لي جىيىڭنىڭ شەتەل كۇشتەرىمەن استاسقان قىلمىسى تۇراقتاندىرىلدى 

جۇڭگوعا قارسى تۇرىپ، شياڭگاڭدى بىلىقتىرماق بولعان لي جىيىڭ مەن الما گازەتىنىڭ 3 سەرىكتەستىگىنىڭ شياڭگاڭ مەملەكەت حاۋىپسىزدىگى زاڭىنا قايشىلىق جاساۋ دەلوسى جونىندە 12 - ايدىڭ 15 ـ كۇنى شياڭگاڭدا سوت اشىلعان. شياڭگاڭ ەرەكشە اكىمشىلىك رايونىنىڭ جوعارى دارەجەلى سوتى سول كۇنى دەلو جونىندە ۇكىم شىعارعان، لي جىيىڭنىڭ شەتەل كۇشتەرىمەن استاسۋعا ساياتىن ەكى قىلمىسى جانە استاسۋ ارقىلى جەلىكتىرەتىن باسىلىمدى جاريالاۋ قىلمىسى تۇراقتاندىرىلعان.

دەلوعا قاتىستى جاۋاپكەرلەر لي جىيىڭ، الما گازەتى شەكتى سەرىكتەستىگى، الما گازەتى باسپا شەكتى سەرىكتەستىگى جانە الما گازەتى ينتەرنەت شەكتى سەرىكتەستىگى، 4 جاۋاپكەر استاسۋ ارقىلى جەلىكتىرەتىن باسىلىمدى تاراتۋ قىلمىسى جانە شەتەلدىك كۇشتەرمەن استاسۋ قىلمىسى بويىنشا ايىپتالعان. مۇنان سىرت، لي جىيىڭعا شەتەلدىك كۇشتەرمەن استاسۋ قىلمىسىن وتكىزدى دەگەن جەكە ايىپتاۋ شىعارىلعان.

بۇل دەلو 2023 – جىلى 12 - ايدىڭ 18 - كۇنى رەسمي قارالعان، شياڭگاڭ مەملەكەت حاۋىپسىزدىگى زاڭى بويىنشا بەلگىلەنگەن 3 سۋديا بۇل دەلونى قاراعان. 2024 – جىلى 6 - ايدىڭ 11 - كۇنىنە دەيىن، ايىپتاۋشى جاق دالەل - ىسپاتتاردى رەسمي تاپسىرىپ بولعان، سوت 7 - ايدىڭ 25 - كۇنى بارلىق ايىپتامالاردىڭ دالەلدەرى شىنايى دەپ كەسىم جاساعان. لي جىيىڭ 2024 – جىلى 11 - ايدىڭ 20 – كۇنىنەن باستاپ اقتالعان، بۇل بارىس 2025 – جىلى 3 – ايدا اياقتالعان. 2025 – جىلى 8 - ايدىڭ 18 - كۇنىنەن 28 – كۇنىنە دەيىن، ءارقايسى جاقتار دەلونى اياقتاتۋ الدىندا بايانداۋ جاساعان.

كەلۋ قاينارى: حالىق تورابى