جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ يدەيالىق - ساياسي قىزمەت ەرەجەسىن» باسىپ تاراتتى

شينحۋا اگەنتتىگى، 9 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى تاياۋدا «جۇڭگو كوممۋنيستىك پارتياسىنىڭ يدەيالىق - ساياسي قىزمەت ەرەجەسىن» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.

ۇقتىرۋدا مىنالار اتاپ كورسەتىلدى: يدەيالىق - ساياسي قىزمەت − پارتيانىڭ تاڭداۋلى ءداستۇرى، ايقىن ەرەكشەلىگى جانە كورنەكتى ساياسي ابزالدىعى. «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن ءتۇبىرلى نەگىز ەتىپ، پارتيانىڭ يدەيالىق - ساياسي قىزمەتكە باسشىلىق ەتۋدەگى تاريحي تاجىريبەلەرىن، اسىرەسە، جاڭا داۋىردەگى يدەيالىق - ساياسي قىزمەتتىڭ نازاريالىق جانە امالياتتىق تاجىريبەلەرىن قورىتىندىلاپ، يدەيالىق - ساياسي قىزمەتتىڭ ءتۇزىلىس - مەحانيزمىن، قىزمەت جاۋاپكەرشىلىگىن، مازمۇنىن، ءتاسىلىن، نىسانالىق مىندەتتەرىن اناعۇرلىم ايقىندادى، بۇل پارتيانىڭ يدەيالىق - ساياسي قىزمەتكە جاپپاي باسشىلىعىنا تاباندى بولىپ جانە ونى كۇشەيتىپ، يدەيالىق - ساياسي قىزمەتتىڭ عىلميلانۋ، تۇزىمدەنۋ، جۇيەلىلەنۋ دەڭگەيىن جوعارىلاتۋدا كەلەلى مانگە يە.

ۇقتىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) «ەرەجەنى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات يگەرىپ، يدەيالىق - ساياسي قىزمەتتىڭ ورىستەتىلۋ جاعدايىن قۋزاۋدى، تەكسەرۋدى كۇشەيتىپ، «ەرەجەدەگى» بەلگىلەمەلەردىڭ ناقتى تياناقتانۋىنا كەپىلدىك ەتۋى كەرەك. ءار دارەجەلى پارتيا ۇيىمدارى يدەيالىق - ساياسي قىزمەتتىڭ توتەنشە ماڭىزدىلىعىن ساياسي، جالپى جاعداي تۇرعىسىنان تەرەڭ تانىپ، وسكەلەڭ يدەيالىق سانالىلىق جانە كۇشتى جاۋاپكەرشىلىك ارقالاۋ ارقىلى يدەيالىق - ساياسي قىزمەتتى مۇقيات ويداعىداي يگەرىپ، يدەيالىق - ساياسي قىزمەتتىڭ جەتەكشىلىك رولىن تولىق ساۋلەلەندىرۋى كەرەك. بارلىق پارتيا مۇشەسى، وتە - موتە، باسشى كادرلار پارتيالىلىق شىنىعۋدى كۇشەيتىپ، وزدەرى ونەگە بولا وتىرىپ يدەيالىق - ساياسي قىزمەتتى ورىستەتۋى كەرەك. يدەيالىق - ساياسي قىزمەت قوسىنىن ويداعىداي قۇرىپ جانە كۇشەيتىپ، يدەيالىق - ساياسي قىزمەتتە ۇزدىكسىز جاڭا جاعداي اشۋدى ىلگەرىلەتۋ كەرەك. جەر - جەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋى كەرەك.