بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ءداستۇرلى مادەنيەت پەن وسى زامانعى وركەنيەت ءوزارا توعىسىپ، ءبىر - ءبىرىن ارلەندىردى

تيانجيننىڭ بايىرعى مادەنيەت كوشەسىنەن مەرەكە لەبىن سەزىنۋ (كوكتەم مەرەكەسىندە نەگىزگى ساتىنى ارالاۋ)

«حالىق گازەتىنىڭ» ءتىلشىسى گۇڭ شياڭجۋان

2025.01.20 14:22     كەلۋ قاينارى : حالىق تورابى

ەسكىشە كالەندار بويىنشا 12 – ايدىڭ 8 - كۇنىنەن كەيىن تيانجيننىڭ بايىرعى مادەنيەت كوشەسى بارعان سايىن مەرەكەلىك تۇسكە ەنەدى. نەگىزگى كوشەدەگى ميڭ، چيڭ پاتشالىقتارى ۇلگىسىندەگى بايىرعى قۇرىلىسقا قىزىل تۇمشالامالى شامدار ءىلىنىپ، بازار قىپ - قىزىل بوساعالىققا، تەرەزە گۇلىنە ويۋلارىنا تولادى، كوشەدە ادامدار قايشالىسىپ، مەرەكەلىك بۇيىمداردى ساتىپ الىپ قاربالاس كۇيگە تۇسەدى. مەملەكەت دارەجەلى ساياحات، سەيىل ـ سەرۋەن كوشەسى رەتىندە، تيانجين بايىرعى مادەنيەت كوشەسى شار تاراپتان كەلگەن قوناقتاردى باۋرايدى.

2024 - جىلى كوكتەم مەرەكەسى قارساڭىندا، باس شۋجي شي جينپيڭ وسى ارادا قىزمەت تەكسەرگەندە بىلاي دەپ اتاپ كورسەتتى: ”جۇڭگو ۇلگىسىندەگى وسىزامانداندىرۋ تاڭداۋلى ءداستۇرلى مادەنيەتكە مۇراگەرلىك ەتۋدەن جانە ونى ساۋلەلەندىرۋدەن ايرىلا المايدى، تيانجين − ەرەكشەلىگى مەن دارالىعى كۇشتى قالا، تاريحي مادەنيەت كوشە - اۋماعىن ويداعىداي قورعاپ جانە ودان ويداعىداي پايدالانىپ، ونىڭ وسىزاماندانعان ءىرى قالا قۇرىلىسىندا ەرەكشە كەلبەتىن ايگىلەۋىنە مۇمكىندىك جاساۋ كەرەك“. 2025 - جىلعى جاڭا جىلدى قۇتتىقتاۋ سوزىندە باس شۋجي شي جينپيڭ: ”تيانجيندەگى بايىرعى مادەنيەت كوشەسىندە ادام اياعى ۇزىلمەيدى ەكەن“ دەپ سول كەزدەگى كورىنىستى كەشەگىدەي ەسىنە الدى.

بەيزاتتىق مادەنيەت مۇرالارى مەن ۇلتتىق سالت - سانا مادەنيەتىن جاندى تۇردە ايگىلەدى، كوپ نەگىزدى تۇتىنۋ ورتاسىن جاڭالادى، نەگىزدىك قۇرىلعىلاردى جۇيەلى قورعاپ، جوندەدى تيانجيننىڭ بايىرعى مادەنيەت كوشەسى قورعاۋ بارىسىندا دامىپ، دامۋ بارىسىندا قورعالىپ، ءداستۇرلى مادەنيەت پەن وسى زامانعى وركەنيەت ءوزارا توعىسىپ، ءبىر - ءبىرىن ارلەندىردى.

كوكتەم مەرەكەسى تاياپ قالدى، حىبەيدەن تيانجينگە جۇمىس بىتىرۋگە كەلگەن جياڭ چين ەرلى ـ زايىپتى ەكەۋى اۋىلدارىنا قايتۋدان بۇرىن بايىرعى مادەنيەت كوشەسىنەن مەرەكەلىك زات ساتىپ الدى.

بايىرعى مادەنيەت كوشەسىنىڭ بەيمىن ەسكەرتكىش عيماراتىنا بارعاندا، كۇيەۋى قۇلاق ءپىشىندى قاتتاما ساتىپ الدى، جياڭ چين قول تەلەفونىن الىپ شىعىپ، ادام اياعى ازايعان ساتتە سۋرەتكە ءتۇسىپ ەستەلىك قالدىرماق بولدى.

جاڭا پىسقان قۇلاق ءپىشىندى قاتتامانىڭ سىرتقى قاباتى جۇمساق ءارى جابىسقاق بولادى. ”كىشكەنتاي كەزىمدە كوكتەم مەرەكەسىندە قاتتاما جەسەك، ءماز بولاتىنبىز، مىنە، بۇدان بۇل بالالىق شاقتىڭ ەستەمەسى ەدى“ دەدى جياڭ چين كۇلىمسىرەپ.

ەكەۋى ءدامدى تاعامداردى ساتىپ الىپ، ىلە - شالا قولونەر بۇيىمدارى − تەرەزە ويۋلارى مەن كوكتەم بوساعالىعىن ساتىپ الۋعا باردى.

