جۇڭگو فۋتبول قوعامى تورەشى تاڭ شۇنچيگە باعىتتالعان توراپتىق وسەك - اياڭدى قاتاڭ جازعىردى 

تاياۋدا ايتىلمىش جۇڭگو فۋتبول قوعامىنىڭ تىركەلگەن تورەشىسى تاڭ شۇنچي ”جۇرەك بۇلشىق ەتىنىڭ جەدەل ولەتتەنۋى سەبەبىنەن قايتىس بولدى“ دەگەن جالعان حابار توراپتا تارالىپ، قوعامدا ناشار ىقپال تۋدىرىپ، تاڭ شۇنچيدىڭ وزىنە جانە وتباسىنداعىلارعا اۋىر زيان جەتكىزدى.

جۇڭگو فۋتبول قوعامى وسى رەتكى وقيعاعا ايرىقشا ءمان بەرىپ، ءىشىنارا ۇشقارى توراپكەرلەردىڭ ينتەرنەتتە فۋتبول كاسىبىمەن شۇعىلدانۋشىلاردى قارالاپ، زاقىمداعانىن جانە وسەك ـ اياڭ تاراتىپ، سويقان شىعارعانىن قاتاڭ جازعىردى.

جۇڭگو فۋتبول قوعامى تاڭ شۇنچيدىڭ زاڭدىق ءتاسىل ارقىلى ءوزىنىڭ ۇقىق - مۇددەسىن قورعاۋىن باتىل قولدايدى، توراپ تەكشەلەرىنىڭ تەكسەرۋ وتكەلىن قاتاڭ يگەرىپ، وسەك - اياڭنىڭ تارالۋىن تيۋدى، سونداي - اق قالىڭ دوپ اۋەسكەرلەرىن فۋتبولدىڭ تاماشا دامۋ ورتاسىن بىرگە قاستەرلەۋگە جانە قورعاۋعا شاقىرادى.