مادۋرو: ا ق ش لاتىن امەريكاسىنا كيلىگۋىن توقتاتۋى كەرەك

شينحۋا اگەنتتىگىنىڭ 12 – ايدىڭ 10 - كۇنى كاراكاستان بەرگەن حابارى. ۆەنەسۋەلانىڭ زۇڭتۇڭى مادۋرو 12 – ايدىڭ 10 - كۇنى ا ق ش ـ نان ۆەنەسۋەلا مەن لاتىن امەريكاسى رايونىنا كيلىگۋ ارەكەتىن توقتاتۋدى تالاپ ەتتى.

مادۋرو سول كۇنى استانا كاراكاستاعى ءبىر رەتكى ەرەۋىل قيمىلىندا بىلاي دەدى: ا ق ش دۇنيە ءجۇزى كولەمىندە بيلىكتى اۋدارىپ تاستاۋ، ساياسي وزگەرىس جاساۋ جانە باسقا ەلگە شاپقىنشىلىق جاساۋ ساياساتىن توقتاتۋى، توقتاۋسىز يمپەرياليستىك سوعىس پەن قىرعىنشىلىقتى توقتاتۋى كەرەك. ۆەنەسۋەلا — ۆەنەسۋەلا حالقىنا ءتان، ءارى ەندىگارى يمپەريانىڭ وتارى بولمايدى.

تاياۋدا ا ق ش ”ەسىرتكىنى قۋعىنداۋ“ دەگەندى سىلتاۋ ەتىپ، ۆەنەسۋەلانىڭ ماڭىنداعى كارايب تەڭىزى وڭىرىنە كوپتەگەن اسكەري كەمە ورنالاستىرىپ، وعان قىسىم ءتۇسىردى. 9 – ايدىڭ باسىنان بەرى ا ق ش ارمياسى كارايب تەڭىزى مەن شىعىس تىنىق مۇحيتتا ا ق ش جاق كورسەتكەن 20 دان استام ”ەسىرتكى ساتۋ كەمەسىن“ سۋعا باتىرىپ، 80 نەشە ادامدى ءولتىردى. ا ق ش ەسىرتكى قۋعىنداۋ مەكەمەسىنىڭ تاياۋ جىلداردان بەرگى مالىمەتىندە ۆەنەسۋەلا ا ق ش - نان كىرگەن ەسىرتكىنىڭ نەگىزگى قاينارى ەمەس ەكەندىگى كورسەتىلگەن. ۆەنەسۋەلا ا ق ش - نىڭ اسكەري قۇقاي كورسەتۋ ارقىلى ۇكىمەت بيلىگىن اۋىستىرۋدى جوسپارلاعان، سونداي - اق لاتىن امەريكاسىندا اسكەري ىرگە كەڭەيتپەكشى بولعان ويىن تالاي رەت جازعىردى.

كەلۋ قاينارى: حالىق تورابى