التاي تاۋىنىڭ توڭىرەگىندەگى ەلدەردىڭ قىسقى سپورت جارىسى شينجياڭدا باستالدى 

شينحۋا اگەنتتىگىنىڭ ءتىلشىسى سۇن جى 1 – ايدىڭ 12 – كۇنى ۇرىمجىدەن حابارلايدى. 1 – ايدىڭ 12 - كۇنى تۇستەن بۇرىن، 2 - كەزەكتى «قار - مۇزدى جىبەك جولى، جۇڭگونىڭ قارلى قالاسى» اتىنداعى التاي تاۋىنىڭ توڭىرەگىندەگى ەلدەردىڭ قىسقى سپورت جارىسى شينجياڭنىڭ التاي قالاسىندا باستالدى.

سۋرەتتە:1 - ايدىڭ 12 ـ كۇن وتكىزىلگەن جالعىز تاقتالى شاڭعى جارىسىنان كەيىن، رەسەي مەن قازاقستان سپورتشىلارى سۋرەتكە ءتۇسىپ ەستەلىك قالدىردى. سۋرەتتى شينحۋا اگەنتتىگىنىڭ ءتىلشىسى سۇن جى تۇسىرگەن

وسى كەزەكتى جارىس 4 كۇنگە جالعاسادى، مانەرلى سىرعاناۋ، مۇزدا تەز سىرعاناۋ، جالعىز تاقتالى شاڭعى جانە دالالىق شاڭعى قاتارلى 7 نىسان، 37 شاعىن ءتۇر ورنالاستىرىلىپ، جۇڭگو، قازاقستان، رەسەي، موڭعۇليا قاتارلى مەملەكەتتەر مەن رايونداردان كەلگەن 13 ۋاكىلدەر ۇيىرمەسىندەگى سپورتشىلار مەن جاتتىقتىرۋشىلار قاتارلىلاردان 170 نەشە ادام قاتىناستى.

اشىلۋ سالتىنان كەيىن، ەڭ الدىمەن وتكىزىلگەن تاۋ شاڭعى تەبۋدەن ەرەكشە ۇلكەن اينالمالى جارىستا (1200 مەتر) جۇڭگو ءۇرىمجى قالالىق ۋاكىلدەر ۇيىرمەسىنىڭ سپورتشىسى داي حاۋبو ەرلەر گرۋپپاسىنىڭ اعا جۇلدەگەرى بولدى، قازاقستاننىڭ شىعىس قازاقستان وبلىسىنىڭ سپورتشىسى ديميتريەۆنا كۆاشي ايەلدەر گرۋپپاسىنىڭ اعا جۇلدەگەرى بولدى.

موڭعۇليانىڭ قوبدا ولكەسى ۋاكىلدەر ۇيىرمەسىنىڭ باستىعى چيڭبات سۋحباتىر: ”ەجەلدەن بەرى، التاي تاۋىنىڭ توڭىرەگىندەگى ەلدەر ەكونوميكا، مادەنيەت قاتارلى سالالاردا تىعىز اۋىس ـ كۇيىس جاساپ كەلەدى، بۇل جارىس دەنە تاربيە سالاسىنداعى جاستارعا ءوزارا اۋىس – كۇيىس جاسايتىن تەكشە ازىرلەپ بەردى، مەن ۇيىرمە باستاپ جارىسقا قاتىناسقانىما وتە قۋانىشتىمىن“ دەدى.

سۋرەتتە: مانەرلى سىرعاناۋ جارىس الاڭىنداعى جارىستان كەيىن كورەرمەندەر سپورتشى بالاقايعا قۋىرشاق ۇسىندى. شينحۋا اگەنتتىگى (جاڭ فۋشين فوتوسى)

التاي تاۋ سىلەمى جۇڭگو، رەسەي، موڭعۇليا جانە قازاقستان سىندى 4 ەلدى كەسىپ ءوتىپ، 2000 كيلومەتردەن استام ارالىققا سوزىلىپ جاتادى. التاي قالاسى التاي تاۋىنىڭ وڭتۇستىك بوكتەرىنە ورنالاسقان، دۇنيە ءجۇزى بويىنشا شاڭعى سپورتىنىڭ التىن ەندىك بەلدەۋىنە ورنالاسقان، قار ساپاسى، قار مولشەرى، قارلى مەزگىلى جانە اۋا تەمپەراتۋراسى قاتارلى شاڭعى تەبۋ شارت - جاعدايى ماڭداي الدى ورىندا تۇرادى. 2024 – جىلى 1 – ايدا، التاي تاۋىنىڭ توڭىرەگىندەگى ەلدەردىڭ تۇڭعىش كەزەكتى سپورت جارىسى وسى جەردە وتكىزىلگەن، جارىستى وتكىزۋدەگى ماقسات — وسىنى دانەكەر ەتىپ، ءار ەل جاستارى مەن ورەندەرىنىڭ اراسىنداعى اۋىس - كۇيىستى ىلگەرىلەتىپ، التايدىڭ قار - مۇز سپورتىنىڭ حالىقارالىق ىقپالىن ونان ارى كەڭەيتۋ.

كەلۋ قاينارى: حالىق تورابى