ۋاڭ حۋنيڭ سينگاپۋردىڭ مەملەكەت ىستەرى اقىلشىسى لي شيانلۇڭمەن كەزدەستى

شينحۋا اگەنتتىگى، 11 - ايدىڭ 26 - كۇنى، بەيجيڭ. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 11 - ايدىڭ 26 - كۇنى بەيجيڭدە سينگاپۋردىڭ مەملەكەت ىستەرى اقىلشىسى لي شيانلۇڭمەن كەزدەستى.

ۋاڭ حۋنيڭ مىنالاردى ءبىلدىردى: 2023 - جىلى ءتوراعا شي جينپيڭ سىزبەن بىرگە جۇڭگو - سينگاپۋر قارىم قاتىناسىن جان - جاقتى، جوعارى ساپالى كورەگەندىك، سەرىكتەستىك قارىم - قاتىناس دەڭگەيىنە كوتەرگەندىكتەرىن جاريالاپ، ەكى جاقتى قارىم - قاتىناستىڭ دامۋىنا كەڭ ءورىس اشتى. جۇڭگو جاق سينگاپۋر جاقپەن جوعارى جىكتەگىلەردىڭ ءجيى بارىس - كەلىسىن ساقتاپ، ءار سالاداعى ناقتى سەلبەستىكتى كۇشەيتىپ، حالىقتىڭ دوستىق سۇيىسپەنشىلىگىن ارتتىرىپ، جۇڭگو - سينگاپۋر قارىم - قاتىناسىنىڭ تىڭ ىلگەرىلەۋشىلىككە قول جەتكىزۋىن ىلگەرىلەتىپ، ءوڭىردىڭ بەيبىتشىلىگىنە، ورنىقتىلىعىنا جانە دامىپ، گۇلدەنۋىنە بەلسەندى كۇش قوسۋدى قالايدى. جۇڭگو مەملەكەتتىك ساياسي كەڭەسى وسى ءۇشىن بەلسەندى ۇلەس قوسۋدى قالايدى.

لي شيانلۇڭ مىنانى ءبىلدىردى: سينگاپۋر - جۇڭگو قارىم - قاتىناسىنىڭ دامۋ بەتالىسى جاقسى. كەلەر جىلى ەكى ەل ديپلوماتيالىق قارىم - قاتىناس ورناتۋدىڭ 35 جىلدىعىن قارسى الادى، سينگاپۋر جاق ءبىر جۇڭگو ساياساتىنا تاباندى بولادى، جۇڭگو جاقپەن ستراتەگيالىق قارىم - قاتىناستى كۇشەيتىپ، سەلبەستىك دەڭگەيى مەن ونىمدىلىگىن ۇزدىكسىز جوعارىلاتىپ، ەكى ەل قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى قالايدى.

حۋ چۇنحۋا، ۋاڭ دۇڭفىڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى