بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شياڭگاڭ مەن اۋمىن ”ءبىر ەل، ەكى ءتۇزىمنىڭ“ جاڭا تاراۋىن قول ۇستاسا جازدى

− ءتوراعا شي جينپيڭنىڭ ماڭىزدى ءسوزى شياڭگاڭداعى ءار سالانىڭ كۇشتى سەنىمىن تاسقىنداتتى

شينحۋا اگەنتتىگىنىڭ تىلشىلەرى

2024.12.24 16:22     كەلۋ قاينارى : حالىق تورابى

12 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناستى ءارى ماڭىزدى ءسوز سويلەدى.

بىرنەشە كۇننەن بەرى شياڭگاڭ قوعامىنىڭ ءار سالاسى ءتوراعا شي جينپيڭنىڭ ماڭىزدى ءسوزىن ىشكەرىلەي ۇيرەنىپ، تەرەڭ ۇندەستىك كورسەتتى. شياڭگاڭ قوعامىنداعى ءار سالا قايراتكەرلەرى بىلاي دەپ قارادى: ءتوراعا شي جينپيڭنىڭ ماڭىزدى ءسوزى ءار سالانىڭ ”ءبىر ەل، ەكى ءتۇزىم“ امالياتىنىڭ ورنىقتى قاداممەن ۇزاققا جالعاسۋىنا دەگەن كۇشتى سەنىمىن ونان ارى قاۋلاتتى ءارى جاڭا داۋىردەگى شياڭگاڭ مەن اۋمىننىڭ دامۋىنا قۋاتتى قوزعاۋشى كۇش ۇستەدى. ءار سالا شياڭگاڭ مەن اۋمىننىڭ، ءسوز جوق، جۇڭحۋا ۇلتىنىڭ ۇلى گۇلدەنۋىنە قول ۇستاسا كۇش قوسىپ، ”ءبىر ەل، ەكى ءتۇزىمنىڭ“ جاڭا تاراۋىن جازاتىندىعىنا كامىل سەنەدى.

”شياڭگاڭنىڭ، اۋمىننىڭ مەملەكەتپەن بىرگە دامۋ، بىرگە گۇلدەنۋ جولى، ءسوز جوق، بارعان سايىن كەڭەيەدى“

شياڭگاڭ ەرەكشە اكىمشىلىك رايونىنىڭ اكىمى لي جياچاۋ اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ قيمىلىنا قاتىناستى. وسى ارالىقتا ءتوراعا شي جينپيڭ لي جياچاۋمەن كەزدەستى. ”ءتوراعا شي جينپيڭ شياڭگاڭ، اۋمىن ەكى ەرەكشە اكىمشىلىك رايونىنىڭ قول ۇستاسا قاتار ىلگەرىلەۋىنە تاعى دا شابىت بەردى“. ول بىلاي دەدى: ”شياڭگاڭ مەن اۋمىن مەملەكەتتىڭ ەرەكشە اكىمشىلىك رايوندارى رەتىندە ’ءبىر ەل، ەكى ءتۇزىم‘ ابزالدىعىنان بىرگە يگىلىكتەنۋدە، مەملەكەتپەن بىرگە دامۋ، بىرگە گۇلدەنۋ جولى، ءسوز جوق، بارعان سايىن كەڭەيە تۇسەدى“.

ءتوراعا شي جينپيڭنىڭ ماڭىزدى سوزىندەگى ”ءبىر ەل، ەكى ءتۇزىم“ جونىندەگى بايىمداۋلار شياڭگاڭ قوعامىندا كۇشتى اڭىس قوزعادى. شياڭگاڭ ەرەكشە اكىمشىلىك رايونى زاڭ شىعارۋ كەڭەسىنىڭ مۇشەسى لياڭ مەيفىن بىلاي دەدى: ”ءبىر ەل، ەكى ءتۇزىم“ سىندى وسى جاقسى ءتۇزىم جۇڭگو باسشىلارىنىڭ ساياسي اقىل - پاراساتى مەن مەملەكەتتى باسقارۋداعى وسكەلەڭ سەنىمىن ايگىلەدى ءارى بۇكىل دۇنيە جۇزىنە جۇڭگونىڭ بەيبىت دامۋعا كۇش سالاتىن شىن نيەتىن كورسەتتى. ”ءبىر ەل“ نەگىزىنە بىرگە تاباندى بولىپ، ”ەكى ءتۇزىمنىڭ“ تيىمدىلىگىنەن شەبەرلىكپەن پايدالانۋ −− شياڭگاڭ مەن اۋمىننىڭ باياندى گۇلدەنۋدى، ورنىقتىلىقتى ۇزدىكسىز ساقتاۋىنىڭ نەگىزگى كەپىلى.

