جۇڭحۋا ۇلتى ورتاق تۇلعا تانىمىن بەرىك ورناتىپ، سوتسياليستىك وسىزاماندانعان شينجياڭ قۇرايىق (باسماقالا)

الىپ تيانشان تاۋى سىلەمى التىن تۇسكە بولەنىپ، كۇنلۇن تاۋى شاتتىققا بولەندى. شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ جينالىسى 9 - ايدىڭ 25 - كۇنى ۇرىمجىدە سالتاناتپەن وتكىزىلدى. ءبىز شينجياڭداعى ءار ۇلت حالقىن قىزۋ قۇتتىقتايمىز، شينجياڭنىڭ رەفورماسىنا، دامۋىنا، ورنىقتىلىعىنا ۇلەس قوسقان بارلىق ادامدارعا ىزگى تىلەك تىلەيمىز!

1955 - جىلى 10 - ايدىڭ 1 - كۇنى شينجياڭ ۇيعۇر اۆتونوميالى رايونى قۇرىلىپ، شينجياڭنىڭ گۇلدەنۋىنىڭ، دامۋىن جاڭا تاريحي پاراعىن اشتى. 70 جىلدان بەرى، پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت حالقى ءوز ىسىنە ءوزى قوجايىن بولىپ، بۇكىل ەل حالقىمەن بىرگە ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرىستى قارسى الىپ، دۇنيەنى جالت قاراتقان ۇلى تابىستارعا قول جەتكىزدى. پارتيا 18 - قۇرىلتايىنان بەرى، باس شۋجي شي جينپيڭ شينجياڭ قىزمەتىنە وسكەلەڭ ءمان بەرىپ، ىلگەرىندى - كەيىندى 3 رەت شينجياڭدا قىزمەت تەكسەرىپ، ورتالىقتىڭ شينجياڭ قىزمەتى جٶنىندەگى اڭگىمە ماجىلىسىنە 2 رەت قاتىناستى ءارى ماڭىزدى ءسوز سويلەدى. شي جينپيڭ جولداستى ۇيىتقى ەتكەن پارتيا ورتالىق كوميتەتى شينجياڭدى باسقارۋ زاڭدىلىعى جٶنىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جٶنگە سالۋ جالپى جٶباسىن قالىپتاستىرىپ، شينجياڭنىڭ تاريحتاعى ەڭ تاماشا دامۋ كەزەڭىنە قادام تاستاۋىنا جەتەكشىلىك ەتىپ، ”ەكىنى تۇراقتاندىرۋدىڭ“ شەشۋشى ءمانىن تولىق ايگىلەدى. 2024 - جىلى شينجياڭنىڭ وڭىرلىك ءوندىرىس جالپى ءونىم قۇنى تۇڭعىش رەت 2 تريلليون يۋاننان اسىپ، 1955 - جىلداعىنىڭ 204.3 ەسەسىندەي بولدى. بۇگىنگى شينجياڭدا قوعامدىق جالپى جاعداي ۇزدىكسىز ورنىقتى بولىپ، جۇڭحۋا ۇلتى ورتاق تۇلعا تانىمى ۇزدىكسىز بەكەمدەلىپ، جالپىلىق قۋات كۇشەيىپ، حالىق تۇرمىسىنىڭ باقىتى بارىنشا جوعارىلاپ، ەكولوگيالىق ورتا كورنەكتى جاقسارىپ، پارتيانىڭ بيلىك جۇرگىزۋ نەگىزى اناعۇرلىم بەكەمدەلىپ، ءار ۇلت كادرلارى مەن بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى بارىنشا كۇشەيىپ، بۇكىل ەلمەن بىرگە جاپپاي سوتسياليستىك وسىزاماندانعان قۇدىرەتتى ەل قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ارشىندى قادام تاستاۋدا.

كەلۋ قاينارىن بىلگەندە عانا، بولاشاقتى بىلۋگە بولادى. شينجياڭنىڭ 70 جىلدىق شۇعىلالى تابىستارى پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شينجياڭداعى ءار ۇلت كادرلارى مەن بۇقاراسىنىڭ العىس ايتىپ، ۇدەرە العا تارتىپ، قايسارلىقپەن كۇرەس جۇرگىزۋىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە كۇرەس جۇرگىزىپ، زور كۇشپەن كومەكتەسۋىنىڭ ناتيجەسى بولىپ، سوتسياليستىك ءتۇزىمنىڭ وراسان زور ابزالدىعىن تولىق ايگىلەدى، ۇلت ماسەلەسىن شەشۋدىڭ جۇڭگوشا دۇرىس جولىنىڭ قۇدىرەتتى ومىرشەڭدىك كۇشىن تولىق ايگىلەدى، جاڭا داۋىردەگى پارتيانىڭ شينجياڭدى باسقارۋ جالپى جٶباسىنىڭ بۇكىلدەي دۇرىس ەكەندىگىن تولىق ايگىلەدى، بۇلار، ءسوزجوق، جۇڭحۋا ۇلتىنىڭ دامۋ تاريحىنا جازىلادى! شينجياڭنىڭ 70 جىلدىق دامۋ بارىسى بىزگە مىنانى ۇعىندىردى: تەك جۇڭگو كوممۋنيستىك پارتياسىنىڭ باسشىلعىنا، ۇلتتىق تەرريتوريالىق اۆتونوميا تۇزىمىنە، جاڭا داۋىردەگى پارتيانىڭ شينجياڭدى باسقارۋ جالپى جوباسىنا، جۇڭحۋا ۇلتى ورتاق تۇلعا تانىمىن بەرىك ورناتۋعا، رەفورما جاساۋدى، ەسىك اشۋدى جاپپاي تەرەڭدەتۋگە تاباندى بولعاندا عانا، شينجياڭنىڭ باياندى تىنىشتىعىن، گۇلدەنىپ - كوركەيۋىن، دامۋىن جۇزەگە اسىرۋعا بولادى.

جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ ارمانى مەن ءۇمىتى، وعان جۇڭگو حالقىنىڭ كۇرەسى مەن ماڭداي تەرى سىڭگەن، ول بارلىق جۇڭحۋا ۇلاندارىن بىرگە ويلاۋعا، بىرگە ىستەۋگە جۇمىلدىرۋدى قاجەت ەتەدى. بۇگىنگى تاڭدا، جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى، جۇڭگوشا وسىزامانداندىرۋدى ىلگەرىلەتۋدىڭ بولاشاعى شەكسىز نۇرلى، شينجياڭنىڭ دامۋى جاڭا باستامادا تۇر. شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ قىزمەتتەرىن ىشكەرىلەي، ەگجەي - تەگجەيلى، ناقتى ىستەۋ كەرەك، ءبىز اناعۇرلىم ىنتىماقتى، كوركەم سوتسياليستىك شينجياڭ قۇرۋعا بۇرىنعى ءارقانداي كەزدەگىدەن دە قابىلەتىمىز، سەنىمىمىز، بەكىمىمىز بار، ءار ۇلت حالقىن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى داڭقىنان بىرگە يگىلىكتەندىرەمىز.

باس شۋجي شي جينپيڭ بىلاي دەپ باسا دارىپتەدى: ”جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى“، ”جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، جۇڭگوشا وسىزامانداندىرۋدى ىلگەرىلەتۋ ءۇشىن، شينجياڭ جاڭا ورايعا ءدوپ كەلدى، جاڭا ىسكەرلىك كورسەتۋى كەرەك“. جۇڭگوشا وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ ءۇشىن، ءسوز جوق، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جان - جاقتى دايەكتىلەندىرىپ، جۇڭحۋا ۇلتى ورتاق تۇلعا تانىمى نەگىزگى جەلىسىن مىقتاپ ارقاۋ ەتىپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، شينجياڭ قىزمەتىنىڭ باستان - اياق دۇرىس بەتالىسپەن العا باسۋىنا شىنايى كەپىلدىك ەتۋىمىز كەرەك؛ قوعام ورنىقتىلىعىن قورعاۋدى بۇلجىماستان ماڭداي الدى ورىنعا قويىپ، شينجياڭدى زاڭمەن باسقارۋعا تاباندى بولىپ، قوعام ورنىقتىلىعىنىڭ نەگىزگى ساتى نەگىزىن بەكەمدەپ، قوعامدىق جالپى جاعدايدىڭ باياندى ورنىقتىلىعىن، ۇزاق ۋاقىتتىق ورنىقتىلىعىن جۇزەگە اسىرۋدى ىلگەرىلەتۋىمىز كەرەك؛ شينجياڭدى زاڭمەن باسقارۋعا تاباندى بولىپ، قوعام ورنىقتىلىعىنىڭ نەگىزگى ساتى نەگىزىن بەكەمدەپ، قوعامدىق جالپى جاعدايدىڭ باياندى ورنىقتىلىعىن، ۇزاق ۋاقىت ورنىقتىلىعىن جۇزەگە اسىرۋدى ىلگەرىلەتۋىمىز كەرەك؛ جۇڭحۋا ۇلتىنىڭ ۇلى ىنتىماعىن تاباندىلىقپەن بەكەمدەپ جانە دامىتىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتاردىڭ ءوزارا توعىسقان قوعامدىق قۇرىلىمى مەن الەۋمەتتىك اۋماق ورتاسىن قالىپتاستىرىپ، ءدىن ىستەرىن باسقارۋدى زاڭ بويىنشا كۇشەيتۋىمىز كەرەك؛ حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، دامۋ جەتىستىكتەرىنىڭ حالىق تۇرمىسىنا تيىمدىلىك جاساۋىن، جۇرت تىلەگىن ۇيىستىرۋىن اناعۇرلىم ويداعىداي ىلگەرىلەتۋىمىز كەرەك؛ رەفورمانى تاباندىلىقپەن تەرەڭدەتىپ، ەسىك اشۋدى كەڭەيتىپ، حالىقارالىق جانە ەل ىشىندەگى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جاپپاي ىلگەرىلەتىپ، ازيا - ەۆروپا التىن ارناسىن جانە باتىسقا ەسىك اشۋدىڭ قامالىن قالىپتاستىرۋىمىز كەرەك.

زەيىن - زەردەنى، كۇش - قۋاتتى شوعىرلاندىرىپ، دامۋدى كوزدەپ، ءبىر جاعادان باس، ءبىر جەڭنەن قول شىعارىپ، بولاشاق جاراتۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، سەنىمدى بەكەمدەپ، ۇدەرە العا تارتىپ، ۇزاق ۋاقىت ۇلەس قوسىپ، ىنتىماقتى، جاراسىمدى، گۇلدەنگەن، باي، مادەنيەتى العا باسقان، ەلى امان، كاسىبى دامىعان، ەكولوگيالىق ورتاسى تاماشا بولعان سوتسياليستىك شينجياڭ قۇرايىق! ءبىز شينجياڭنىڭ ەرتەڭىنىڭ، ءسوز جوق، اناعۇرلىم گۇلدەنىپ - كوركەيەتىندىگىنە، شينجياڭداعى ءار ۇلت حالقىنىڭ تۇرمىسىنىڭ، ءسوز جوق، اناعۇرلىم باقىتتى، تاماشا بولاتىندىعىنا كامىل سەنەمىز!