”بالشىق ادام جاڭ“ دەپ اتالاتىن دۇكەندە 7 − 8 شەتەلدىك ساياحاتشى بالالارىن ەرتىپ ءتۇستى مۇسىندەردى تاماشالاۋدا. ”تۋىندىنىڭ ماتەريالى تۇگەلدەي بالشىق پا؟ بارلىعى قولمەن يلەنگەن بە؟“ دۇكەن قىزمەتكەرىنىڭ ”ءيا“ دەگەن جاۋابىن ەستىگەن ولار تاڭىرقاپ، القاۋ ءبىلدىردى.

بۇل كۇندە ”بالشىق ادام جاڭ“ ءتۇستى مۇسىندەرىنىڭ 6 – ۇرپاق مۇراگەرى جاڭ يۇيچاڭ تيانجيندەگى باستاۋىش، ورتا، جوعارى مەكتەپتەرگە بارىپ، بالشىق ءمۇسىن جاساۋ ونەرىمەن ورتاقتاسىپ، جاس ۇرپاقتارعا بەيزاتتىق مادەني مۇرانىڭ كوركەمدىگىن سەزىندىرۋدە. ول: ”كەلەسى قادامدا ماركامىزدى شەتەل بازارىنا كەڭەيتىپ، ءتىپتى دە كوپ ادامعا جۇڭگونىڭ ءداستۇرلى قولونەرىنىڭ باۋراۋ قۋاتىن ۇعىندىرامىز“ دەدى.

وڭتۇستىككە قاراي 200 مەتر جۇرگەندە، ياڭليۋ جاستار سۋرەت دۇكەنىنە كەز بولدىق، وندا ”جىل سايىن مول ءونىم بولسىن“ دەگەن رامكالى مەرەكەلىك سۋرەت، ”وتباسىمىزعا باقىت قونسىن“ دەگەن شيىرشىقتامالى سۋرەت قويىلىپتى، سونداي - اق مەرەكەلىك سۋرەت ەلەمەنتتەرى قامتىلعان سومكە، توڭازىتقىش جاپسىرماسى، كىلت ىلگىش سياقتى مادەنيەت جاسامپازدىعى ونىمدەرى بار ەكەن.

”بوياۋى قانىق سازان بالىق قۇشاقتاعان سەمىز بالادان سىرت، تاعى «ءتورت ونەردىڭ قاپىسىز قيىسۋى» سياقتى مەرەكەلىك تۇسكە يە سۋرەتتەر دە بار، جاستاردى ەرەكشە باۋرايدى“. ياڭليۋ جاستار سۋرەتحاناسىنىڭ بوياۋلى سۋرەتشىسى ۋاڭ يان بىلاي دەدى: جاسامپازدىق تاراۋى بايىرعى كوركەمونەردى وسى زامانعى تۇرمىسقا ءسىڭىرىپ، ”مەرەكە كەزىندە عانا جاپسىرىلاتىن سۋرەتتى“ ”جىل بويى تىزۋگە بولاتىن سۋرەتكە“ اينالدىردى.

2024 - جىلى 2 - ايدان بەرى تيانجين قالاسى نانكاي رايونى بايىرعى مادەنيەت كوشەلەرىن قورعاۋدى جانە جوندەۋدى كۇشەيتۋ نەگىزىندە، ”داي چۇنلين“ سياقتى 5 بەيزاتتىق مادەنيەت مۇراعاتتارى بايىرعى ماركا دۇكەنىن جانە شياڭشىڭ قوعامى، بەيزاتتىق مادەنيەت مۇراعاتتارى سارايى سياقتى مادەنيەت كاسىپ كۇيىن ەنگىزدى. بۇگىنگى تاڭدا 600 مەتر ۇزىندىقتاعى بايىرعى مادەنيەت كوشەسىنە 34 بەيزاتتىق مادەنيەت دۇكەنى، بايىرعى ماركا شوعىرلانعان، مادەنيەت تۇرىندەگى كاسىپ فورماسى %60 ۇلەستى ۇستاپ وتىر.

”ۇلتتىق سالت ـ سانا مادەنيەتى ەرەكشەلىگىنە يە ساۋداگەرلەردى ەنگىزۋدەن سىرت، بىلتىر بايىرعى مادەنيەت كوشەسى 100 نەشە رەت قيمىل وتكىزىپ، كوپ نەگىزدى تۇتىنۋ جاعدايىندا جاڭالىق اشىپ، تيانجيننىڭ ءدامىن، جۇڭگو ستيلىن، مادەنيەت بوياۋىن ءتۇيىندى تۇردە ايگىلەپ، ومىرشەڭدىك كۇشكە يە كوشە رايونىن قۇرىپ، مادەنيەت ساياحات كاسىبىنىڭ دامۋىن جەبەدى“ دەدى نانكاي رايونى بايىرعى مادەنيەت كوشەسىن باسقارۋ كوميتەتىنىڭ مەڭگەرۋشىسى جاڭ حۇڭپىڭ.

2024 ـ جىلى بايىرعى مادەنيەت كوشەسى جالپى 13 ميلليون 500 مىڭ ادام ـ رەت ساياحاتشى قابىلداپ، الدىنداعى جىلدىڭ سايكەس مەزگىلىندەگىدەن %10.9 ارتتى. 2024 – جىلى 11 - ايدا بايىرعى مادەنيەت كوشەسى تۇرعىن ءۇي، قالا – اۋىل قۇرىلىسى مينيسترلىگىنىڭ تۇڭعىش توپتاعى تاريحي مادەنيەت كوشەلەرىن قورعاۋ، پايدالانۋ تاجىريبەلەرى مەن ادىستەرىن جالپىلاستىرۋ تىزىمدىگىنە ەنگىزىلدى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى