چاۋشيان حالىق ارمياسىنىڭ باس شتابى: چاۋشيان كورەيامەن تۇتاساتىن تاسجول جانە تەمىر جول قاتىناسىن بۇكىلدەي ءۇزىپ تاستايدى

شينحۋا اگەنتتىگىنىڭ 9 – ايدىڭ 10 - كۇنى سەۋلدەن بەرگەن حابارى. چاۋشيان ورتالىق اگەنتتىگىنىڭ 10 – ايدىڭ 9 – كۇنى بەرگەن حابارىنا قاراعاندا، چاۋشيان حالىق ارمياسىنىڭ باس شتابى سول كۇنى چاۋشياننىڭ سول كۇننەن باستاپ كورەيامەن تۇتاساتىن تاسجول مەن تەمىر جول قاتىناسىن بۇكىلدەي ءۇزىپ تاستايتىندىعىن جاريالاعان.

حابارعا قاراعاندا، چاۋشيان حالىق ارمياسىنىڭ باس شتابى بىلاي دەپ اتاپ كورسەتكەن: چاۋشياننىڭ وڭتۇستىگىندەگى مەملەكەت شەكاراسىنىڭ كورەيامەن شەكارالاسقان جەرىندەگى كورەيا رايونىندا كورەيا قاي - قاشان دا شاپقىنشىلىق سوعىس جاتتىعۋىن جۇرگىزىپ وتىر، ونىڭ ۇستىنە ا ق ش - تىڭ يادرو ستراتەگيالىق مال - مۇلكى كەز كەلگەن ۋاقىتتا شىعىپ، سوعىسقۇمار ەسەرسوقتار ۇنەمى چاۋشيان ”بيلىگى اياقتالادى“ دەپ داۋرىعادى. چاۋشيان تۇبەگىندە جارىققا شىققان قاتاڭ اسكەري جاعداي چاۋشيان ارمياسىنان قاتاڭ قارسى شارا قولدانىپ، مەملەكەتتىڭ حاۋىپسىزدىگىن شىنايى قورعاۋدى تالاپ ەتەدى.

چاۋشيان حالىق ارمياسىنىڭ باس شتابى وڭتۇستىك مەملەكەت شەكاراسىندا قاقتىعىس تۋىلا سالا بۇرق ەتە تۇسەتىن سوعىس داعدارىسىنا قاراتا چاۋشيان ”ماندىك اسكەري شارالار قولدانىپ، چاۋشياننىڭ يەلىك ۇقىق جۇرگىزەتىن سالاسى مەن كورەيا تەرريتورياسىن تۇبەگەيلى بولەدى“ دەپ جاريالادى. ”كەزەكتەگى شۇعىل مىندەت 10 – ايدىڭ 9 - كۇنىنەن باستاپ كورەيامەن تۇتاساتىن چاۋشيان رايونىنىڭ تاسجولى مەن تەمىر جولىن بۇكىلدەي ءۇزىپ، قورعانۋ قۇرىلعىلارىنان قامال سالىپ، بەكەمدەۋ ينجەنەرياسىن جۇرگىزۋ.“

كەلۋ قاينارى: حالىق تورابى