بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

«ورتالىق كوميتەت ساياسي بيۋروسى تۇراقتى كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتگرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋ جانە زەرتتەۋ جالپىلىق جاعدايى جونىندەگى باياندامانى»، «حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى جاپپاي ىلگەرىلەتۋ جونىندەگى پىكىردى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

2025.01.21 18:56     كەلۋ قاينارى : حالىق تورابى

شينحۋا اگەنتتىگى، 1 - ايدىڭ 20 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 1 - ايدىڭ 20 - كۇنى ءماجىلىس اشىپ، «ورتالىق كوميتەت ساياسي بيۋروسى تۇراقتى كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتگرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋ جانە زەرتتەۋ جالپىلىق جاعدايى جونىندەگى باياندامانى»، «حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى جاپپاي ىلگەرىلەتۋ جونىندەگى پىكىردى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتگرۋپپالارىنىڭ جانە ورتالىق كوميتەت شۋجيچۋىنىڭ 2024 - جىلعى قىزمەتىن تولىق تۇراقتاندىرىپ، ولاردىڭ 2025 - جىلعى قىزمەت ورنالاستىرۋىنا ماقۇل بولدى. ءماجىلىس بىلاي دەپ قارادى: وتكەن ءبىر جىلدا 5 پارتگرۋپپا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بورىش پەن جاۋاپكەرشىلىكتى كۇشەيتىپ، مىندەتتى تىڭعىلىقتى اتقارىپ، جاۋاپكەرشىلىكتى ادا ەتىپ، پارتگرۋپپانىڭ وزىندىك قۇرىلىسىن نىعايتىپ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگىن مۇقيات اتقارىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوستى. ورتالىق كوميتەتتىڭ شۋجيچۋى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا مىندەتىن اتقارىپ، جاۋاپكەرشىلىگىن ادا ەتىپ، بەلسەنە ءىس تىندىرىپ، پارتيا ورتالىق كوميتەتىنىڭ قاتىستى شەشىم، ورنالاستىرۋلارىنىڭ تياناقتانۋىن ىلگەرىلەتۋ، پارتيا ىشىندەگى زاڭ - ەرەجە قۇرىلىسىن كۇشەيتۋ، بۇقارالىق ۇيىمدار قۇرىلىسى مەن رەفورماسىنا جەتەكشىلىك ەتۋ، فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ سياقتى جاقتاردا قىرۋار قىزمەت ىستەدى.

ءماجىلىس بىلاي دەپ باسا دارىپتەدى: جاڭا ءبىر جىلدا 5 پارتگرۋپپا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى سىندى ەڭ جوعارى ساياسي پرينسيپكە تاباندى بولىپ، يدەيانىڭ بىرلىككە كەلۋىنە، بەتالىستىڭ بىركەلكى بولۋىنا، بۇيرىقتى بۇلجىتپاي اتقارۋعا كەپىلدىك ەتۋى كەرەك. دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، ىسكەرلىكتى ماڭداي الدى ورىنعا قويۋعا تاباندى بولىپ، قايراتتانا العا ۇمتىلىپ، شەبەرلىكپەن ىستەپ، رەفورمادان قامال الۋدى كۇش بىرىكتىرە ىلگەرىلەتىپ، جوعارى ساپالى دامۋدى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ جاڭا جورىعىندا تىڭ جاۋاپكەرشىلىك ارقالاپ، تىڭ ىسكەرلىك كورسەتۋ كەرەك. ورتالىق كوميتەت شۋجيچۋى ءوز قىزمەت جاۋاپكەرشىلىگىن تياناق ەتىپ، ساياسي قابىلەتتى نىعايتىپ، ءتۇيىندى قىزمەتتەردى تياناقتاندىرۋدى مىقتى يگەرىپ، وزىندىك قۇرىلىسىن قاتاڭ كۇشەيتىپ، پارتيا ورتالىق كوميتەتى تاپسىرعان ءتۇرلى مىندەتتەردى جوعارى ساپامەن ورىنداۋى كەرەك.

ءماجىلىس بىلاي دەپ اتاپ كورسەتتى: حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ −جۇڭحۋا ۇلتىنىڭ ۇلى گۇلدەنۋى مەن باياندى دامۋىنا ساياتىن بولاشاقتىق ۇلى جوسپار، پارتيا ورتالىق كوميتەتىنىڭ ستراتەگيالىق ويىن ىشكەرىلەي يگەرىپ، قورعاۋعا ءمان بەرۋ، جونگە سالۋ ستراتەگيالىق تالابىن مىقتاپ يگەرىپ، رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتىپ، حۋاڭحى وزەنىن قورعاۋ زاڭىنىڭ جاپپاي اتقارىلۋىن ىلگەرىلەتىپ، تابيعات زاڭدىلىعىنا قۇرمەت ەتىپ، سۋ مەن حالىق سانىنىڭ، استىقتىڭ، ەنەرگيانىڭ قاتىناسىن ويداعىداي شەشۋگە باسا ءمان بەرىپ، دامۋ تاسىلىندە جاپپاي جاسىل دامۋعا بۇرىلىس جاساۋدى ىلگەرىلەتۋ كەرەك.

ءماجىلىس بىلاي دەپ باسا دارىپتەدى: حۋاڭحى وزەنى الابىنىڭ ەكولوگياسىن جاپپاي قورعاۋ، جاپپاي سايكەستىرۋ جاعدايىن ۇزدىكسىز كەمەلدەندىرىپ، جوعارعى اعارداعى سۋ قاينارىن جاقسارتۋ قابىلەتىن جۇيەلى جوعارىلاتىپ، ورتا اعارداعى سۋدىڭ زايا بولۋىنان، توپىراقتىڭ شايىلۋىنان ساقتانۋدى كۇشەيتىپ، تومەنگى اعارداعى سازدىقتاردى قورعاۋ مەن ەكولوگيانى جونگە سالۋدى ىلگەرىلەتۋ كەرەك. سۋ بايلىعىن ەڭ ۇلكەن بۇلجىماس تەجەم ەتىپ، سۋ ۇنەمدەۋدىڭ كومەسكى كۇشىن ىشكەرىلەي اشۋ كەرەك. حۋاڭحى وزەنىنىڭ باياندى تىنىشتىعىن تيتتەي دە بوساڭسىماي قامتاماسىزداندىرىپ، ماڭىزدى توسپالاردىڭ، سۋ قويمالارىنىڭ جانە نەگىزدىك قۇرىلعىلاردىڭ حاۋىپسىزدىگىنە كەپىلدىك ەتۋ كەرەك. رەفورمانى جاپپاي تەرەڭدەتىپ، ەسىكتى ايقارا اشىپ، باتىس بولەكتى قاۋىرت اشۋ، ورتا بولەكتى كوركەيتۋ سياقتى وڭىرلىك ستراتەگيالارمەن ۇشتاسۋدى كۇشەيتىپ، جوعارى ساپالى دامۋ جاعىندا ۇزدىكسىز تىڭ تابىستارعا قول جەتكىزۋ كەرەك. حۋاڭحى مادەنيەتىن قورعاپ، جالعاستىرىپ، ساۋلەلەندىرىپ، مادەنيەت مۇرالارىن جالپى تۇلعالىق، جۇيەلى قورعاۋدى كۇشەيتىپ، تاريحي مادەنيەت جۇلگەسى مەن ۇلتتىق تامىرعا مۇراگەرلىك ەتىپ، مادەنيەت پەن ساياحاتتىڭ توعىسپالى دامۋىن ىلگەرىلەتۋ كەرەك. ورتالىقتىڭ وڭىرلەردى سايكەستى دامىتۋعا باسشىلىق ەتۋ گرۋپپاسى ءبىر تۇتاس سايكەستىرۋدى جانە قۋزاۋ، جەتەكشىلىك ەتۋدى كۇشەيتۋى، ورتالىقتاعى قاتىستى تاراۋلار قولداۋ تەبىنىن ارتتىرۋى، حۋاڭحى وزەنىنىڭ جاعالاۋىنداعى ولكە، اۆتونوميالى رايونداردىڭ ءار دارەجەلى پارتكومدارى مەن ۇكىمەتتەرى تۇلعالىق جاۋاپكەرشىلىكتى شىنايى اتقارىپ، پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، ءتۇيىندى مىندەتتەردىڭ تياناقتانۋىن تىڭعىلىقتى ىلگەرىلەتىپ، كەلەلى رەفورما ىستەرىن ناقتىلاندىرۋى كەرەك.

ءماجىلىس باسقا ىستەردى دە زەرتتەدى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى