ابدۋللا ۇلازىم —
قىزىل توپىراقتى القاپقا تامىر تارتىپ، ىنتىماق گۇلى اشىلدى
حالىق گازەتىنىڭ ءتىلشىسى جىڭ شاۋجۇڭ داي لينفىڭ
2019.12.19 16:12 كەلۋ قاينارى : حالىق تورابى
تىرىس! مەشتەن شىققان وت جالىنى قويدىڭ مايىنا تيگەندە، بىج ەتكەن داۋىس شىقتى.
ابدۋللا ۇلازىم (سۋرەتتە، گازەتىمىز ءتىلشىسى داي لينفىڭ فوتوسى) ىستىككە وتكىزىلگەن قوي ەتىن ريتىممەن اۋدارىپ، دەرەۋ دامدەندىرگىشتى شىم – شىمداپ الىپ، بىركەلكى سەپكەندە، جاعىمدى ءيىس بۇرىق ەتە ءتۇستى، تىنىسقا تولى ابدۋللا كاۋاپ پاتشاسى اسحاناسى جياڭشي ولكەسى نانچاڭ قالاسىنىڭ ورتالىعىنداعى 1 – تامىز الاڭىنان 300 مەتر قاشىقتىقتا عانا، اسحاناعا كەلەتىن قاريدارلاردىڭ اياعى ۇزىلمەيدى.
44 جەلىلەس دۇكەنى بار مىنا ۇيعۇر ازاماتتىڭ كەزىندە كۇن كورىس ءۇشىن كوشە بويلاپ كوتەرمە ساۋداگەر بولعانىن كوپتەگەن جاندار بىلمەسە كەرەك.
ابدۋللا ۇنەمى: «مەنىڭ ءاربىر دۇكەنىم ۇلتتار ىنتىماعىنىڭ تەرەزەسى. وسىنشاما جىلدار بويى، ەگەر حانزۋ اعايىندار كومەكتەسپەگەن بولسا، نانچاڭدا ەشتەڭە تىندىرا الماس ەدىم ...» — دەيدى.
توعىسۋ
2002 – جىلى 9 – ايدا ابدۋللا مەن ايەلى پويەزدىڭ قاتتى ورىندىعىنا 5 كۇن، 5 ءتۇن وتىرىپ، نانچاڭعا كەلەدى. جولاۋشى تاسىمالى مەن جۇك تاسىمالىنىڭ ۋاقىت پارقىن بىلمەگەندىكتەن، ايەلى ەكەۋى پويەزدەن تۇسە سالا قيىن جاعدايعا دۋشار بولدى — اماناتتامالى تاسىمالمەن جونەلتكەن 320 كيلوگرام مەيىز ءالى كەلمەگەن، قالتالارىندا تەك 40 يۋان اقشا قالعان.
جاقسى بولعاندا، ماڭايداعى مەيىربان جاندار كومەك قولىن سوزدى، بىرەۋى سۋ بەرسە، بىرەۋى قۋىرماش اكەلىپ بەرىپ، ايەلى ەكەۋىنىڭ پويەز بەكەتىندە 3 كۇندى وتكىزۋىنە كومەكتەستى.
كۇنلۇن تاۋىنىڭ سولتۇستىك بوكتەرى، تاكلاماكان ءشولىنىڭ وڭتۇستىك جيەگى، قۇبا دۇزدەگى جاسىل القاپ، شينجياڭنىڭ حوتان ايماعى قاراقاش اۋدانى — ابدۋللانىڭ اتا مەكەنى. 1997 – جىلى تۋىستارىمەن بىرگە ىشكى ولكەگە كەلىپ ارالاعان ابدۋللا، جياڭسۋ، جىجياڭ، جياڭشي قاتارلى جەرلەرگە بارىپ، تولىق تا ءدامدى شينجياڭ مەيىزىن ساتادى. «ەكى يۋانعا ءبىر ءسارى» دەگەن ءسوز ابدۋللانىڭ تۇڭعىش ۇيرەنگەن حانزۋشا سويلەمى ەدى.
«باۋىرىم، شينجياڭنىڭ قاي جەرىنەن كەلدىڭ؟»، «ەكى سومعا ءبىر ءسارى»، «باسقا كەپتىرىلگەن جەمىس ساتاسىڭ با؟»، «ەكى سومعا ءبىر ءسارى» ...
«ول كەزدە ۇنەمى باس دەسە قۇلاق دەپ، ۇياتقا قالعان كەزىم از بولمادى»، — دەيدى ابدۋللا ءوزىن - ءوزى سىقاق ەتىپ. الايدا، بۇل ابدۋللانىڭ باسقالارمەن بايلانىس جاساۋىنا بوگەت بولمادى، وعان ءمازبولعان قالا تۇرعىندارى قايتا ونىڭ ساۋدا ىستەۋىنە شىن ىقىلاسپەن كومەكتەستى.
