شينجياڭ ىلە قازاق اۆتونوميالى وبلىسى مەكتەپ سىرتىندا كۋرس ۇيىمداستىرۋعا ساياتىن زاڭ – تۇزىمگە قايشى تيپتىك دەلولار جونىندە اشىق حابارلاندىرۋ شىعاردى

جىل باسىنان بەرى، ىلە قازاق اۆتونوميالى وبلىستىق وقۋ – اعارتۋ مەكەمەسى مەملەكەتتىڭ ”ەكىنى ازايتۋ“ ساياساتىن جالپى بەتتىك تياناقتاندىرىپ، زاڭ اتقارۋ جانە تەكسەرۋ تەبىنىن ۇزدىكسىز ارتتىرىپ، مەكتەپ سىرتىندا كۋرس ۇيىمداستىرۋعا ساياتىن زاڭ – تۇزىمگە قايشى ارەكەتتەردى انىقتاپ ءبىر جاقتى ەتتى. قازىر مىناداي تيپتىك دەلولاردى اشىق جاريالادى:

ءبىرىنشى دەلو: لين XX، قۇلجا قالاسى شىجي جيايۋان B رايونىندا مەكتەپ سىرتىندا ءپان تۇرىندەگى كۋرس قۇرىلىمىن ءوز بەتىمەن ۇيىمداستىرعان. 2025 – جىلى 11 – ايدىڭ 5 – كۇنى، ىلە قازاق اۆتونوميالى وبلىستىق وقۋ – اعارتۋ مەكەمەسى «جۇڭحۋا حالىق رەسپۋبليكاسىنىڭ وقۋ – اعارتۋدى ىلگەرىلەتۋ زاڭىنىڭ» 64 – تارماعىنداعى، «جۇڭحۋا حالىق رەسپۋبليكاسىنىڭ اكىمشىلىك جازالاۋ زاڭىنىڭ» 32 – تارماعىنداعى ، «مەكتەپ سىرتىنداعى كۋرستەردى اكىمشىلىك جاقتان جازالاۋعا قاتىستى ۋاقىتتىق اتقارىلاتىن ءادىستىڭ» 17 – تارماعىنداعى بەلگىلەمەلەر بويىنشا، ونى بەلگىلەمەگە قايشى تۇردە كۋرس ۇيىمداستىرۋ ارەكەتىن توقتاتۋعا، العان بارلىق قاراجاتتاردى قايتارۋعا بۇيىرعان، وعان اكىمشىلىك جاقتان 66200 يۋان اقشالاي ايىپ سالعان.

ەكىنشى دەلو: سى XX، قۇلجا قالاسى التىن الما 2 – مەرزىمدىك قۇرىلىسىندا مەكتەپ سىرتىندا ءپان تۇرىندەگى كۋرستى ۇيىمداستىرعان. 2025 – جىلى 9 – ايدىڭ 5 – كۇنى، قۇلجا قالالىق وقۋ – اعارتۋ مەكەمەسى «جۇڭحۋا حالىق رەسپۋبليكاسىنىڭ اكىمشىلىك جاقتان جازالاۋ زاڭىنىڭ» 28 – تارماعى جانە «مەكتەپ سىرتىنداعى كۋرستەردى اكىمشىلىك جاقتان جازالاۋعا قاتىستى ۋاقىتتىق اتقارىلاتىن ءادىستىڭ» 18 – تارماعىنىڭ 2 – تارماقشاسىنا ساي، ونى بەلگىلەمەگە قايشى تۇردە كۋرس ۇيىمداستىرۋ ارەكەتىن توقتاتۋعا، العان قاراجاتتاردى قايتارۋعا بۇيىرعان، وعان 4300 يۋان زاڭسىز تابىسىن ءمۇسادىرالاۋ سىندى اكىمشىلىك جازا قولدانعان.

ىلە وبلىستىق وقۋ – اعارتۋ مەكەمەسى

2025 – جىلى 12 – ايدىڭ 8 – كۇنى

كەلۋ قاينارى: حالىق تورابى