”بالا باعۋ قوسىمشا قاراجاتىن“ الۋ دەگەن اتتى جامىلعان الدامكوستىك جارىققا شىقتى! كوپ جەردە ساقشى جاق شۇعىل ەسكەرتۋ شىعاردى

2025 – جىلى 1 – ايدىڭ 1 – كۇنىنەن باستاپ، ءار ءبىر بالانى باعۋعا ءار جىلى 3600 يۋان قوسىمشا قاراجات بەرىلەدى، بالا 3 جاسقا كەلگەنشە تاراتىلادى — مەملەكەتتىك بالا باعۋ قوسىمشا قاراجاتى ءتۇزىمىنىڭ اتقارىلاتىن جوباسى 7 – ايدىڭ 28 – كۇنى جاريالاندى. بۇل مەملەكەت بويىنشا اتقارىلاتىن حالىق تۇرمىسىنا ساياتىن ماڭىزدى ساياسات، ەلىمىز كولەمىندە بالا تاربيەلەپ وتىرعان وتباسىلارعا جاپپاي ناق اقشا بويىنشا تىكەلەي قوسىمشا قاراجات تاراتىلادى، بۇل شارا وتباسىلاردىڭ بالا باعۋ جاعىنداعى اۋىرتپالىعىن جەڭىلدەتەدى.

الايدا، حالىققا ءتيىمدى ساياسات شىعارىلىسىمەن الدامكوستەر وسى ماڭىزدى اقپاراتتان پايدالانىپ، جاڭاشا الدامكوستىكتىك جاساپ شىققان. جۋىردا كوپ جەردە ساقشى جاق ەسكەرتۋ جاريالاپ، كەلۋ قاينارى بەلگىسىز تەلەفون نومىرلەر مەن جالعانىمدارعا سەنبەۋدى ەسكەرتتى.

8 – ايدىڭ 4 – كۇنى، يۇننان ولكەسى جاۋياڭ ساقشى جاعى جۇرتشىلىق اڭىس ەتكەن ماسەلەنىڭ دەرەگىن تاپسىرىپ العان، اتاپ ايتقاندا، جۇرتشىلىق الەۋمەتتىك جەلىدە قوسىمشا قاراجات الۋ تۋرالى ۇقتىرۋدى تاپسىرىپ العان، ۇقتىرۋدا ولارعا شەكتى مەرزىم ىشىندە ءبىتىرۋ كەرەكتىگى ايتىلىپ، ”جالعانىم“ بەرىلگەن، جالعانىمدى اشقان سوڭ قالىپسىز جاعداي بايقالعان.

كوپ جەردەگى ساقشى مەكەمەلەرى مىنانى ەسكەرتەدى:

”بالا باعۋ قوسىمشا قاراجاتىن“ جەلەۋ ەتكەن ءتۇرلى الدامكوستىكتەردەن ساق بولىڭىزدار

يۇننان جاۋياڭ ساقشى جاعى مىنانى ەسكەرتەدى: ەگەر بىرەۋلەر تەلەفون، كەلتە حات، الەۋمەتتىك جەلى ارقىلى سىزبەن حابارلاسىپ، ”بالا باعۋ قوسىمشا قاراجاتىن“ الۋ ارنالارىن جولداسا، بۇل الدامكوستىك! استە، سەنبەڭىز!

الدا – جالدا ابايسىزدا جالعانىمدى اشساڭىز، اتى – ءجونى، ازاماتتىق كۋالىك ءنومىرى، بانكە كارتۋچكاسىنىڭ ءنومىرى، كۋالاندىرۋ كودى قاتارلىلاردى جازۋدى نەمەسە بەت – الپەتىڭىزدى تانىتۋدى تالاپ ەتسە، وندا الدامكوستىك بولعانى! استە، سەنبەڭىز!

قازىر جەر – جەر ءالى ”بالا باعۋ قوسىمشا قاراجاتىن“ تاراتاتىن ارنالاردى اشقان جوق، ەگەر كەڭەس سۇراۋدى قاجەت ەتسەڭىز، بالاڭىزدىڭ نوپوسى تۇرعان جەردەگى اۋىل – قالاشىققا، ءمالى باسقارماسىنا بارىپ بەتپە – بەت سۇراستىرىڭىز.

مۇنان سىرت، 7 – ايدىڭ 31 – كۇنى انحۇي ولكەسى جيشي اۋداندىق ساقشى مەكەمەسى دە رەسمي ينتەرنەت پاراقشاسىندا مىناداي ەسكەرتۋ جاريالاعان:

قازىر سىزگە حابارلاسىپ ”ەكى ولشەمدى كودتى جايمالاۋ ارقىلى قوسىمشا قاراجات الاسىز“ دەگەندەر بارلىعى، ءسوزسىز، الدامكوستەر!

بانكە كارتۋچكاسىن كۋالاندىرۋدى تالاپ ەتكەندەردىڭ بارلىعى، ءسوزسىز، الدامكوستەر!

ەگەر اتالمىش ”قوسىمشا قاراجات“ تاراتاتىن شاعىن پروگرامما نەمەسە App قولدانباسى حابارلاسۋ تىزىمدىگىنە كىرۋ ۇقىعىن، كەلتە حاتتى وقۋ ۇقىعىن، ساقتاۋ ۇقىعىن اشۋدى تالاپ ەتسە، ءسوزسىز، قىراعىلىقتى ارتتىرىڭىز.

ساقشى جاق مىنانى ەسكەرتەدى: قوسىمشا قاراجاتتى الۋ ءۇشىن، ءسوزسىز، رەسمي ارنالارعا نازار اۋدارىڭىز، استە، كەلۋ قاينارى انىق بولماعان سەنىمسىز اقپاراتتارعا سەنبەڭىز.

كەلۋ قاينارى: حالىق تورابى