ءتوراعا شي جينپيڭ ”ءبىر ەل، ەكى ءتۇزىم“ امالياتىن ورنىقتى قاداممەن الىسقا جەتكىزۋدى ۇزدىكسىز ىلگەرىلەتۋدە ويداعىداي يگەرۋگە ءتيىستى 4 پرينسيپتى جۇيەلى قورىتىندىلاپ، ءار سالانىڭ ”ءبىر ەل، ەكى ءتۇزىم“ جونىندەگى تۇسىنىگىن اناعۇرلىم تەرەڭدەتۋىنە مۇمكىندىك جاسادى. مەملەكەتتىك شياڭگاڭ، اۋمىن زەرتتەۋ قوعامى باستىعىنىڭ ورىنباسارى، شياڭگاڭ قايتا اتتانۋ ۇلكەن وداعىنىڭ باس حاتشىسى تان ياۋزۇڭ تەرەڭ اسەرمەن بىلاي دەدى: ءتوراعا شي جينپيڭنىڭ ماڭىزدى ءسوزى شياڭگاڭ مەن اۋمىن جونىنەن كەلەلى جەتەكشى مانگە يە بولىپ، ”ءبىر ەل، ەكى ءتۇزىم“ امالياتىنا جاڭا داۋىرلىك ءمان ۇستەدى، جاڭا داۋىردەگى شياڭگاڭ مەن اۋمىننىڭ اناعۇرلىم جاقسى دامۋدى جۇزەگە اسىرۋىنا سەنىم ۇستەدى.

بىرنەشە كۇننەن بەرى شياڭگاڭنىڭ باستى گازەتتەرى ءبىرىنشى بەتىندە ءتوراعا شي جينپيڭنىڭ قاتىستى قيمىلدارى مەن ماڭىزدى سوزدەرىن كەڭ كولەمدە حابارلادى. شياڭگاڭ «داگۇڭباۋ گازەتى» 21 - تامىزدا «”ءتورت ماڭىزدى پرينسيپتى“ باتىل دايەكتىلەندىرىپ، شياڭگاڭ مەن اۋمىننىڭ گۇلدەنۋى مەن ورنىقتىلىعىنا كەپىلدىك ەتەيىك» دەگەن باسماقالا جاريالاپ، بىلاي دەپ قارادى: ءتوراعا شي جينپيڭنىڭ ماڭىزدى ءسوزى شياڭگاڭ مەن اۋمىنداعى ءار سالانى ءبىر نيەتپەن سەلبەسىپ، قايراتتانا العا ۇمتىلىپ، مەملەكەتتىڭ دامۋ جالپى جاعدايىمەن اناعۇرلىم توعىسۋعا، جۇڭحۋا ۇلتىنىڭ ۇلى گۇلدەنۋىنە دەم بەرۋ ۇلى ىسىندە ”ءبىر ەل، ەكى ءتۇزىمنىڭ“ تابىستى امالياتىنىڭ جاڭا پاراعىن اشۋعا ونان ارى شابىتتاندىرادى.

”شياڭگاڭ مەن اۋمىننىڭ ۇزاق بولاشاقتىق دامۋىنا عىلمي وي جەلىسى مەن ايقىن جول ازىرلەدى“

ءتوراعا شي جينپيڭنىڭ ماڭىزدى سوزىندە اۋمىن وتان قۇشاعىنا ورالعان 25 جىلدان بەرگى شۇعىلالى بارىس پەن قول جەتكىزگەن وراسان زور تابىستار تەرەڭ قورىتىندىلاندى ءارى اۋمىن ەرەكشە رايونىنا 4 جاقتان ءۇمىت ارتىلدى. شينجيە اۋىل كەڭەسى مەكەمەسىنىڭ ءتوراعاسى ليۋ يەچياڭ بۇعان ايرىقشا جەلپىنىپ: ”ءتوراعا شي جينپيڭنىڭ ماڭىزدى ءسوزى شياڭگاڭ مەن اۋمىننىڭ بولاشاق دامۋىنا جول نۇسقاپ، شياڭگاڭ مەن اۋمىننىڭ ۇزاق بولاشاقتىق دامۋىنا عىلمي وي جەلىسى مەن ايقىن جول ازىرلەدى“ دەدى.

