ونەركاسىپ جانە ينفورماتسيالاندىرۋ مينيسترلىگى: ەلىمىزدىڭ جاساۋ كاسىبىنىڭ جالپى كولەمى 15 جىل بويى دۇنيە ءجۇزى بويىنشا ءبىرىنشى ورىندا بولدى 

9 – ايدىڭ 9 – كۇنى، مەملەكەتتىك كەڭەس كەڭسەسى ”’14 – بەسجىلدىق‘ جوبانى جوعارى ساپالى ورىنداۋ“ اتتى جەلىلەس نەگىزگى تاقىرىپتىق اقپار جاريالاۋ ءماجىلىسىن اشىپ، ”14 – بەسجىلدىق“ مەزگىلىندە جاڭا تيپتى ونەركاسىپتەندىرۋدى كۇش سالا ىلگەرىلەتىپ، تۇلعالى ەكونوميكانىڭ نەگىزىن بەكەمدەۋ جانە زورايتۋ تۋرالى جاعدايدى تانىستىرعان.

تانىستىرۋعا قاراعاندا، 2020 — 2024 – جىلدارى ەلىمىزدىڭ بارلىق ونەركاسىپ سالاسىنىڭ ارتقان قۇنى 31 تريلليون 300 ميلليارد يۋاننان ارتىپ 40 تريلليون 500 ميلليارد يۋانعا جەتىپ، جاساۋ كاسىبىنىڭ ارتقان قۇنى 26 تريلليون 600 ميلليارد يۋاننان ارتىپ 33 تريلليون 600 ميلليارد يۋانعا جەتكەن، تۇتاس ”14 – بەسجىلدىق“ مەزگىلىندە جاساۋ كاسىبىنىڭ ارتقان قۇنىنىڭ ارتۋ مولشەرى مەجەمەن 8 تريلليون يۋانعا جەتىپ، دۇنيە جۇزىندەگى جاساۋ كاسىبىنىڭ ارتۋىنا قوساتىن ۇلەسى %30 تەن اسادى. جاساۋ كاسىبىنىڭ ارتقان قۇنىنىڭ دۇنيە ءجۇزى بويىنشا ۇستايتىن سالىستىرماسى %30 كە جۋىقتايدى، جالپى كولەمى 15 جىل بويى دۇنيە ءجۇزى بويىنشا ءبىرىنشى ورىندا بولعان. جاساۋ كاسىبىنىڭ تۇرلەر جۇيەسىنىڭ كەمەلدىلىگى سىندى ابزالدىلىق اناعۇرلىم كورنەكتىلەنە تۇسۋدە، دۇنيە جۇزىندەگى 504 ءتۇرلى باستى ونەركاسىپتىك ءونىم بويىنشا، ەلىمىزدىڭ باسىم كوپ ساندى ونىمدەرىنىڭ ءوندىرىلۋ مولشەرى دۇنيە ءجۇزى بويىنشا ءبىرىنشى ورىندا تۇرادى. (باس ستانسيا ورتالىق تەلەۆيزيا ءتىلشىسى سۇن جيۋەي، جاڭ سۇڭجيڭ)

كەلۋ قاينارى: حالىق تورابى