شينجياڭدىق جىگىت چۇڭچيڭ جارتى ارالىقتى مارافون جارىسىندا اعا جۇلدەگەر بولدى 

10 – ايدىڭ 26 – كۇنى، چۇڭچيڭ قالاسى فۋليڭ رايونى بايحىلياڭ جارتى ارالىقتى مارافون جارىسىندا شينجياڭدىق جىگىت دوسبول قابىلجان ءبىر ساعات 04 مينۋت 21 سەكۋندتىق ۇزدىك ناتيجەمەن ەرلەر گرۋپپاسىنىڭ اعا جۇلدەگەرى بولدى، سونىمەن بىرگە، وسى جارىستىڭ رەكوردىن جاڭالادى.

22 جاستاعى دوسبول ىلە قازاق اۆتونوميالى وبلىسى نىلقى اۋدانىنداعى شاعىن قىستاقتا دۇنيەگە كەلگەن. بالا كۇنىنەن باستاپ ساحارادا اسىر سالىپ ويناۋ بارىسىندا وكپە سيىمدىلىعى مەن جۇگىرۋ قابىلەتىن جەتىلدىرگەن. 14 جاسىندا دەنە تاربيە مۇعالىمى تالانتىن بايقاپ، ونى ورتاشا – ۇزاق ارالىقتا جۇگىرۋگە جاتتىقتىرىپ، باستىسى، 3000 مەتر مەن 5000 مەترگە جۇگىرۋگە جاتتىققان. 2022 – جىلى لياۋنيڭ ورتاشا – ۇزاق ارالىقتا جۇگىرۋ كومانداسىنان شەگىنگەن سوڭ، ول كاسىپتەن سىرتقى مارافونشىعا اينالىپ، ءوزىنىڭ جاڭا ساپارىن باستاعان.

كەلۋ قاينارى: حالىق تورابى