ءتوراعا شي جينپيڭنىڭ ەرەكشە ەلشىسى، مادەنيەت جانە ساياحات مينيسترلىگىنىڭ مينيسترى سۇن يەلي بايابان ەگيپەت مۇراجايىنىڭ اشىلۋ سالتىنا قاتىناستى

«حالىق گازەتى»، 11 - ايدىڭ 2 - كۇنى، كايرو (ءتىلشى شىن شياۋشياۋ). اراب ەگيپەت رەسپۋبليكاسى ۇكىمەتىنىڭ ۇسىنىسى بويىنشا، 11 - ايدىڭ 1 - كۇنى ءتوراعا شي جينپيڭنىڭ ەرەكشە ەلشىسى، مادەنيەت جانە ساياحات مينيسترلىگىنىڭ مينيسترى سۇن يەلي ەگيپەتتىڭ استاناسى كايرودا بايابان ەگيپەت مۇراجايىنىڭ اشىلۋ سالتىنا قاتىناستى. ەگيپەتتىڭ زۇڭتۇڭى سيسي سارايدىڭ اشىلۋ سالتىنان بۇرىن سۇن يەليمەن كەزدەستى ءارى قىسقاشا اڭگىمەلەستى.

سۇن يەلي سيسي زۇڭتۇڭعا ءتوراعا شي جينپيڭنىڭ ىقىلاستى سالەمىن جەتكىزىپ، ءتوراعا شي جينپيڭنىڭ قۇتتىقتاۋ حاتىن تاپسىردى. سۇن يەلي مىنالاردى ءبىلدىردى: جۇڭگو جاق جۇڭگو - ەگيپەت قارىم - قاتىناسىن دامىتۋعا ايرىقشا ءمان بەرەدى، ەگيپەت جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرىپ، ناقتى سەلبەستىكتى ىلگەرىلەتىپ، گۋمانيتارلىق اۋىس - كۇيىستى كەڭەيتىپ، جۇڭگو مەن ەگيپەتتىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايدى.

سيسي زۇڭتۇڭ سۇن يەليگە ءوزىنىڭ ءتوراعا شي جينپيڭگە جولداعان ىقىلاستى سالەمىن جەتكىزۋدى تاپسىردى، ءتوراعا شي جينپيڭنىڭ حات جولداپ بايابان ەگيپەت مۇراجايىنىڭ اشىلعاندىعىن قۇتتىقتاعاندىعىنا ءارى ەرەكشە ەلشىسىن كورمەنىڭ اشىلۋ سالتىنا قاتىناستىرعاندىعىنا شىن جۇرەكتەن العىس ايتتى، ەگيپەت جاقتىڭ جۇڭگو جاقپەن ءار سالاداعى اۋىس - كۇيىستى، سەلبەستىكتى تەرەڭدەتىپ، ەكى ەل قارىم - قاتىناسىنىڭ اناعۇرلىم زور دامۋىن ىلگەرىلەتۋدى قالايتىندىعىن ءبىلدىردى.

كەلۋ قاينارى: حالىق تورابى