جاراتىلىستىق بايلىق مينيسترلىگى تەڭىز – مۇحيتتاعى اپاتقا بايلانىستى گۋاڭدۇڭدا 3 – دارەجەلى شۇعىل جاعدايعا توتەپ بەرۋ شارالارىن ىسكە قوسقان 

بيىلعى 16 – ءنومىرلى تايفىڭ داۋىلى ”تاپاحتىڭ“ (ىستىق بەلدەۋلىك داۋىل دارەجەسىندە) ىقپالىنا ۇشىراعاندىقتان، گۋاڭدۇڭنىڭ باتىس بولىگىندەگى تەڭىز جاعالاۋىنا جاقىن تەڭىزدە 3 – 4.5 مەترلىك زور تولقىن مەن جويقىن تولقىن تۋىلادى، گۋاڭدۇڭداعى تەڭىز جاعالاۋىندا داۋىلدى تولقىن تۋىلادى، مەملەكەتتىك تەڭىز – مۇحيت ورتاسىنا قاتىستى بولجام جاساۋ ورتالىعى جۋىردا جاعالاۋعا جاقىن تەڭىز تولقىنىنا بايلانىستى قىزعىلت ءتۇستى دابىلدى جانە داۋىلدى تولقىنعا بايلانىستى سارى ءتۇستى دابىلدى جاريالاعان.

«تەڭىز – مۇحيتتاعى اپات سىندى شۇعىل جاعدايعا توتەپ بەرۋ جوباسىنداعى» بەلگىلەمەلەرگە ساي، جاراتىلىستىق بايلىق مينيسترلىگى 9 – ايدىڭ 7 – كۇنى ساعات 8 دە گۋاڭدۇڭ ولكەسىندە تەڭىز – مۇحيتتاعى اپاتقا قاتىستى 3 – دارەجەلى شۇعىل جاعدايعا توتەپ بەرۋ شاراسىن ىسكە قوسۋدى ۇيعارعان. گۋاڭدۇڭ ولكەلىك جاراتىلىستىق بايلىق سالاسىنداعى باسقارۋشى تاراۋلار، مەملەكەتتىك تەڭىز – مۇحيت ورتاسىنا قاتىستى بولجام جاساۋ ورتالىعى، جاراتىلىستىق بايلىق مينيسترلىگىنىڭ تەڭىز – مۇحيتتاعى اپاتتىڭ زيانىن ازايتۋ ورتالىعى، جاراتىلىستىق بايلىق مينيسترلىگىنىڭ نانحاي تەڭىزى مەكەمەسى قاتارلى ورىنداردان شۇعىل جاعدايعا توتەپ بەرۋ مەن باقىلاۋ، كەڭەسىپ تۇجىرىم جاساۋ، بولجام جاساۋ جانە دابىل قاعۋ، سونداي – اق، اپاتقا قاتىستى تەكسەرۋ جۇرگىزۋ جانە ساراپتاۋ قاتارلى قىزمەتتەردى ويداعىداي ۇيىمداستىرۋدى تالاپ ەتكەن. تەڭىز ىستەرىنە قاتىستى تاراۋلارعا تەڭىز جاعالاۋىنداعى توسپا قاتارلى قورعاۋ قۇرىلعىلارىنا شارلاپ تەكسەرۋ جۇرگىزۋدى كۇشەيتىپ، تولقىننان ساقتانۋ قاتارلى دايىندىق قىزمەتتەردى ويداعىداي ۇيىمداستىرۋدى ەسكەرتكەن.

كەلۋ قاينارى: حالىق تورابى