ءتوراعا شي جينپيڭنىڭ ماڭىزدى ءسوزى اۋمىننىڭ مەملەكەتتىڭ دامۋ جالپى جاعدايىمەن ونان ارى توعىسۋىنا، مەملەكەتتى قۇدىرەتتەندىرۋ قۇرىلىسىنا جانە ۇلتتىڭ گۇلدەنۋى ۇلى ىسىنە ات سالىسۋىنا جوبا جاساپ، شياڭگاڭ ەرەكشە اكىمشىلىك رايونى باسقارۋ ۇجىمىنىڭ ۇندەستىگىن قوزعادى.

شياڭگاڭ ەرەكشە اكىمشىلىك رايونىنىڭ كوپتەگەن مەكەمە باستىعى مىنالاردى ءبىلدىردى: ءتوراعا شي جينپيڭنىڭ اۋمىننان كۇتكەن تىلەگى مەن ءۇمىتى شياڭگاڭعا دا ۇيلەسەدى. مەملەكەتتىڭ دامۋى شياڭگاڭعا كەڭ ءورىس جانە ساناپ تاۋىسقىسىز وراي جاراتىپ بەردى. شياڭگاڭ ەرەكشە اكىمشىلىك رايونى ۇكىمەتى قوعامنىڭ ءار سالاسىنداعىلارمەن تىزە قوسا العا باسىپ، شياڭگاڭنىڭ مەملەكەتتىڭ دامۋ ستراتەگياسىمەن ىشكەرىلەي ۇشتاسۋىندا، مەملەكەتتىڭ دامۋ جالپى جاعدايىمەن توعىسۋىندا جانە حالىقارالىق ىقپالىن كەڭەيتۋىندە ماڭىزدى رول اتقارۋعا كەپىلدىك ەتەدى.

شياڭگاڭدىق كوپتەگەن قايراتكەر مىنانى ءبىلدىردى: ءتوراعا شي جينپيڭنىڭ ماڭىزدى ءسوزىنىڭ رۋحىن ءىس جۇزىندىك ارەكەتىمىز ارقىلى تياناقتاندىرامىز. شياڭگاڭ جۇڭحۋا دوستىق بىرلەستىگىنىڭ باستىعى جىڭ شياڭليڭ بىلاي دەدى: دوستىق بىرلەستىگى وتاندى، شياڭگاڭدى ءسۇيۋ ايقىن تۋىن بيىك ۇستاپ، شياڭگاڭدى تياناق ەتىپ، شار تاراپپەن بايلانىس جاساپ، مەملەكەتتىڭ دامۋ ستراتەگياسىمەن اناعۇرلىم ىرىقتىلىقپەن ۇشتاسىپ، اناعۇرلىم كوپ، اناعۇرلىم قۋاتتى ”تەڭىزبەن تۇتاستىرۋ كۇشىن“ قوسادى.

مەملەكەتتىك ساياسي كەڭەستىڭ تۇراقتى مۇشەسى، جۇڭگو بەيبىت بىرلىككە كەلۋدى جەبەۋ قوعامى شياڭگاڭ باس قوعامىنىڭ باستىعى ياۋ جىشىڭ مىنانى ءبىلدىردى: ”ءتوراعا شي جينپيڭ اۋمىن ەرەكشەلىگىنە يە ’ءبىر ەل، ەكى ءتۇزىم‘ امالياتىنىڭ ورنىقتى قاداممەن الىسقا جەتۋىندەگى تابىستى تاجىريبەلەردى تەرەڭ قورىتىندىلادى، ءبىز مۇنى دۇرىس يگەرىپ، جالپىلاستىرىپ، ‹ءبىر ەل، ەكى ءتۇزىم› ىستەرىنىڭ نەگىزىن ۇزدىكسىز بەكەمدەيمىز“.

