنەشە «وتكەلدەن» ءوتۋ كەرەك.
بىرىنشىدەن، ءتۇزىم ارقىلى قۋاتتى جەتەكشىلىك ەتۋ «وتكەلى». قازىر اتقارىلۋ جاعدايىنىڭ قانشالىق دەڭگەيدە ەكەنىن ايتپاعان كۇننىڭ وزىندە، تەك ون نەشە ولكە عانا «2.5 كۇندىك دەمالىس» ءتۇزىمىن اتقارۋعا شابىتتاندىرۋ جونىندە قۇجات شىعارعان، 2015 – جىلى ەلىمىز «ساياحات جاعىنداعى قارجىلاندىرۋ مەن تۇتىنۋدى اناعۇرلىم ىلگەرىلەتۋ جونىندەگى ءبىرقىدىرۋ پىكىردى» شىعارىپ، «2.5 كۇندىك دەمالىس» ءتۇزىمىن العاش رەت ورتاعا قويعان كەزدەگىمەن سالىستىرعاندا، قازىر بەلسەندى تۇردە ىلگەرىلەتكەن جەرلەردىڭ سانى بارعان سايىن مولايعانىمەن، جالپى جاقتان ايتقاندا، سانى ءالى دە از.
ول كەزدە ەلىمىز بۇل ءتۇزىمدى ورتاعا قويعاندا، نەگىزىنەن «شابىتتاندىرۋ» ءتاسىلىن پايدالانعان، جەرگىلىكتى ورىنداردىڭ ءىس جۇزىندىك جاعدايىنا قاراي وتىرىپ تياناقتاندىرۋىنا رۇقسات بەرگەن، ايقىن دا ءماجبۇرلى تۇردە اتقارۋ قۋاتى كەمشىل بولعان. «2.5 كۇندىك دەمالىس» ءتۇزىمىن بۇكىل مەملەكەتتىك سىناق تۇيىندەرىنەن بۇكىل ەلىمىزگە جالپىلاستىرىلاتىن ساياسات جانە بۇكىل ەل حالقى يگىلىكتەنەتىن تۇزىمگە اينالدىرۋ ءۇشىن، مەملەكەتتىك ءتۇزىم دەڭگەيىندە، بۇل ءتۇزىم جونىندە اناعۇرلىم ايقىن تالاپتاردى ورتاعا قويۋ قاجەت،
ەكىنشىدەن، قوعامنىڭ ءار سالاسىنداعىلاردىڭ ورتاق تانىمعا كەلۋى سىندى «وتكەل». جالپى تۇلعالىق جاقتان ايتقاندا، «2.5 كۇندىك دەمالىس» بارعان سايىن الەۋمەتتىڭ قارسى الۋىنا يە بولىپ، اناعۇرلىم كوپ جەرلەر تۇيىندە سىناق ەتۋدى باستاپ كەتكەنىمەن، قازىر بۇل ءتۇزىم جونىندە ءالى دە تالاس – تارتىس ساقتالىپ وتىر. ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ ساناعىنا قاراعاندا، قازىر ەڭبەكاقى تولەنەتىن دەمالىستى تياناقتاندىرۋ مولشەرى شامامەن %50 اينالاسىندا.
كەيبىرەۋلەر مۇنداي جاعدايدا قاتاڭ تالاپ ەتىلمەيتىن يگىلىك تۇرىندەگى دەمالىس ساياساتىن شىعارعاننان گورى، زاڭدا ايقىن بەلگىلەنگەن دەمالىس ءتۇزىمىن ويداعىداي تياناقتاندىرۋعا شارا قولدانۋ تىپتەن قاجەت دەپ قارايدى. ونىڭ ۇستىنە، نەگىزىنەن «شابىتتاندىرۋ» (اتقارسا دا، اتقارماسا دا بولادى) فورماسىنداعى «2.5 كۇندىك دەمالىس» ءتۇزىمىن ورتاعا قويۋ ادامداردىڭ كوڭىلىندە بۇل ءتۇزىم ءىشىنارا ەرەكشە توپتارعا ارنالعان «ەرەكشە يگىلىك» بولىپ قالماي ما دەگەن كۇمان مەن الاڭداۋشىلىق تۋدىرۋى مۇمكىن.
ۇشىنشىدەن، پارمەندى تۇردە زاڭ اتقارۋمەن قامتاماسىزداندىرۋ «وتكەلى». كەي جەرلەردە ءالى دە ەڭبەك ەتۋشىدەن گورى اقى تولەۋشىنىڭ دەسى باسىم جاعداي ورىن تەۋىپ وتىر، كەيبىر جۇمىسشى – قىزمەتكەرلەر دەمالىس سۇراۋعا باتىنا الماۋ، قاباعىنا قاراۋ كۇيىنەن ءالى دە ارىلا العان جوق. زاڭدا بەلگىلەنگەن اقى تولەنەتىن دەمالىستىڭ ءوزىن تياناقتاندىرۋ قيىن بولىپ وتىر، ۇسىنىس سيپاتىندىق «2.5 كۇندىك دەمالىس» ءتۇزىمى تاماشا تىلەك پەن ىزگى نيەتتى ايگىلەگەنىمەن، اتقارۋدان ءۇمىت بار ما، جوق پا، جۇمىسشى – قىزمەتكەرلەر شىنايى يگىلىكتەنە الاتىن تۇزىمگە اينالا الا ما، جوق پا؟ «2.5 كۇندىك دەمالىس ءتۇزىمىن» كەلەسى قادامدا تياناقتاندىرۋدا زاڭ اتقارۋ ارقىلى قامتاماسىزداندىرۋ كەم بولسا بولمايدى.
تورتىنشىدەن، وزىندىك قۇنىن ۇيلەسىمدى بولىسە ارقالاۋ «وتكەلى». بيىلعى مەملەكەتتىك ەكى ماجىلىستە كاسىپورىنداردىڭ اۋىرتپالىعىن جەڭىلدەتۋ وزەكتى ءتۇيىن بولدى، سوڭىنان مەملەكەتىمىز كاسىپورىنداردىڭ اۋىرتپالىعىن جەڭىلدەتۋ جاعىنداعى ءبىرقىدىرۋ ساياساتتىق شارالاردى ورتاعا قويدى. وسىدان بۇرىن، ەڭبەكاقى تولەنەتىن دەمالىس قاتارلى جۇمىسشى – قىزمەتكەرلەردىڭ ۇقىق – مۇددەسىنە ساياتىن ىستەردە ءونىمدى كەپىلدىك بەرە الماۋىنىڭ تەتىگى — جۇمىسشى – قىزمەتكەرلەر يگىلىكتەنەتىن تۇزىمدەردى بۇكىلدەي تياناقتاندىراتىن بولسا، كاسىپورىنداردىڭ اۋىرتپالىعىن ونان ارى ارتتىراتىن بولادى، الايدا، كاسىپورىنداردىڭ بۇل اۋىرتپالىقتى تەك ءوز كۇشىنە سۇيەنىپ ارقالاۋى قيىنعا سوعادى. «2.5 كۇندىك دەمالىس» ءتۇزىمىن اناعۇرلىم كەڭ كولەمدە، اناعۇرلىم پارمەندى تۇردە جالپىلاستىرۋ بارىسىندا كەيبىر كاسىپورىندار اناعۇرلىم قيىن جاعدايعا ءدوپ كەلۋى مۇمكىن، سوندىقتان، ءسوزسىز، ءونىمدى شارالار قولدانىپ، «2.5 كۇندىك دەمالىس» ءتۇزىمىن اتقارۋ بارىسىندا كاسىپورىنداردىڭ تيجاراتىنىڭ وزىندىك قۇن اۋىرتپالىعىن عىلىمي تۇردە ءبولىپ ارقالاۋ كەرەك.
«2.5 كۇندىك دەمالىس» ءتۇزىمىن جاپپاي جالپىلاستىرىپ، بۇل جونىندە جۇمىسشى – قىزمەتكەرلەردىڭ تولىق سەنىمگە يە بولۋىنا مۇمكىندىك جاساۋدىڭ، ورتاق تانىم قالىپتاستىرۋدىڭ تەتىگى —ساياساتتى تياناقتاندىرۋ مەن اتقارۋ قۋاتىن جوعارىلاتۋ جاعىندا كۇش سالۋ بولىپ تابىلادى.
ءبىر جاعىنان، مەملەكەتتىك جوعارى ساتىداعى ءتۇزىمدى جوبالاۋ مەن ءتۇزىمدى كەمەلدەندىرۋ جاعىندا كۇش سالۋ، جەرگىلىكتى ورىندار مەن جۇمىسشى – قىزمەتكەر ىستەتەتىن كەيبىر ورىنداردىڭ ءتۇزىمنىڭ كەمەلدەنبەگەن تۇسىنان پايدالانىپ، ءتۇزىمدى اتقارماۋىنان نەمەسە اتقارۋدا سولقىلداقتىق تانىتۋىنان ساقتانۋ كەرەك. ەندى ءبىر جاعىنان، بارلىق ەڭبەكشى توپتار اراسىندا «2.5 كۇندىك دەمالىس» ءتۇزىمىن تەڭگەرىمدى اتقارۋ، بۇل ءتۇزىمنىڭ ءىشىنارا ەرەكشە توپتار يگىلىكتەنەتىن «ەرەكشە يگىلىك» ءتۇرى بولىپ قالۋىنان ساقتانۋ كەرەك.
تاعى ءبىر جاعىنان، ەڭبەك زاڭىن اتقارۋ مەن وسى جاعىنداعى جاۋاپكەرشىلىكتى قۋزاستىرۋدى كۇشەيتىپ، ەڭبەكشىلەردىڭ ەڭبەك ەتۋشى مەن اقى تولەۋشى اراسىنداعى كۇش سالىستىرماسىنداعى ىرىقسىز ورنىن ءتۇبىرلى ءتۇزىم ارقىلى كۇشەيتۋ، ەڭبەكشىلەردىڭ پىكىر ءبىلدىرۋ ۇقىعىن جوعارىلاتىپ، ەڭبەك ەتۋشى مەن اقى تولەۋشى اراسىنداعى ۇقىقتى تەڭگەرىمدى ورنالاستىرۋ كەرەك. مۇنان سىرت، باجىنى ازايتىپ، اقىنى ارزانداتۋدى ىشكەرىلەي ىلگەرىلەتىپ، كاسىپورىنداردىڭ كىرىس كىرگىزۋ جانە اقى تولەۋ قۋاتىن ارتتىرۋ كەرەك. وسىنىڭ ءبارى «2.5 كۇندىك دەمالىس» ءتۇزىمىن اتقارۋدا، ءسوزسىز، ويداعىداي ىستەۋگە ءتيىستى نەگىزدىك قىزمەتتەر ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