«الارماندار مەنىڭ سوناۋ شالعايدان كەلگەنىمدى بىلگەندە، ەشقاشان باعا جونىندە تالاسپايتىن، اقشاسىن بەرىپ بولعان سوڭ ‹راقىمەت› تە ايتاتىن»، — دەيدى ابدۋللا. وسىنداي ۇساق ىستەر ابدۋللاعا وسى ءبىر قىزىل توپىراقتى القاپتىڭ مەيىرىن سەزىندىرگەن.
نانچاڭعا جاڭا كەلگەن كەزدە، قالتاسى تاياز بولعاندىقتان، ابدۋللا ۇيلەسىمدى تۇراق تابا المايدى. نانچاڭ قالاسىنداعى قاتىستى تاراۋلار جاعدايدى بىلگەن سوڭ، قورا – جاي دەلدالى بولىپ ىستەيتىن لۇي تيڭياڭعا ابدۋللا مەن ونىڭ ايەلىن ويداعىداي ورنالاستىرۋدى تاپسىرادى ءارى ءۇيدىڭ ماي اقىسىن ابدۋللا اقشا تاپقاننان كەيىن قايتارۋىنا ماقۇل بولادى.
نانچاڭدا جاز مەزگىلىندە جاڭبىر كوپ جاۋادى، كەپتىرىلگەن جەمىس ساۋداسى سايابىر مەزگىلگە وتەدى، جاڭا جانباعىس كوزىن قالاي تابۋعا بولادى؟
ءبىر جولى كەزدەيسوق جاعدايدا، ابدۋللا قارما نان پىسىراتىن اپايعا كەزدەسەدى، «ونىڭ ساۋداسى وتە ءوتىمدى ەدى، مەنىڭ قيىن حالىمدى كورگەن سوڭ، ول قارما نان پىسىرۋ ونەرىن ماعان تولىعىمەن ۇيرەتتى، بۇعان ءبىر تيىن اقى المادى»، — دەيدى ابدۋللا. 2007 – جىلى بۇل ونەردى يگەرگەن ابدۋللا نانچاڭ پويەز بەكەتىنىڭ الاڭىندا قارما نان جايماسىن اشادى، وسىدان سوڭ ول نانچاڭعا تابان تىرەپ قالادى.
تامىر تارتۋ
ۇيعۇرلاردا «جاقسىمەن دوس بولساڭ، گۇلىڭنىڭ اشىلعانى» دەگەن اتالى ءسوز بار. ابدۋللا وسى ءسوزدى ۇنەمى اۋزىنان تاستامايدى.
2010 – جىلى نانچاڭ قالاسى پويەز بەكەتىنىڭ ماڭىنداعى ورتانى جالپى بەتتىك رەتكە سالادى. قالا باسقارۋشى قىزمەتكەرلەردىڭ جايمانى الىپ كەتۋ جونىندەگى تالابىن ابدۋللا ءبىر مەزگىل تۇسىنە الماي ءجۇردى. نانچاڭ قالالىق قوعام حاۋىپسىزدىگى مەكەمەسى شيحۋ بولىمشە مەكەمەسىنىڭ حالىق ساقشىسى شۇي يۇڭ ابدۋللانىڭ ۇيىنە بارىپ، وعان يدەيالىق قىزمەت ىستەپ، قاتىستى ساياساتتاردى بايىپتىلىقپەن تۇسىندىرەدى.
شۇي يۇڭنىڭ: «جايما جايۋ ۇزاق ۋاقىتتىق امال ەمەس، دۇكەن اشقاندا عانا نانچاڭعا تامىر تارتىپ قالۋعا بولادى»، — دەگەن ءسوزىن ەستىگەن ابدۋللا دۇكەن اشىپ تيجارات جۇرگىزۋدىڭ ماڭىزدىلىعىن تانىپ جەتەدى ءارى كوپ وتپەي ءبىر دۇكەندى مايعا الىپ، كاۋاپ ساۋداسىن ىستەيدى. سونىمەن، ونىڭ ساۋداسى دۇرىس ارناعا تۇسەدى. 2017 – جىلى ابدۋللا اس – سۋ باسقارۋ سەرىكتەستىگىن قۇرىپ، تىزىمگە الدىرادى، قازىر ونىڭ 44 جەلىلەس دۇكەنىندە 240تان استام قىزمەتكەر جۇمىس ىستەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
