2024.12.20 14:31 كەلۋ قاينارى : حالىق تورابى
12 – ايدىڭ 19 – كۇنى، مەملەكەت ۇيىمداستىرعان بەسىنشى توپتا جوعارى قۇندى ەمدەۋ ماتەريالدارىن شوعىرلى، مولشەرلى ساتىپ الۋعا قاتىستى مەردىگەرلىك ناتيجەسى جاريالاندى، جاساندى قۇلاق ۇلۋى مەن شەتكى قان تامىرلاردىڭ تىرەۋى سىندى ءونىم تىزىمدىككە ەنگىزىلدى. وسى رەتكى شوعىرلى ساتىپ الۋ بارىسىندا جاساندى قۇلاق ۇلۋى تۇرىندەگى ماتەريالداردىڭ جەكە باعاسى ورتا ەسەپپەن 200 مىڭ يۋاننان 50 مىڭ يۋان اينالاسىنا دەيىن ارزاندايدى.
وسى رەتكى شوعىرلى ساتىپ الۋدا جاساندى قۇلاق ۇلۋى تۇرىندەگى ماتەريالداردان 11 مىڭ داناسىنا سۇرانىس تاپسىرىلعان، 5 كاسىپورىن تاڭدالعان، شەتكى قان تامىرلاردىڭ تىرەۋى تۇرىندەگى ماتەريالداردان 258 مىڭ داناسىنا سۇرانىس تاپسىرىلعان، 18 كاسىپورىن تاڭدالعان.
جاساندى قۇلاق ۇلۋى — دىبىستى سەزىنەتىن نەرۆ جۇيەسىنە قاتىستى اۋىر دارەجەدەگى ساڭىراۋلىقتى ەمدەۋدە ەڭ ءونىمدى ەمدەۋ ماتەريالى، وتە – موتە، تۋما نەرۆتىك سيپاتتاعى ساڭىراۋ نارەستەلەرگە جاساندى قۇلاق ۇلۋىن سالۋ ارقىلى ساڭىراۋلىق سەبەبىنەن تۋىنداعان مىلقاۋلىق ماسەلەسىن دە ءونىمدى شەشىم ەتۋگە بولادى.
تاڭداۋ ناتيجەسى اشىق جاريالانعان سوڭ، جۋىردا رەسمي جاريالانادى. مەجەمەن 2025 – جىلى 3 – ايدا جاساندى قۇلاق ۇلۋىن تاڭداۋ ناتيجەسى اتقارىلادى. شەتكى قان تامىرلاردى كىرىستىرۋ تۇرىندەگى ماتەريالداردىڭ تيپى كوپ، ۇزىن – قىسقالىعى مەن جىڭىشكە – جۋاندىعىنا قاتىستى گرۋپپالاردىڭ سانى كوپ، زاتتى زاپاس ساقتاۋ پەريودى ۇزاق بولاتىندىقتان، 2025 – جىلى 5 – ايدا تاڭداۋ ناتيجەسى اتقارىلادى. (باس ستانسيا ورتالىق تەلەۆيزيا ءتىلشىسى جاڭ پيڭ، لۇڭ شياۋچين)
كەلۋ قاينارى: حالىق تورابى