2025.01.20 16:27 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 17 - كۇنى حاڭجوۋدان بەرگەن حابارى. 1 – ايدىڭ 17 – كۇنى، جىجياڭ ولكەسى نيڭبو قالالىق ورتا دارەجەلى حالىق سوت مەكەمەسى ءبىرىنشى سوتتا جاراتىلىستىق بايلىق مينيسترلىگى پارتگرۋپپاسىنىڭ بۇرىنعى مۇشەسى، جۇڭگو گەولوگيالىق تەكسەرۋ مەكەمەسى پارتگرۋپپاسىنىڭ بۇرىنعى شۋجيى، مەكەمە باستىعى جۇڭ زىراننىڭ پارا الۋ دەلوسىنا، مەملەكەت قۇپيالىعىن قاساقانا شاشۋ دەلوسىنا سوت اشتى. پارا العان بولەگىن اشىق قارادى؛ مەملەكەت قۇپيالىعىنا ساياتىندىقتان، مەملەكەت قۇپيالىعىن قاساقانا شاشقان بولەگىن زاڭ بويىنشا اشىق قارامادى.
نيڭبو قالالىق حالىق پروكۋراتۋراسى بىلاي دەپ ايىپتادى: 2011 – جىلدان 2023 – جىلعا دەيىن، ايىپكەر جۇڭ زىران جۇڭگو گەولوگيالىق تەكسەرۋ مەكەمەسى پارتگرۋپپاسىنىڭ ورىنباسار شۋجيى، ورىنباسار مەكەمە باستىعى، مەملەكەت جەر بايلىعى مينيسترلىگىنىڭ بۇرىنعى باس ينجەنەرى، بۇرىنعى مەملەكەت جەر بايلىعى مينيسترلىگى پارتگرۋپپاسىنىڭ مۇشەسى، جاراتىلىستىق بايلىق مينيسترلىگى پارتگرۋپپاسىنىڭ مۇشەسى، جۇڭگو گەولوگيالىق تەكسەرۋ مەكەمەسى پارتگرۋپپاسىنىڭ شۋجيى، مەكەمە باستىعى قاتارلى قىزمەت مىندەتى جاعىنداعى قولايلىلىقتاردان، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ قاتىستى ورىندار مەن جەكەلەردىڭ نىساندى كوتەرمەگە الۋى، كاسىپورىن تيجاراتى، مىندەتىن جوعارىلاتۋ قاتارلى ىستەرىنە كومەك كورسەتىپ، زاڭسىز العان مال - مۇلكى حالىق اقشاسىنا سىندىرعاندا جيىنى 23 ميلليون 560 مىڭ يۋاننان اسقان. 2019 – جىلى، جۇڭ زىران مەملەكەت قۇپيالىعىن ساقتاۋ زاڭىنداعى بەلگىلەمەلەرگە قايشىلىق جاساپ، قۇپيا قۇجاتتاردى كورۋىنە بولمايتىن ادامدارعا كورسەتكەن ءارى ساقتاتقان، اۋىر قىلمىس وتكىزگەن. پروكۋراتۋرا ورگانى پارا الۋ قىلمىسى، مەملەكەت قۇپيالىعىن قاساقانا شاشۋ قىلمىسى بويىنشا جۇڭ زىراننىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
پروكۋراتۋرا ورگانى قاتىستى دالەل - سىپاتتاردى كورسەتتى، ايىپكەر جۇڭ زىران جانە ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى جاق سوتتىڭ باسقارۋىندا تولىق پىكىر ايتتى، جۇڭ زىران ەڭ سوڭعى ءسوزىن سويلەدى، سوت ۇستىندە قىلمىسىن تانىپ، وكىنەتىندىگىن ءبىلدىردى.
ەڭ سوڭىندا سوت ءۇزىلىس جاساعانىن، ۇكىمىن ارتىنان جاريالايتىندىعىن ايتتى.
حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارت تىلشىلەرىنەن جانە ءار سالاداعى بۇقارادان 60 تان استام ادام اشىق سوت جۇرگىزۋ ءبولىمىنىڭ تەرگەۋىن سىرتتاي تىڭدادى.
كەلۋ قاينارى: حالىق تورابى