2025.01.21 18:57 كەلۋ قاينارى : حالىق تورابى
1 - ايدىڭ 20 - كۇنى شي جينپيڭ، ۋاڭ حۋنيڭ، ساي چي قاتارلىلار بەيجيڭدەگى حالىق سارايىندا پارتيا سىرتىنداعى قايراتكەرلەرمەن ءبىر اراعا باس قوسىپ، مەرەكەنى بىرگە قارسى الدى.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
«حالىق گازەتى»، 1 - ايدىڭ 20 - كۇنى، بەيجيڭ (ءتىلشى شۇي جۇن). جۇڭحۋا ۇلتىنىڭ ءداستۇرلى مەرەكەسى −جىلان جىلعى كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 20 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر اراعا باس قوسىپ، مەرەكەنى بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە شىنايى سالەم جولدادى جانە كوكتەم مەرەكەسىنە قۇتتى بولسىن ايتتى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلدەرى شيە شياۋلياڭ، شۇي ۋەيگاڭ قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارلارى حى حوۋحۋا، لياڭ جىنيىڭ، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ باسشىلىق ورنىنان بوساعان بۇرىنعى ءتوراعالارى، ءبىرىنشى ورىنباسار ءتوراعالارى جانە ۇنەمىلىك ىستەرگە جاۋاپتى ورىنباسار ءتوراعالارى دا ۇسىنىس بويىنشا قاتىناستى.
ساي دافىڭ دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنالاردى ءبىلدىردى: 2024 - جىلى شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تۋدى بيىك ۇستاپ، ۇدەرە العا تارتىپ، جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسىن جەڭىسپەن اشىپ، رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ كەلەلى شەشىمىن جاساپ، سىن - سايىسقا بايسالدىلىقپەن توتەپ بەرىپ، رەفورما مەن دامۋدا وڭاي - وسپاق قولعا كەلمەگەن تىڭ تابىستارعا قول جەتكىزدى. جاڭا ءبىر جىلدا ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر سانالى تۇردە شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، نازاردى پارتيا مەن مەملەكەتتىڭ وزەكتى قىزمەتىنە شوعىرلاندىرىپ، اقىل - پاراساتتى، كۇش - قۋاتتى شوعىرلاندىرىپ، سىندارلى اقىل - كەڭەس بەرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ ۇلى ءىسىنىڭ جاڭا تاراۋىن بىرگە جازۋى كەرەك.
ساي دافىڭنىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 2024 - جىل قيىندىقتاردان قامال الىپ، ۇدەرە العا تارتقان ءبىر جىلىمىز بولدى. ءبىر جىلدان بەرى جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاعدايعا سايكەسىپ، جان - جاقتى شارا قولدانىپ، ەكونوميكالىق، قوعامدىق دامۋدىڭ باستى نىسانا - مىندەتتەرىن ءساتتى ورىنداپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستادى. ءبىز ءار دارەجەلى ورىنداردى، ءار جاقتى ءتيىمدى شارت - جاعداي مەن ءتيىمسىز فاكتورلاردى دۇرىس يگەرۋگە جەتەكتەپ، ستراتەگيالىق تۇراقتىلىقتى ساقتاپ، ءسوزسىز جەڭىسكە جەتۋ سەنىمىن كۇشەيتتىك. ءبىز ءتۇرلى ىركىندى ساياساتتاردى ءونىمدى تياناقتاندىرىپ، ءبىرقىدىرۋ ارتۋ ساياساتىن كۇش سالا العا قويىپ، جوعارى ساپالى دامۋدى تىڭعىلىقتى ىلگەرىلەتتىك، ەلىمىز ەكونوميكاسى جاقسارىپ، ىشكى ءوندىرىستىڭ جالپى ءونىم قۇنى %5 ارتتى. ءبىز دەربەس جاڭالىق اشۋدى كۇشەيتىپ، عىلىم - تەحنيكانىڭ الدىڭعى لەگىندە ءبىرقىدىرۋ تىڭ ناتيجەگە قول جەتكىزىپ، جاڭاشا وندىرگىش كۇشتەردىڭ دامۋىن پارمەندى ىلگەرىلەتتىك. ءبىز رەفورمانى ونان ارى جاپپاي تەرەڭدەتىپ، ءتۇرلى ىستەردى سايكەستىرۋگە، قاتار ىلگەرىلەتۋگە ءمان بەرىپ، حالىق تۇرمىسىن پارمەندى، تىڭعىلىقتى قامتاماسىز ەتىپ، حالىق بۇقاراسىن اناعۇرلىم كوپ تابىس سەزىمىنە كەنەلتتىك. ءبىز دامۋ مەن حاۋىپسىزدىكتى ءبىر تۇتاس جوسپارلاپ، قوعامدىق جالپى جاعدايدىڭ ورنىقتىلىعىن ساقتادىق. ءبىز جۇڭگوشا ءىرى ەلدىك ديپلوماتيانى ىشكەرىلەي ىلگەرىلەتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا، ادامزاتتىڭ دامۋى مەن العا باسۋىن جەبەۋگە اناعۇرلىم كوپ وڭ ەنەرگيا قوستىق. ءبىز پارتيا ءتارتىبىن ۇيرەنۋ تاربيەسىن تىڭعىلىقتى ورىستەتىپ، ستيلدى تاباندىلىقپەن دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، پارتيا ستيلىن، ۇكىمەت ستيلىن ۇزدىكسىز جاقسارتتىق. وسى ناتيجەلەرگە قول جەتكىزۋ −جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، سونداي - اق دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ، قايسارلىقپەن كۇرەس جۇرگىزۋىنىڭ ناتيجەسى.
شي جينپيڭ بىلاي دەپ اتاپ كورسەتتى: 2024 - جىل ءارى كوپ پارتيا سەلبەستىگى ىستەرى تۋراشىلدىقتان تايماي جاڭالىق اشقان، قارىشتاپ دامىعان ءبىر جىل بولدى. دەموكراتيالىق پارتيا - توپتار مەن پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي دايەكتىلەندىرىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، بەلسەنە اقىل - كەڭەس بەرىپ، دەموكراتيالىق باقىلاۋدى كۇشەيتىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىندا، ءونىمدى شارا قولدانۋىندا بەلسەندى رول اتقاردى. مەملەكەتتىك ونەركاسىپشىلەر مەن ساۋداگەرلەر بىرلەستىگى حالىقتىق شارۋاشىلىقتىڭ دامۋىن، زورايۋىن جەبەۋ ساياساتىن تياناقتاندىرۋعا دەم بەرىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن، جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋ ءۇشىن قىرۋار قىزمەت ىستەدى. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى!
شي جينپيڭ بىلاي دەپ باسا دارىپتەدى: 2025 - جىل − ”14 - بەسجىلدىق“ جوبانىڭ اياقتالاتىن جىلى. ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، جوعارى ساپالى دامۋدى زەيىندى شوعىرلاندىرا وتىرىپ ويداعىداي يگەرىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتىپ، ەكونوميكالىق، قوعامدىق دامۋدىڭ تاماشا اۋقىمىن ساقتاپ، ”14 - بەسجىلدىق“ جوبانىڭ نىسانا - مىندەتتەرىن تابىسپەن ورىنداپ، ”15 - بەسجىلدىقتىڭ“ تاماشا باستاماسىنا بەرىك نەگىز قالاۋ كەرەك. ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر وزەكتى ارقاۋ ەتىپ، جالپى جاعدايعا قىزمەت ەتىپ، ءوز ارتىقشىلىقتارىن ساۋلەلەندىرىپ، اناعۇرلىم كەڭ كولەمدە جۇرت تىلەگىن ۇيىستىرۋى، ورتاق تانىمدى ۇيىستىرۋى، اقىل - پاراساتتى ۇيىستىرۋى، كۇش - قۋاتتى ۇيىستىرۋى كەرەك.
شي جينپيڭ دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، ساياسي دەڭگەيدى جوعارىلاتىپ، سەنترلەس شەڭبەردى ونان ارى ويداعىداي سىزۋ كەرەك. جۇڭگو كوممۋنيستىك پارتياسىنىڭ باسشىلىعى سىندى جۇڭگوشا جاڭاشا ساياسي پارتيا ءتۇزىمىنىڭ ءتۇبىرلى ەرەكشەلىگىن مىقتى يگەرىپ، جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، سەنىمدى كۇشەيتۋ، جۇرت تىلەگىن توعىستىرۋ، جۇرت جۇرەگىن جىلىتۋ، تىلەكتەس بولۋ قىزمەتىن كوبىرەك ىستەپ، ءار جاقتاعى بەلسەندى فاكتورلاردى دامۋدىڭ ونىمدىلىگىنە شىنايى اينالدىرۋ كەرەك. ەكىنشى، وزەكتى قىزمەتتى مىقتى يگەرىپ، بەلسەنە اقىل - كەڭەس بەرىپ، كۇش قوسۋ كەرەك. رەفورمانى اناعۇرلىم جاپپاي تەرەڭدەتۋ، جوعارى ساپالى دامۋدى ىلگەرىلەتۋ، ”15 - بەسجىلدىق“ پلان ۇسىنىسىن جاساۋ سياقتىلاردى تىعىز ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ىسىنە اقىل - كەڭەس بەرىپ، چاڭجياڭ وزەنىنىڭ ەكولوگيالىق ورتاسىن قورعاۋداعى ءتۇيىندى، قيىن ماسەلەلەرگە ۇزدىكسىز نازاردى شوعىرلاندىرا وتىرىپ دەموكراتيالىق باقىلاۋ جۇرگىزۋ كەرەك. حالىقتىق شارۋاشىلىق قايراتكەرلەرىن شارۋاشىلىق قۇرۋ ىنتاسىن ساقتاۋعا، دامۋ سەنىمىن ارتتىرۋعا جەتەكتەپ، حالىقتىق كاسىپورىنداردى جۇڭگوشا وسىزامانعى كاسىپورىن ءتۇزىمىن ورناتۋعا جانە كەمەلدەندىرۋگە، جوعارى ساپالى دامۋدى قۇلشىنا جۇزەگە اسىرۋعا جەتەكتەۋ كەرەك. ءۇشىنشى، وزىندىك قۇرىلىستى كۇشەيتىپ، مىندەت وتەۋ قابىلەتىن جوعارىلاتۋ كەرەك. ساياسي جەتەكشىلىكتى كورنەكتىلەندىرىپ، قالىڭ مۇشەلەردى اۋەلگى ماقساتتى، بورىشتى ۇمىتپاي، تاڭداۋلى ءداستۇردى جالعاستىرىپ، ەكپىندەي ىلگەرىلەيتىن كۇش قابىلداۋعا جەتەكتەۋ، شابىتتاندىرۋ كەرەك. ءتارتىپ ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، جۇڭگو كوممۋنيستىك پارتياسى ورتالىق كوميتەتىنىڭ 8 ءتۇرلى بەلگىلەمەسىنىڭ رۋحىن ۇزدىكسىز تياناقتاندىرىپ، ستيلگە بۇرىلىس جاساۋدى ىلگەرىلەتىپ، تاماشا ساياسي ەكولوگيانى بەكەمدەۋ جانە دامىتۋ كەرەك.
شى تايفىڭ، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
كەلۋ قاينارى: حالىق تورابى