شياڭگاڭ ”ۋىنحۇيباۋ گازەتى“ 10 - ايدىڭ 21 – كۇنى «نازاردى دامۋعا شوعىرلاندىرىپ، شياڭگاڭ مەن اۋمىننىڭ ”ءبىر ەل، ەكى ءتۇزىم“ امالياتىندا تاعى دا تىڭ داستان جازايىق» دەگەن تاقىرىپتا باسماقالا جاريالاپ، بىلاي دەپ اتاپ كورسەتتى: ءتوراعا شي جينپيڭ شياڭگاڭ، اۋمىن وتان قۇشاعىنا ورالعاننان بەرگى ”ءبىر ەل، ەكى ءتۇزىمنىڭ“ امالياتتىق تاجىريبەسىن جان – جاقتى قورىتىندىلادى، بۇل شياڭگاڭ، اۋمىننىڭ بولاشاقتاعى دامۋى جونىنەن كەلەلى جەتەكشىلىك مانگە يە. اۋمىن ەرەكشەلىگىنە يە ”ءبىر ەل، ەكى ءتۇزىم“ امالياتى وراسان زور تابىسقا قول جەتكىزدى، شياڭگاڭ مەن اۋمىن ءوزارا ۇيرەنىپ، ءوزارا ۇلگى الىپ، ”ءبىر ەل، ەكى ءتۇزىم“ امالياتىنىڭ جاڭا كەزەڭىنە قول ۇستاسا ءوتتى.

”گۇلدەنگەن داۋىردە شامگۇل جايناپ، شىعىستىڭ مەرۋەرتى شۇعىلا شاشتى“

ءتوراعا شي جينپيڭنىڭ ماڭىزدى ءسوزى شياڭگاڭ، اۋمىن قوعامىنىڭ ەكى ەرەكشە اكىمشىلىك رايوننىڭ بىرگە گۇلدەنىپ - كوركەيۋگە، نۇرلى بولاشاققا دەگەن شەكسىز تالپىنىسىن قوزعادى.

”ءبىر ەل، ەكى ءتۇزىم“ امالياتىن ۇزاق ۋاقىت زەرتتەگەن مەملەكەتتىك شياڭگاڭ، اۋمىن زەرتتەۋ قوعامىنىڭ اقىلشىسى ليۋ جاۋجيا بىلاي دەپ قارادى: اۋمىننىڭ تابىستى تاجىريبەلەرى شياڭگاڭ ءۇشىن پايدالانۋ قۇنىنا يە. شياڭگاڭ مەن اۋمىن ءبىرىن - ءبىرى تولىقتاپ، ءبىر جاعادان باس، ءبىر جەڭنەن قول شىعارىپ، سەلبەستىكتى كۇشەيتىپ، مەملەكەتتىڭ دامۋ ستراتەگياسىمەن اناعۇرلىم ويداعىداي ۇشتاسىپ، مەملەكەتتىڭ دامۋىنا تىڭ ۇلەس قوسادى.

شياڭگاڭ جۇڭحۋا زاۆود - ساۋداگەرلەر بىرلەستىگىنىڭ باستىعى لۋ جينرۇڭ دا سەنىمى تاسقىندادى. ول بىلاي دەدى: شياڭگاڭ مەن اۋمىن تىنىستاس، اۋمىن ەكونوميكاسىنىڭ ۇيلەسىمدى كوپ نەگىزدى دامۋى، سونداي - اق سالتانات ىستەرى ەكونوميكاسى، حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسى تۇگەلدەي شياڭگاڭعا ۇلگى بولادى، شياڭگاڭنىڭ فينانس، ساۋدا، عىلىم - تەحنيكا جاسامپازدىعى، ايگىلى ماركا قۇرىلىسى، جاسىل دامۋى سياقتىلار دا اۋمىننىڭ كاسىپ سالاسىنىڭ تيپىن جاڭالاۋىنا قولداۋ كورسەتەدى. شياڭگاڭ مەن اۋمىن ءوزارا ۇيرەنىپ، ءوزارا ۇلگى الىپ، سەلبەستىكتى تەرەڭدەتىپ، وڭىرلىك ەكونوميكانىڭ جوعارى ساپالى دامۋىن ىلگەرىلەتۋدىڭ قوس قوزعالتقىشىن بىرگە ارقالاپ، جاڭا داۋىردەگى ”ءبىر ەل، ەكى ءتۇزىم“ امالياتىن بىرگە ىلگەرىلەتىپ، دۇنيە جۇزىنە ”ءبىر ەل، ەكى ءتۇزىمنىڭ“ جاڭا كەلبەتىن ايگىلەۋى كەرەك.

شياڭگاڭ ساۋدانى دامىتۋ مەكەمەسىنىڭ ءتوراعاسى لين جيانيۋە ءتوراعا شي جينپيڭنىڭ ماڭىزدى سوزىندە العا قويىلعان حىڭچين - گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسىنا ەرەكشە نازار اۋداردى. ول بىلاي دەدى: حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونى − اۋمىننىڭ ەكونوميكانىڭ ۇيلەسىمدى كوپ نەگىزدى دامۋىن ىلگەرىلەتۋدەگى ماڭىزدى تۇعىرى، ونان دا ماڭىزدىسى، گۋاڭدۇڭ - شياڭگاڭ – اۋمىن ۇلكەن شىعاناق رايونى قۇرىلىسىنىڭ ماڭىزدى قۇرامداس بولىگى. گۋاڭدۇڭ، شياڭگاڭ، اۋمىن سىندى 3 جەر حىڭچين قۇرىلىسىن كۇش سالا ىلگەرىلەتىپ، 3 جەردىڭ ەرەجەسىن ۇشتاستىرۋدى، مەحانيزمىن ۇشتاستىرۋدى ونان ارى تەرەڭدەتىپ، شياڭگاڭ، اۋمىن ەكونوميكاسىنىڭ كوپ نەگىزدى دامۋىندا اناعۇرلىم زور جەبەۋ رولىن اتقارادى.

مەملەكەتتىك ساياسي كەڭەستىڭ تۇراقتى مۇشەسى تان جينچيۋ بىلاي دەپ قارادى: ”ءبىر ەل، ەكى تۇزىمدە“ قامتىلعان بەيبىتشىلىك، سيىسىمدىلىق، اشىق بولۋ، بىرگە يگىلىكتەنۋ سىندى قۇن ۇستانىمى دۇنيە جۇزىلىك باسقارۋ وزگەرىسىنە ۇلگى ازىرلەۋمەن بىرگە، جاڭا داۋىردەگى شياڭگاڭ مەن اۋمىننىڭ حالىقارادا ”ءبىر ەل، ەكى ءتۇزىم“ حيكاياسىن تىزە قوسا جاقسى بايانداۋىنا باعدار كورسەتتى. شياڭگاڭ مەن اۋمىننىڭ اناعۇرلىم جوعارى دەڭگەيدەگى سىرتقا ەسىك اشۋ تۇعىرىن قۇرۋ، حالىقارالىق قول ۇستاسۋ كۇشىن، ىقپالىن جوعارىلاتۋ سياقتى جاقتاردا اناعۇرلىم زور ىسكەرلىك كورسەتۋىنە بولادى.

اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ ءۇشىن، شياڭگاڭ ەرەكشە اكىمشىلىك رايونى مۋزىكانتتار قوعامى ءتوراعاسىنىڭ ورىنباسارى جۋ-ۋ نينا ميكرو مۋزىكالى تەاتر «اۋمىن: ارمانعا قانات قاعاتىن جەردى» شىعاردى. شياڭگاڭعا كوڭىل ءبولىپ، اۋمىنعا تىلەكتەس بولىپ جۇرەتىن ول شياڭگاڭ مەن اۋمىننىڭ دامۋ بولاشاعىنا زور ءۇمىت ارتىپ: ”گۇلدەنگەن داۋىردە شامگۇل جايناپ، شىعىستىڭ مەرۋەرتى شۇعىلا شاشتى“ دەدى.

(شينحۋا اگەنتتىگىنىڭ 12 - ايدىڭ 22 - كۇنى شياڭگاڭنان بەرگەن حابارى)

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى