شيامىن قالاسى تۇزىمدىك ەسىك اشۋدى ورنىقتى ىلگەرىلەتتى (ەرلىكپەن العا ۇمتىلىپ، ”14 - بەسجىلدىقتىڭ“ شەشۋشى جەڭىسىنە قول جەتكىزەيىك)

فۋجيان شيامىن پورتى حايرۇن كەمەجايىندا 53 دانا الىپ ”زاريادتاۋ اسىلى“ كەمەگە تيەلىپ شەتەلگە اتتاندى. ”بۇل ءبىز وندىرگەن تيەۋىش قوراپتى ليتي باتەرياسىنىڭ ەنەرگيا ساقتاۋ جۇيەسى. بيىل سەرىكتەستىك 2500 دەن استام ەنەرگيا ساقتايتىن تيەۋىش قوراپتى ەكسپورت ەتتى“، - دەدى شيامىن حايچىن ەنەرگيا ساقتاۋ عىلىم - تەحنيكا شەكتى جارنا سەرىكتەستىگىنىڭ باس مەڭگەرۋشىسى ۋاڭ پىڭچىڭ.

بيىل الدىڭعى 8 ايدا، فۋجيان ولكەسىنىڭ ليتي باتەرياسىنىڭ ەكسپورت جالپى قۇنى 87 ميلليارد 229 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %19.01 ارتقان، بۇكىل ولكەدەگى ليتي باتەرياسىنىڭ %90 تەن استامى شيامىن پورتى ارقىلى ەكسپورت ەتىلگەن.

2024-جىلى 10 - ايدا باس شۋجي شي جينپيڭ جۇڭگو (فۋجيان) ەركىن ساۋدا سىناق رايونىنىڭ شيامىن اۋماعىن كوزدەن كەشىرگەندە بىلاي دەپ اتاپ كورسەتتى: ”فۋجيان مەن شيامىن جاعدايدىڭ دامۋىنا ۇيلەسىپ، تۇزىمدىك سيپاتتى ەسىك اشۋدى ورنىقتى ىلگەرىلەتىپ، حالىقارالىق جوعارى ولشەممەن ۇشتاستىرا وتىرىپ تەرەڭدەي ورىستەتىپ، قۇنىتتاپ ىستەپ، تۇزىمدىك، ساياساتتىق سيپاتتى جەتىستىكتەردى كوبىرەك جارىققا شىعارىپ، جوعارى دەڭگەيدەگى سىرتقا ەسىك اشۋدى كەڭەيتۋگە تاعى دا تىڭ ۇلەس قوسۋى كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، حالىقارالىق جوعارى ولشەمدى ەكونوميكا - ساۋدا ەرەجەسىن ىرىقتىلىقپەن ۇشتاستىرىپ، اناعۇرلىم كەڭ سالادا، اناعۇرلىم تەرەڭ ساتىدا العاشقى جاسامپازدىق، شوعىرلى ىزدەنىس جاساپ، تۇزىمدىك ەسىك اشۋ دەڭگەيىن جاپپاي جوعارىلاتۋ كەرەك. 2024 - جىلى شيامىننىڭ 29 ءتۇرلى جاڭالىق جاراتۋ شاراسى مەن تيپتىك تاجىريبەسى مەملەكەتتىك دامۋ جانە رەفورما كوميتەتىنىڭ قۇجات شىعارىپ جالپىلاستىرۋىنا يە بولدى.

”توسىلۋدى“ الاستاۋ زات ساۋداسىن اناعۇرلىم ەركىن، قولايلى ەتەدى −

بوگەلۋ ءتۇيىنىن كوزدەگەن شيامىن ”تيەۋىش قوراپتى ليتي باتەرياسىنىڭ ەنەرگيا ساقتاۋ جۇيەسىنىڭ تەڭىزدەگى حاۋىپسىز تاسىمال باعدارناماسىن“ جاريالاپ، تيەۋىش قوراپتى ليتي باتەرياسىنىڭ ەنەرگيا ساقتاۋ جۇيەسىنىڭ تەڭىزدە تاسىمالداۋعا باتىلدىق ەتە الماۋ، پورت رايونىنىڭ جۇمىس جۇرگىزۋ قابىلەتى جەتەرسىز بولۋ، كەمەجايدا زات قويۋعا باتىلدىق ەتە الماۋ سياقتى ماسەلەلەردى شەشتى. وسى ارقىلى حايچىن ەنەرگيا ساقتاۋ سەرىكتىگىنىڭ كاسىبى 20 نەشە مەملەكەت پەن رايونعا كەڭەيدى.

”ەرەجەگە ۇيلەسۋدەن ەرەجە بەلگىلەۋگە دەيىن، <باعدارناما> تيەۋىش قوراپتى ەنەرگيا ساقتاۋ جۇيەسىنىڭ تەڭىز تاسىمالىن ارناعا ءتۇسىرىپ، ەكسپورت ەتۋىنە كاسىپتىك جەتەكشىلىك ەتىپ، جاڭا ەنەرگيا كاسىپورىندارىنىڭ ونىمدەرىنىڭ تەڭىز تاسىمالىمەن ەكسپورت ەتىلۋ ونىمدىلىگىن جوعارىلاتتى“ دەدى شيامىن ەركىن ساۋدا رايونىن باسقارۋ كوميتەتىنىڭ جوبا قۇرىلىسى مەكەمەسى گاڭحاڭ زات اينالىمى ورنىنىڭ ارناۋلى دارىندىسى جۋاڭ يۇڭجۇڭ، قازىر شيامىن بۇكىل ەلدەگى ەڭ ۇلكەن ليتي باتەرياسى ونىمدەرىن ەكسپورت ەتەتىن وتكەلدەردىڭ بىرىنە اينالدى.

ماڭدايشالىق اسقاننان بەرى، شيامىن ەركىن ساۋدا رايونى جيىنى 632 ءتۇرلى جاڭالىق اشۋ شاراسىن العا قويدى، مۇنىڭ 153 ى بۇكىل ەل بويىنشا تۇڭعىش رەت جارىققا شىققان.

اشىق، سيىسىمدى بولىپ، حالىقارالانعان دارىندىلاردىڭ شوعىرلانۋ اسەرى كۇن سايىن كورنەكتىلەندى −

”مەن قاتىناسقان بور نەيترونىنىڭ ادام دەنەسىندەگى قاتەرلى وسپەنى ەمدەۋدى زەرتتەۋ اياق الىسى وتە ءساتتى بولدى. شيامىننىڭ كورىنىسى كوركەم، ادامدارى دا تاتۋ - ءتاتتى ەكەن، وسى اراعا ىرگە تەبۋدى ءۇمىت ەتەمىن“، 7 - ايدىڭ اياق شەنىندە، شيامىندا ەكى جىلدان استام ۋاقىت قىزمەت ىستەگەن رەسەيلىك الەكساندر شەتەلدىكتەردىڭ ماڭگىلىك قونىستانۋ ازاماتتىق كۋالىگىنە ءوتىنىش بەردى.

شەتەلدىك قىزمەتكەرلەردىڭ تەحنيكالىق ونەرىن باعالاۋ، تۇراقتاندىرۋ مەحانيزمىن، حالىقارالىق كاسىپتىك تولىمدىلىعىن تانۋ ءتىزىمى ءتۇزىمى رەفورماسىن اتقارۋ جونىندە الدىمەن ىزدەنىس جاساپ، شەتەلدىك دارىندىلاردىڭ شيامىنعا كەلۋىنە قولايلى قولدانىستىق تۇزىمدىك ارنا ءونىمدى اشىلدى؛ بۇكىل ولكەدەگى تۇڭعىش قىزمەت رۇحساتى مەن قونىستانۋ رۇحساتىن بىرلەستىرىپ باسقارۋ تەكشەسىن قۇرىپ، شەتەلدىكتەردىڭ جۇڭگوعا كەلىپ قىزمەت ىستەۋىنە رۇحسات ەتۋ جانە قوعامدىق قامتاماسىزداندىرۋ فۋنكتسياسىن شوعىرلاندىرۋ ناقتى كارتوچكاسىن شىعارىپ، شەتەلدىك دارىندىلاردىڭ شيامىندا قىزمەت ىستەۋى مەن تۇرمىس كەشىرۋىنىڭ قولايلىلىعى ۇزدىكسىز جوعارىلاتىلدى.

”ءبىز دارىندىلاردى دامىتۋدىڭ اشىق، سيىسىمدى ەكولوگياسىن قالىپتاستىرىپ، شەتەلدىك دارىندىلاردىڭ شيامىندا كاسىپپەن شۇعىلدانۋىن قولايلىلاندىرۋ دەڭگەيىن ۇزدىكسىز جوعارىلاتتىق، قازىر بۇكىل قالاداعى حالىقارالانعان دارىندىلار 60 مىڭنان استى“ دەدى شيامىن قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، مەكەمە باستىعىنىڭ ورىنباسارى پىڭ شينلياڭ.

ولشەمگە تۋرالانىپ، ءتۇيىندى سالالارداعى ساپا ولشەمىنىڭ حالىقارامەن ۇشتاسۋىن ىلگەرىلەتتى _

بيىل 4 - ايدا، شيامىن حۇڭفا ەلەكتر دىبىسى شەكتى جارنا سەرىكتەستىگىنەن قۋانىشتى حابار تارالدى: ولار باس بولىپ دايىنداعان ەكى ءتۇرلى ەلەكترلى تۇتاستىرعىش سالاسىنداعى تاجىريبە ءادىسى ولشەمى حالىقارالىق ەلەكتر ونەركاسىبى كوميتەتىنىڭ بەكىتۋىمەن جاريالانىپ، حالىقارالىق IEC ولشەمىنە اينالىپ، بۇكىل جەر شارىنداعى ەلەكترلى تۇتاستىرعىش جابدىقتارىن جوبالاۋدى، ءوندىرۋدى جانە تەكسەرۋدى تەحنيكالىق نەگىزبەن قامدادى.

ەلەكترلى تۇتاستىرعىش سەميا ەلەكتر جابدىقتارى، حابارلاسۋ، ەلەكتر قۋاتى سياقتى سالالاردا كەڭىنەن قولدانىلادى، بازاردىڭ قاجەتسىنۋ مولشەرى زور. سەرىكتەستىكتىڭ ورىنباسار ءتوراعاسى ۋ جيڭ بىلاي دەدى: وسى رەت جۇڭگو ماماندارى باس بولىپ ەلەكترلى تۇتاستىرعىش سالاسىنداعى حالىقارالىق ولشەمدى بەلگىلەدى، بۇل ەلىمىزدىڭ ەلەكترلى تۇتاستىرعىش سالاسىنداعى ءسوز سويلەۋ ۇقىعىن كۇشەيتۋدە اسا زور مانگە يە.

شيامىن كاسىپورىنداردى حالىقارالىق ولشەم تۇزىمىنە وزگەرىس ەنگىزۋگە بەلسەنە ات سالىسۋعا شابىتتاندىرىپ، كاسىپورىن ولشەمىنىڭ حالىقارامەن ۇشتاسۋىن ىلگەرىلەتتى. قازىرگە دەيىن حالىقارالىق ولشەمدى تىركەۋگە الدىرعان 24 مامان حالىقارالىق ولشەمنەن 53 ىن جاساۋعا جەتەكشىلىك ەتتى نەمەسە وعان قاتىناستى؛ 40 كاسىپورىننىڭ 208 ءتۇرلى ءونىمى حالىقارالىق ولشەمگە جەتتى.

سونىمەن بىرگە، شيامىن حايسى ورتالىق زاڭ ىستەرى رايونى قۇرىلىسىنا سۇيەنىپ، شيامىن حالىقارالىق ساۋدا ىستەرى سوتى، شەتەلگە ساياتىن تەڭىز ىستەرى سوتى سياقتى قۇرىلىستاردى ىلگەرىلەتىپ، حالىقارالىق ساۋدا ىستەرى داۋ - شارىنان ساقتانۋ جانە ونى شەشۋ ۇيىمدارىن ەنگىزىپ، حالىقارالىق تورەلىك ايتۋ مەكەمەسىن قۇرىپ، حايسى ساۋدا ىستەرىن جاراستىرۋ ورتالىعى سياقتى ءبىر توپ جاراستىرۋ قۇرىلىمدارىنىڭ ناقتى اينالىمىن ىلگەرىلەتتى. قازىر شيامىن حالىقارالىق ساۋدا ىستەرى، تەڭىز ىستەرىنە ”ارىز - شاعىم بەرۋ، تورەلىك ايتۋ، رەتتەۋ“ ءبىر تۇلعالانعان داۋ - شاردى شەشۋ جۇيەسىن نەگىزىنەن قالىپتاستىرىپ، حالىقارالىق ساۋدا ىستەرى سوتى، شەتەلگە ساياتىن تەڭىز ىستەرى سوتى دەلولارىنان 3300 دەن استامىن قابىلدادى، نىسانا سوماسى 46 ميلليارد يۋاننان اسىپ، 40 نەشە مەملەكەت پەن رايونعا سايدى.

”ءبىز باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، رەفورمانى اناعۇرلىم جاپپاي تەرەڭدەتىپ، ەرەكشە رايوننىڭ بورىشىن باتىلدىقپەن ارقالاپ، ءتۇزىم ۇلگىسىندەگى ەسىك اشۋدى ورنىقتى ىلگەرىلەتىپ، ەرەجە - ءتۇزىم، باسقارۋ، ولشەم جاقتارىندا اناعۇرلىم كوپ جاڭالىق اشۋدى، قامال الۋدى جەدەل جۇزەگە اسىرامىز“ دەدى فۋجيان ولكەلىك پارتكومنىڭ تۇراقتى مۇشەسى، شيامىن قالالىق پارتكومنىڭ شۋجيى سۇي يۇڭحۇي.

كەلۋ قاينارى: حالىق تورابى